1 Samweri 26:10 - Kifuliiru

¹⁰ Ku kasiisa, nga kwo Nahano ayamiri ho, yehe yenyene ye wâye múyite, kuba kufwa butala, kandi iri kufwira mwiꞌzibo.

1 Samweri 26:10 Referans Kwoze

Bukengeeze 31:14

Nahano anashubi bwira Musa: «Ulwawe, keera lwamalaga. Kwokwo, uhamagale Yoshwa, munayingiranwe mwiꞌheema lyeꞌmihumaanano. Mwomwo, mwo ngamútegekera.» Kwokwo, Musa bo na Yoshwa, banagenda mwiꞌheema lyeꞌmihumaanano.

Ndondeko 47:29

Uyo Yakobo, iri akaba akola agaafwa, anatumira mugala wage wa Yusefu, anamúbwira: «Iri wangaba unguuziri, nakuyinginga ubiikage ukuboko kwawe hano mwiꞌdako lyeꞌkibero kyani, unandagaanie kwo utaganziika mu kino kihugo kyeꞌMiisiri. We kongwa! Yiri igambo, ulingirire mu kati koꞌlushaagwa.

Barumi 12:19

E bakundwa baani! Mutakizi yihoola! Si muleke Rurema akabe ye gamùyihoolera ku buraakari bwage. Mukuba, biyandisirwi kwo Nahano adesiri kwokuno: «Niehe, nie mwene ukuyihoola, nganaki yihoola.»

Zaburi 37:13

Kundu kwokwo, Nahano ali mu bashekeereza, bwo ayiji kwo bakola bagaahanwa naaho.

1 Samweri 31:6

Kwokwo, kwo Sahuli na bagala baage bashatu bakafwa. Kiri noꞌlya woꞌkumútwaza ibyugi, naꞌbaabo basirikaani bingi, booshi banaherera kuguma ku lwolwo lusiku.

1 Samweri 25:38

Ulya Nabaali, ha nyuma lyeꞌsiku ikumi, Nahano anamúyitiisa.

1 Samweri 25:26

«E nahamwitu, buno, ukoli bwinagi ngiisi kwo Nahano akubuza kwo utayone umuko, utanayihoole naꞌmaboko gaawe wenyene. Ku yukwo, nga kwo Rurema ayamiri ho, na nga kwo naawe uli ho, abagoma baawe, na ngiisi ábali mu looza ukukuyita, ubalekere mu buhwija úbuli nga bwa Nabaali.

Bukengeeze 32:35

Ndoziizi ukuyihoola, na mbaheereze ngiisi íbibakwaniini. Ulusiku lwo bagashereezibwa kwo, lukola hoofi. Bagayami teerwa noꞌbuhanya kinaliguma.”

Bwigule 18:8

Kundu adetaga kwokwo, kalya kaaya kagayami teerwa na yaga malibu gooshi ku lusiku luguma: umwena, noꞌlufu, neꞌkigandaaro. Haaho, yako kaaya kanabuli singooka! Mukuba, Nahano Rurema, ye gakatwira ulubaaja yenyene. Anali kihagarusi!»

Baheburaniya 9:27

Bishungisirwi kwo ngiisi mundu ali mu ba wa kufwa liguma naaho. Ha nyuma, Rurema anamútwire ulubaaja.

Luka 18:7

Kiri naꞌbandu bo Rurema akatoola, ka itali yo haahe kwo agabaheereza ukuli kwabo! Si bayamiri bagweti bagamútakira úbwakya-úbwayira, kwo abatabaale. Aaho! Ka agashubi tindiriza mu kubatabaala? Nanga!

Mwigiriza 3:2

Hali ikyanya kyoꞌkubutwa, na kyoꞌkufwa. Hali ikyanya kyoꞌkubyala, na kyoꞌkushubi kuula.

Zaburi 94:23

Yabo babi, ikyanya bali mu yifunda mu byaha, Rurema ali mu bayihoola. Ee ma! Bwo bali mu kizi gira íbitali nga byo, Rurema Nahamwitu agaki baminika, halinde batanaki be ho.

Zaburi 37:10

Ee! Ha nyuma hiniini, banangora-mabi batagaki ba ho. Kundu mwangagendi baloogeza ho bashuba, batagaki boneka.

Hayubu 14:14

Umundu, iri angaba akoli fwiri, ka angaki shubi tuula ho? Isiku zaani zooshi, ngweti ngalibuuka. Si nangalindirira halinde njwekuulwe mu lufu.

Hayubu 14:5

Umundu, isiku zaage zoꞌkuramba, keera ukazigereereza. Unakoli yiji umuharuuro gweꞌmyezi yage. Atanahangwirwi ukutalusa kiri neꞌhinyerere hiniini.

Hayubu 7:1

«Ngiisi mundu ahiiti amagoorwa mingi mu kihugo. Tugweti tugayitubanula ngoꞌmukozi weꞌmbembo.

1 Samweri 24:15

«E mwami waꞌBahisiraheeri, ka biziziragi kwo ndoziizi ukukuyita? Uyimwiri nyandi? Ka mutumba gwa kabwa? Kandi iri kihuuhulu kyeꞌnguku?

Baheburaniya 10:30

Tuyiji kwo Rurema akadeta: «Niehe, nie mwene ukuyihoola, nganaki yihoola!» Akadeta na kwokuno: «Nahano agaatwa imaaja zaꞌbandu baage.»

1 Samweri 24:12

«E daata, lolaga ikano lyoꞌmulondo gwawe, lyerino ngoli fumbiiti. Yiri ikano, ikyanya nalishisha, naleka ukukuyita. Kwokwo, umenye ku kasiisa kwo ndakujinikiiri. Kundu ndaalyo igambo lyo nzindi kuhubira kwo, haliko wehe, uki gweti ugambiiva, mbu unyite.

1 Samweri 25:39

Dahudi, iri akabwirwa kwo Nabaali keera afwa, anadeta: «Nahano ahuuzibwe! Ulya Nabaali, kundu akangayiriza, haliko Nahano akambangirira kwo ndayihoole. Na bwo ndi mukozi wage, akanyitangiira, gira ndagwanwe nagira amabi. Si Nabaali yehe, bwo akagira amabi, keera Rurema amúhana.» Haaho, Dahudi anayami tuma indumwa imunda ulya Habigahiri, gira bagendi múbwira, kwo ayiji ba mukaage.

1 Samweri 31:4

Lyeryo, Sahuli anabwira umwambali wage úwâli mútwaziizi ibilwaniiso: «Uyomolage ingooti yawe, gira umboleereze. Ndaloziizi kwo yaba bapagaani bayiji mboleereza neꞌngooti, mu kunjekeereza.» Kundu kwokwo, uyo mwambali anayoboha, analahira ukumúyita. Lyeryo Sahuli, anayami yomola ingooti yage, yenyene anagigwira.