1 Peturu 3:4 - Kifuliiru

⁴ Haliko, ikyanya mugayilimbiisa, kukizi ba ku bisingwirwi mu mitima yinyu. Mukizi ba neꞌmitima yoꞌbutuudu, inatuziizi. Mukuba, mwene yibyo, bitâye fwifwitire. Binali byo biryagagi naꞌkamaro bweneene imbere lya Rurema.

1 Peturu 3:4 Referans Kwoze

Bakolosaayi 3:12

Rurema keera akamùtoola kwo mube bandu baage beeru, anamùkuuziri. Ku yukwo, mukizi yuvwiranwa indengeerwa, iri munagirirana bwija! Mukizi ba batuudu mu kunogerana, na mu kuyigendererana.

1 Samweri 16:7

Nahano anamúbwira kwokuno: «E Samweri, uyu, keera namúlahira. Utakizi lolera umundu ku njusho yage, kandi iri ku mutumba gwage. Yibyo byaꞌmagala, si byaꞌbandu nabo bali mu lola kwo. Haliko niehe, ndi mu loleekeza naaho ku biri mu mutima.»

Barumi 2:29

Si Umuyahudi nirizina, ali mu ba Muyahudi ku biri mu mutima gwage. Noꞌkutenguulwa kwage, nakwo kuli mu girwa mwomwo mu mutima, ku njira yoꞌMutima Mweru. Si kutakulikiriini na íbiyandisirwi mu maaja! Umuyahudi nirizina, atali mu huuzibwa naꞌbaabo bandu. Si yehe ali mu huuzibwa na Rurema yenyene!

Mataayo 11:29

Mukizi betulira ku ngata yani, na mbe nie mugakizi yigira kwo. Kwokwo, lyeꞌmitima yinyu ilonga ukuluhuuka. Mukuba, ndi mu nogerana, na ndi mutuudu.

Tiito 3:2

Hatanabe mundu ye bagakizi gamba. Si bakizi tuula mu mutuula, banakizi nogerana mu kati koꞌbutuudu mu bandu booshi.

Mataayo 23:26

E Bafarisaayo! Si muhumiri! Mutee yeruusa munda lyoꞌrusoozo, lyeꞌmugongo nayo iba nyeeru!

Barumi 7:22

Mu mutima gwani, ndi mu simiisibwa bweneene neꞌmaaja za Rurema.

2 Bakorindo 4:16

Ukukulikirana na yibyo byoshi, tutali mu yihebuura. Kundu amagala giitu gali mu fwifwitira, haliko mu mitima yitu tuli mu girwa bahyahya ngiisi lusiku.

1 Batesaloniki 4:11

Mukizi gira umwete gwoꞌkukizi tuuza. Mutanakizi genda mugayitabula-tabula mu byaꞌbandi. Halikago, mukizi yikolera naꞌmaboko giinyu mwenyene, nga kwo keera tukamùbwira.

Bahefeso 4:2

Mukizi nogerana mu kati koꞌbutuudu bwoshi! Munakizi yigendererana, iri munakizi gooyerana mu kati koꞌrukundo.

1 Peturu 3:15

Kirisito ayame alyagagi Nahamwinyu mu mitima yinyu. Ikyanya abandu bagakizi mùbuuza hiꞌgulu lyoꞌmulangaaliro gwinyu, mukizi yama muli ibiringiini mu kubashuvya.

1 Timoteyo 2:2

Mukizi huunira abaami, naꞌbandi batwali booshi, gira lyo tulonga ukutuula mu kati koꞌmutuula, na mu butoge. Tunabe tugweti tugasimbaha Rurema iri tunagira íbikwaniini imbere lyage.

Luka 11:40

Si mulyagagi bahwija! Ikyanya Rurema akabumba i mugongo, ka atakabumba na mu nda?

Hisaaya 61:1

Umutima gwa Nahano Rurema gundi mwo. Keera akandaluula, kwo ngizi menyeesa abakeni imyazi miija. Akananduma imwa ábavunisiri umutima, kwo mbaholeeze. Akanduma neꞌmwaꞌbashweke, neꞌmwa ábakagwatwa imbira, gira mbamenyeese kwo bagashwekuulwa.

Hisaaya 57:15

Rurema ayamiri ho imyaka neꞌmyakuula! Ali Mweruuka, anatuuziri mwiꞌgulu bweneene. Anadetaga kwokuno: «Nduuziri mwiꞌgulu bweneene, hanali hataluule. Na kwakundi, nduuziri kuguma na ngiisi úli mutuudu, anabe ayibiisiri haashi. Ee! Yabo batuudu, bwo bali mu yibiika haashi, kyo kitumiri ngabaheereza imisi mihyahya.

Zaburi 25:9

Ngiisi ábali batuudu, ali mu barongoora mu kati koꞌkuli, anakizi bayigiriza ibyeꞌmwage.

Yakobo 1:21

Ngiisi bikoleere íbimùli mwo, mubishaazagye, kuguma na ngiisi mabi, kwo gakoli luguusiri. Mukuba, Rurema keera akabiika igambo lyage mu mitima yinyu. Kwokwo, muliyakiire mu kati koꞌbutuudu. Mukuba, yiryo igambo lyage, lyo lishobwiri ukumùkiza.

2 Timoteyo 2:25

Umukozi wa Nahano, ikyanya abandu bali mu giraga mbu bamúhangirire, akwiriiri akizi bayerekeza mu kati koꞌbutuudu. Mukuba, hali ikyanya Rurema angaki batabaala, halinde banatwikire ku buligo bwabo, banasobanukirwe neꞌbyoꞌkuli.

2 Batesaloniki 3:12

Kwiꞌziina lya Nahamwitu Yesu Kirisito, twakengula abandu mwene yabo. Twabakomeereza kwo batuuzagye. Ngiisi byo bagaalya, bakizi biyikolera!

Mataayo 5:5

Bahiriirwi, ábali batuudu! Boohe, bagahaabwa ikihugo.

Hisaaya 29:19

Ngiisi ábatindimaziibwi, Nahano agabashambaaza. Na ábakekeriiri bagashambaala mu kati ka Rurema, Umutaluule waꞌBahisiraheeri.

Zaburi 149:4

Nahano asiimiri abandu baage. Ngiisi ábali batuudu, ali mu bakiza, anabagingike.

Zaburi 147:6

Ngiisi ábali batuudu, Nahano agweti agabashiga. Si banangora-mabi boohe, ali mu badeedeka haashi.

Barumi 6:6

Tunayijagi kweꞌngesho ziitu za keera, nazo keera zikayitirwa ku kibambo kuguma na Kirisito, gira lyoꞌbushobozi bweꞌbyaha bushereezibwe. Kwokwo, lyo tutaki be baja beꞌbyaha.

Luka 16:15

Yesu anababwira: «Mwehe, mugweti mugayigira imbere lyaꞌbandu nga mwe mukwaniini. Kundu kwokwo, Rurema ayiji-yiji íbiri mu mitima yinyu. Ee! Ngiisi byaꞌbandu bali mu huuza, byebyo byo Rurema ali mu negura!»

Zaburi 51:6

Ikyanya nꞌgagira ibyaha, lyo nꞌgakuhubira. Ee! Ndaaye gundi ye nꞌgahubira. Keera nagira amabi bweneene mu masu gaawe. Ku yukwo, ikyanya ugweti ugandwira ulubaaja kwo nahuba, bibonekeriiri kwo uli woꞌkuli.

Zaburi 45:13

Abagale beꞌTiiro bagayiji kutengula, banakizi looza kwo ubatabaale.

1 Peturu 1:23

Mukuba, keera mukabutwa buhyahya. Kutakanaba ku njira yaꞌbabusi biinyu, banali ba kufwa. Si kukaba ku njira yiꞌGambo lya Rurema, bwo litâye fwe. Yiryo Igambo lyage, liri ligumaana, liganayama ho.

Bakolosaayi 3:3

Keera mukafwa. Na buno, ubugumaana bwinyu bukoli singwirwi mu kati ka Kirisito imwa Rurema.

Bagalatiya 5:23

noꞌbutuudu, noꞌkukizi yihangirira. Amagambo mwene yaga, imaaja zitali mu galahiza!

Zaburi 131:2

Si ngoli yitubereziizi umutima gwani, nga mwana mwanuke útengetiirwi na nyina. Ee! Kwokwo, kwoꞌmutima gwani gukoli tuziizi.

2 Bakorindo 10:1

Niehe Pahulu, namùyinginga ku mutima mwija, mu kati koꞌbutuudu bwa Kirisito. Baguma bali mu ndetaga kwo ndi mu ba mutuudu ku kyanya naaho tuli mu ba tuliriinwi. Mbu neꞌkyanya ndi mu ba hala, lyo ndi mu ba mukayu!

Mataayo 21:5

«Mubwire abandu ba mu kaaya keꞌSayuni: “Lolagi! Mwami winyu ali mutuudu, agweti agamùyijira ashoniri ku punda. Noꞌyo punda, akiri mwanuke.”»

Hisaaya 11:4

Haliko yehe, ikyanya agakizi twa ulubaaja lwaꞌbakeni, noꞌlwa ábatindimaziibwi, kugakizi ba ku njira íkwaniini. Ikyanya agakyula, abandu babi bagaahanwa, na banangora-mabi banaminikwe.

Yeremiya 51:59

Ku kyanya mwami Zedekiya akahisa imyaka ina atwaziri, anabalamira i Babeeri kuguma noꞌmulemberezi wage Seraya mugala Neriya, mwijukulu Mahiseya. Kwokwo uyo Seraya, nie Yeremiya nanamúheereza indumwa, kwo agindwalire iyo munda.

Barumi 1:23

Yabo bandu bakaleka ukuhuuza Rurema, anali ye tâye fwe. Banakizi yikumba imigisi íkagirwa ku njusho yaꞌbandu, banali ba kufwa. Banakizi yikumba na íshushiini noꞌtunyuni, na íshushiini neꞌnyamiishwa, na íshushiini na íbiri mu yibulula.