1 Samweri 3:13 - Kifuliiru

¹³ Mukuba, ulya Heri, kundu âli yiji-yiji ngiisi kwo bagala baage bagenderiiri ukungeneka, atanabakanukira. Kwokwo, nanamúbwira kwo ngakizi hana imbaga yage imyaka neꞌmyakuula.

1 Samweri 3:13 Referans Kwoze

Mataayo 10:37

«Umundu, iri angaba akuuziri yishe, kandi iri nyina, ukuhima kwo anguuziri, yehe atakwaniini kwo abe weꞌmwani. Neꞌri angaba akuuziri mugala wage, kandi iri munyere wage, ukuhima kwo anguuziri, yehe naye, atakwaniini kwo abe weꞌmwani.

Migani 19:18

Ukizi yerekeza umwana wawe, halinde ukizi ba noꞌmulangaaliro. Si iri wangaleka ukumúhana, iri wamúshereeza.

1 Samweri 2:12

Bagala Heri batâli simbahiri Nahano, si bâli riiri banangora-mabi.

1 Samweri 2:17

Yabo bagala Heri, ikyanya bâli kizi gira ibyaha mwene yibyo, banakizi ba bagayiriza amatuulo ga Nahano. Kyanatuma agabarakarira bweneene.

Hezekyeri 18:30

«Kwokwo, e Bahisiraheeri! Ngaahana ngiisi muguma winyu, ukukulikirana na byo agweti agaagira. Ku yukwo, mujandage amabi giinyu, gira mutayiji kengeera mwayitwa. Kwokwo, kwo nie Rurema Nahamwinyu ndesiri.

Hezekyeri 7:3

Buno, ulwinyu lwamùhikira! Na ngola ngamùhana ku buraakari bweneene. Mukuba mwâli kizi nyaagaza, mu kukizi yifunda mu bitalaalwe.

Migani 29:15

Ikyanya umwana alonga ikihano, iri ali mu longa ubwitegeereze. Si umwana ye bali muleka kiteera, yehe ali mu bonia nyina ishoni.

1 Yohana 3:20

Kundu imitima yitu yangatulega, haliko Rurema ye gihimiri. Yehe, ayiji byoshi.

Mwigiriza 7:22

Kiri na wenyene, uyiji bwija kwo wâli gweti ugakizi tukana ubugira kingi.

2 Kutondobola 20:12

Yaba basirikaani ábatuyijira, bali katundu. Tutanashobwiri imbere lyabo. Aaho! Kuti kwo tugaagira? Si tulangaliiri ubutabaazi imwawe! Bwo we Rurema witu, wenyene ubahane.»

1 Baami 2:44

«Amabi go ukakolera daata Dahudi, ugayiji-yiji ku bweranyange. Kyo kitumiri naawe buno, Nahano akola agakuhana.

Bukengeeze 17:12

«Neꞌri umundu angayikangaata, anabe atasimbahiri umutwi weꞌmaaja, kandi iri umugingi úwabiikwa kwo akizi kolera Nahano, Rurema winyu, uyo mundu, ku kasiisa, akwiriiri ayitwe. Kwokwo, kwo mugaaba mwamala amabi mu Bahisiraheeri.

Bukengeeze 21:18

«Hali ikyanya umushosi angaba ali noꞌmwana muhuni, anali mundagabika. Uyo mwana, ikyanya yishe na nyina bali mu múhanuula, atali mu bayuvwa.