1 Samweri 20:30 - Kifuliiru

³⁰ Lyeryo, ulya Sahuli anayami rakarira Yonataani, anamúmamira, ti: «Si ukabutwa noꞌmukazi mushule! Ka ndayiji kwo mukundiini na mugala Yese? Si ugweti ugayibonia ishoni wenyene! Unali mu zibonia na nyoko.

1 Samweri 20:30 Referans Kwoze

Migani 21:24

Ngiisi úli mu yiheemya noꞌkuyidundulika, iziina lyage ye Kagayirizo. Uyo Kagayirizo, ku ngiisi byo ali mu gira, ali mu kizi yihaya naaho.

Bahefeso 6:4

Na niinyu mwe bayishe ba baana, mutakizi yagaza abaana biinyu. Haliko, mukizi balera bwija mu kati ka Nahano, iri munakizi bahanuula ku magambo gaage.

Bahefeso 4:31

Mutakizi ki jinikirana, mutanakizi ki rakarirana. Hatagire úgakizi yigurumura, kandi iri kutukana. Mutanakizi girirana buligo.

Mataayo 5:22

Haliko, niehe namùbwiraga, kweꞌri umundu angagwatwa noꞌbute hiꞌgulu lya mwene wabo, akwiriiri atwirwe ulubaaja. Neꞌri angaduka mwene wabo kwo ali kafwa-busha, akwiriiri akozibwe naꞌbakulu beꞌkihugo. Neꞌri angaduka mwene wabo kwo ali muhwija, akwiriiri alashwe mu muliro gweꞌnakwere!

Migani 27:3

Ibuye noꞌmushenyu, byombi biri bizito. Si ibyeꞌngingwe, kuli kuhalala kwoꞌmuhwija.

Migani 25:28

Umundu, iri atangayihangirira ku buraakari bwage, ali ngaꞌkaaya ákali mu teerwa, katanali noꞌluzitiro.

Migani 19:19

Umundu úli mu raakara bweneene, akwaniini ahanwe. Na kundu wangamúkiza liguma, haliko bigakuhuuna kwo ukizi múkiza ngiisi kyanya.

Migani 19:12

Ikyanya mwami araakara, ali mu ba nga ndare ígweti ígalunduma. Si urukundo lwage, luli mu ba nga kimi íkiri ku katendeezi.

Migani 15:2

Abitegeereza, ikyanya bali mu deta, bali mu yushuula ubumenyi. Si abahwija boohe, bali vujuuka mu magambo.

Migani 14:29

Umwitegeereza atali mu yagalwa duba. Si úli mu raakara ku mulindi, ali mu yerekana ubuhwija bwage.

Hayubu 5:2

«Umuhwija, ikyanya ali mu yuvwa inzigo, iri mu múyita. Neꞌbizeeze, ikyanya biri mu yuvwa uluugi, luli mu yami baminika.

1 Samweri 20:29

Ambwira: “E waliha, umbanguule ngende. Mukuba, abandu beꞌmbaga yani bagagendi yikumba iyo munda mu kaaya kiitu. Bandumira kwo naani ndabule ho. Kwokwo, iri wabona kwo bikwaniini, umbanguule ngende imunda yabo beene witu.” Kyo kitumiri atali hano, mbu mushangiire.»

1 Samweri 20:31

Mu kino kihugo, ku kyanya Dahudi akiri mugumaana, utangaki yimikwa kwo ube mwami. Aaho! Ugendi múleetaga, gira nimúyite.»