1 Samweri 18:7 - Kifuliiru

⁷ Neꞌkyanya bâli gweti bagatamba, banakizi yimba inyimbo zoꞌkuyakuranwa, kwokuno: «Mwami Sahuli ayita ibihumbi byaꞌbagoma baage. Si Dahudi yehe, ayita ibinoono neꞌbinoono.»

1 Samweri 18:7 Referans Kwoze

1 Samweri 21:11

Yulwo lusiku lwo Dahudi akatibita mwami Sahuli, anatibitira imwa mwami Hakishi weꞌGaati.

1 Samweri 29:5

Uyu Dahudi, si ye yolya yaꞌbakazi bâli kizi kinira, mu kuyimba kwokuno: “Sahuli, kundu akayita ibihumbi, haliko Dahudi yehe, keera akayita ibinoono neꞌbinoono.”»

Kulyoka 15:21

Miryamu anatondeera ukubayimbira: «Muyimbire Nahano, úli mu kizi huuzibwa bweneene. Ifwarasi na ábâli kizi zigendera kwo, abakamiza mu nyaaja.»

2 Samweri 6:5

Ku yikyo kyanya, mwami Dahudi kuguma naꞌbaabo Bahisiraheeri booshi, banakizi genda bagweti bagayimbira Nahano, iri banatamba ku bushambaale bwingi. Bâli kizi lasa inzeeze, neꞌbinanda, neꞌngoma, noꞌtushamba, neꞌsembaale.

2 Samweri 18:3

Haliko yabo bandu baage, banamúlahirira, banamúbwira kwokuno: «Nanga, e waliha! Wehe, utagende. Twehe, iri twangatibita, batagatulola kwo. Na kundu baguma biitu bangayitwa, batangayishuhiza. Si wehe, mu kati kiitu, ulyagagi naꞌkamaro bweneene ukuhima abandu bihumbi ikumi! Ku yukwo, usigalage haahano mu kaaya, gira ukakizi tutabaala ku magoorwa giitu.»

1 Samweri 21:12

Si abakozi boꞌyo mwami, banamúbwira: «Ka atali ye Dahudi uyu, mwami waꞌBahisiraheeri? Ka atali ye yolya bâli kizi yimbira, iri banakina, ti: “Sahuli akayita abandu bihumbi. Si Dahudi yehe akayita ibinoono neꞌbinoono.”»

2 Samweri 23:1

Dahudi mugala Yese, ye Rurema akakuza bweneene. Rurema wa Yakobo, ye kamútoola kwo abe mwami. Dahudi ye kanayandikira Abahisiraheeri inyimbo nyiija íziyuvwikiini bweneene. Amagambo goꞌkusiguusa ga Dahudi, go gaaga: