1 Samweri 21:12 - Kifuliiru

¹² Si abakozi boꞌyo mwami, banamúbwira: «Ka atali ye Dahudi uyu, mwami waꞌBahisiraheeri? Ka atali ye yolya bâli kizi yimbira, iri banakina, ti: “Sahuli akayita abandu bihumbi. Si Dahudi yehe akayita ibinoono neꞌbinoono.”»

1 Samweri 21:12 Referans Kwoze

Luka 2:19

Birya byoshi, Maryamu anabisingula mu mutima gwage, anakizi biyitoneesa kwo.

Luka 2:51

Ha nyuma, Yesu, ababusi baage banamútaahana i Nazareeti, anakizi basimbaha. Birya byoshi íbikakoleka, nyina âli kizi bisingula mu mutima gwage.

Zaburi 119:11

Lirya Igambo lyawe, ngoli lisingwiri mu mutima gwani, gira ndayiji kengeera nakuhubira.

Zaburi 56:3

iri banangamba umulege-rege gwoshi. Bali mu yiji ndeera ku bwikangaate, banali katundu.

Zaburi 34:4

Mugire tukizi huuza ubulangashane bwa Nahano kuguma, iri tunahuuza iziina lyage.

1 Samweri 21:10

Ahimereki naye, ti: «Hano, hali ingooti yoꞌlya Mufirisiti Golyati, ulya ye ukayitira mu ndekeera yeꞌHela. Iyo ngooti, ikiri nzingule mu kyubati. Iri wangaba ugiloziizi, ugiyabiire. Ndaayo gindi íri hano.» Dahudi anamúshuvya: «Iyo ngooti, ugimbeereze. Ndaayo gindi ígihimiri.»

Ndondeko 26:7

Abandu ba mu kihugo kyeꞌGeraari, iri bakabuuza Hisake hiꞌgulu lya mukaage, anabashuvya: «Uyu, ali mwali wani.» Akayoboha ukudeta kwo ali mukaage, bwo Rebeka âli nonosiri bweneene. Âli yobohiri kwaꞌbatuulaga beꞌyo munda bagakengeera bamúyita.

1 Samweri 21:13

Dahudi, iri akayuvwa yago magambo, anatondeera ukuyoboha ulya mwami Hakishi.

1 Samweri 18:7

Neꞌkyanya bâli gweti bagatamba, banakizi yimba inyimbo zoꞌkuyakuranwa, kwokuno: «Mwami Sahuli ayita ibihumbi byaꞌbagoma baage. Si Dahudi yehe, ayita ibinoono neꞌbinoono.»