1 Samweri 2:4 - Kifuliiru

⁴ Baguma, kundu ziri ndwani, haliko imiheto yabo iri mu vunwa. Si ábashuba mu siitara boohe, bakoli sikamiri.

1 Samweri 2:4 Referans Kwoze

Zaburi 76:3

Rurema atuuziri i Yerusaleemu, ku mugazi Sayuni.

Zaburi 37:15

Kundu kwokwo, yizo ngooti zaabo, bagaziyiyomeka boonyene. Neꞌmiheto yabo, igavunwa-vunwa.

Bafiripi 4:13

Njobwiri ukukizi gira byoshi ku njira ya Kirisito. Mukuba, ye mu mbiika mweꞌmisi.

Zaburi 46:9

Muyiji bona ngiisi byo Nahano keera akagira, mulole ngiisi kwo akaleeta akahumbwe mu kihugo.

Baheburaniya 11:34

Abandi, banazimya umuliro, kundu gwâli gweti gugayigwima bweneene! Abandi, banahushwa neꞌngooti. Na kundu bâli riiri mu bukaholwe, haliko banalongaga imisi, banaba ndwani mwiꞌzibo, banahaviiriza abasirikaani beꞌmahanga.

2 Bakorindo 12:9

Halikago ananjuvya: «Ugaahasha ku njira yoꞌlukogo lwani naaho. Ee! Ikyanya ugakizi ba mu bukaholwe, mwoꞌbushobozi bwani bugakizi kukola mwo.» Ku yukwo, yubwo bukaholwe bwani, bwo ngasiimaga ukukizi yihayira kwo, halinde lyoꞌbushobozi bwa Kirisito bukizi nyama mwo.

Zaburi 37:17

Mukuba, yabo banangora-mabi bagaki shaabulwa. Haliko ngiisi ábakwaniini boohe, Nahano ali mu basikamya.

Yeremiya 37:10

Kundu mwangahima akatundu kaꞌbasirikaani baage, anasigalane abasirikaani bagerwa naaho ábakomeresiri, haliko yabo bagerwa bangahuluka mu maheema gaabo, banayiji jigiivya i Yerusaleemu.”»

Hisaaya 10:4

Si mwâye gendi bunda mu mbohe, kandi iri muminikwe kuguma na ábali mu yitirwa mwiꞌzibo. Kundu kwokwo, ubute bwa Nahano bugaaba butazi hooha. Agaaba aki bangwiri ukuboko kwage, mu kulooza ukuhana abandu baage.

Bahefeso 6:14

Kwokwo, mukizi sikama mu kati koꞌkuli! Kukizi ba nga mukaba gwoꞌkukizi mùkania mu nda. Munakizi gira na íbikwaniini imbere lya Rurema! Bikizi ba zo siribo zoꞌkuyambala mu bifuba.

Baheburaniya 11:32

Bikagi byo nangaki deta? Si ndaakikyo kihe kyo nangaki deta mweꞌmyazi ya Gidyoni, neꞌya Baraka, neꞌya Samusooni, neꞌya Yefuta, neꞌya Dahudi, neꞌya Samweri, kiri naꞌbandi baleevi.

Zaburi 18:39

Yabo bagoma baani, bâli kizi gwa mwiꞌdako lyeꞌshando zaani, na mbajigiirize lwoshi-lwoshi, halinde batangaki yimuka.

Zaburi 46:10

Agweti agaamala izibo, halinde ukuhisa haꞌmahanga gooshi gahekiiri. Agweti agavuna imiheto, wa koto! Naꞌmatumu, ali mu gajajagula. Kiri neꞌsiribo, ali mu zisiriiza.

Hisaaya 40:29

Ikyanya abandu bali mu ba baluhiri, ali mu bakania, halinde banashubi kana indege.

Yeremiya 51:56

Ee! Abagoma bagweti bagateera i Babeeri. Abasirikaani baamwo keera bagwatwa imbohe, banavunirwa imiheto yabo. Nie Nahano Rurema. Ikyanya abandu bagweti bagaagira amabi, ndi mu bahana. Kwokwo, ngabahana ngana, ukukulikirana naꞌmabi gaabo.