1 Samweri 1:19 - Kifuliiru

¹⁹ Iri bukakya shesheezi, Herikana neꞌmbaga yage banavyuka kare-kare. Neꞌri bakaba keera bayikumba Nahano, banataahira mu kaaya kaabo keꞌRama. Uyo Herikana, ikyanya akamenyana na mukaage Haana, leero Nahano anayami heereza Haana ibuta.

1 Samweri 1:19 Referans Kwoze

Ndondeko 21:1

Nahano anakengeera Saara, anamúgirira nga ngiisi kwo akamúlagaania.

1 Samweri 1:11

Ikyanya âli gweti agamúhuuna, anabiika indahiro kwokuno: «E Nahano woꞌbushobozi bwoshi, nie mukozi wawe, ngweti ngalibuuka bweneene. Iri wanganyuvwirwa indengeerwa, utayibagire ukumbeereza umwana woꞌbutabana. Uyo mwana, ngakutangira ye, anakizi kukolera mu burambe bwage bwoshi, atanâye begwe.»

Ndondeko 30:22

Ha nyuma, Laheeri naye, Rurema anamúkengeera. Anashuvya amahuuno gaage, mu kumúheereza ibuta.

Ndondeko 4:1

Hadamu anamenyana na mukaage Heeva. Neꞌkyanya Heeva akaheeka inda, anabuta Kahini, anadeta: «Keera nabuta umwana woꞌbutabana ku butabaazi bwa Nahano.»

Luka 23:42

Uyo mwitani, anashubi deta: «E Yesu, ikyanya ugayingira mu bwami bwawe, ukangengeere, maashi!»

Mariko 1:35

Iri hakaba shesheezi kare-kare, bútazi tejuukana, Yesu anavyuka, anahuluka mu nyumba, anagendi huuna Rurema áhayiheriiri.

Zaburi 119:147

Ndi mu kizi vyuka ku mutwezi, gira ngutabaaze. Igambo lyawe, lyo mbiisiri kwoꞌmulangaaliro.

Zaburi 55:17

Haliko niehe, ngakizi tabaaza Nahano Rurema, halinde anangize.

Zaburi 25:7

E Nahano, kundu nâli kizi huna mu busore bwani, nanakizi yifunda mu byaha, haliko utakizi ki bikengeera. Si uli mwija! Aaho! Ikyanya ugakizi ngengeera, kube naaho mu kati koꞌrukundo lwawe.

1 Samweri 9:26

Iri bukakya shesheezi, Samweri anahamagala Sahuli yaho hiꞌgulu lyeꞌnyumba, anamúbwira: «Vyuka, nguherekeze.» Kwokwo, Sahuli anavyuka, bombi banashokola injira.

Ndondeko 8:1

Gulya mwijulire, ikyanya gukahisa isiku igana na makumi gataanu, Rurema âli ki kengiiri Nuhu, neꞌbitugwa byoshi, neꞌnyamiishwa zooshi, nga kwo byâli riiri mu mashuba. Kyanatuma Rurema agalungika imbuusi, yanahuusa bweneene mu kihugo, halinde amiiji ganatondeera ukuyema.

Zaburi 136:23

Ikyanya twâli kizi gayirizibwa, anatukengeera. Urukundo lwage, luyamiri ho, halinde imyaka neꞌmyakuula.

Zaburi 5:3

We Rurema wani, unali we mwami wani. Kwokwo, ikyanya ngweti ngakutabaaza mu kati kaꞌmalira, unyuvwirize. Ndaaye gundi ye ngahuuna, útali wenyene naaho.

1 Samweri 2:11

Uyo Haana, iri akayusa ukudeta kwokwo, anataahira i Rama bo na yiba. Haliko, ulya mwana Samweri, anasigala yaho i Shiilo, gira akizi kolera Nahano, mu kukizi tabaala umugingi Heri.

1 Samweri 1:1

Hâli riiri mushosi muguma, iziina lyage ye Herikana. Âli tuuziri mu kaaya keꞌRama, mu migazi ya mu kihugo kya Hifurahimu. Herikana âli mugala Yerohaamu, mwijukulu Herihu. Na Herihu âli mugala Toohu, mwijukulu Suufu, wa mu gwogwo mulala gwaꞌBahifurahimu.

1 Samweri 7:17

Ha nyuma, anakizi galukira imwage i Rama. Na yaho kwakundi, âli kizi twa heꞌmaaja zaꞌBahisiraheeri, anahayubaka akatanda ka Nahano.

Yoshwa 18:25

Hâli naꞌkaaya keꞌGibyoni, naꞌkeꞌRama, naꞌkeꞌBerooti,

1 Samweri 8:4

Kwokwo, abakulu baꞌBahisiraheeri banakuumana i Rama, gira bagendi bona Samweri.

1 Samweri 15:34

Ha nyuma, Samweri anagalukira i Rama. Haliko Sahuli yehe, anagalukira imwage i Gibeya.

1 Samweri 16:13

Kwokwo, Samweri anayabiira injebe, anashiiga uyo Dahudi amavuta imbere lyaꞌbakulu baage. Ukulyokera ku yulwo lusiku, Umutima gwa Nahano gwanashonookera ku Dahudi ku bushobozi. Ha nyuma, Samweri anagalukira i Rama.

1 Samweri 19:18

Ikyanya uyo Dahudi akapuumukaga, anagenda i Rama, imwa Samweri, anamúganuulira ngiisi byo Sahuli âli kizi múgirira. Kwokwo, Dahudi na Samweri, banagendi beera i Nayoti.

1 Samweri 25:1

Ku yikyo kyanya, Samweri anashaaja. Kwokwo, Abahisiraheeri booshi banakuumana, banamúziika ha mwage mu kaaya keꞌRama, banamúgandaara. Ha nyuma, Dahudi anagenda mwiꞌshamba lyeꞌParaani.

2 Baami 4:17

Kundu kwokwo, ulya mukazi anaheeka inda. Na ku kyekirya kyanya mu gundi mwaka, anabuta umwana, nga kwo Hirisha âli mali gwanwa amúbwira.