1 Peturu 2:23 - Kifuliiru

²³ Ikyanya bakamútukiiriza, atanabashuvya ku bitusi byabo. Neꞌkyanya bakamúlibuza, atakabikirana ikikando. Si akayibiika mu maboko ga Rurema, bwo ye mu twa imaaja ku njira íkwaniini.

1 Peturu 2:23 Referans Kwoze

Hisaaya 53:7

Uyo mukozi akabonerwa, anakizi libuzibwa. Kundu kwokwo, ndaabyo akadeta. Anasholerwa nga kibuzi íkigagendi tongeerwa. Kundu kwokwo, anahulika naaho nga kweꞌkyanabuzi kiri mu hulika, ku kyanya kiri mu kemwa ubwoya. Akanwa kaage kanakizi beera kabumbe.

1 Peturu 4:19

Kwokwo, iri abandu bangalibuzibwa ukukulikirana noꞌbulooze bwa Rurema, bakwiriiri bayihangaane mu kukizi gira amiija. Banayisikiirize mu maboko gaage. Mukuba, ye kababumba, anali mwemeera.

Baheburaniya 12:3

Abagoma ba Yesu, bâli kizi gira mbu bamúhangirire. Kundu kwokwo, mukizi kengeera ngiisi kwo akabagooyera. Kwokwo, niinyu mutayiji yoloha, mbu muhebuure.

Zaburi 37:5

Ngiisi byo ugakizi gira, ukizi bisikiiriza Nahano, unakizi múbiika kwoꞌmulangaaliro, halinde akutabaale.

Mikolezi 4:29

«Na buno, e Nahano! Ulolage ngiisi kwo keera batubiika kweꞌkikando! Tunali bakozi baawe. Aaho! Utushoboleese, halinde tulonge ukukizi deta igambo lyawe ku bukaruuke.

2 Timoteyo 4:8

Buno, ngoli bikiirwi ulushembe, bwo ngoli kwaniini imbere lya Nahano. Yulwo lushembe, agambeereza lwo ku lusiku lwo agagaluka kwo, anabe ali mu twa imaaja ku njira yoꞌkuli. Ndanali nienyene naaho nie galongaga ulushembe. Si agaluheereza na ngiisi bandi ábali neꞌkyedu kyoꞌkubona ngiisi kwo agagaluka.

2 Timoteyo 1:12

Yo na yeyo, yo itumiri ngweti ngalongaga yaga malibu. Kundu kwokwo, ndayuvwiti ishoni. Nyiji Yesu bwija, ninamúbiisiri kwoꞌbwemeere. Na ndi naꞌkasiisa kwo ngiisi byo akanzikiiriza, ashobwiri ukukizi bilanga, halinde ukuhisa ku lusiku lwo agagaluka kwo.

Luka 23:46

Yesu, anayamiza kwiꞌzu lihamu kwokuno: «E Daata, nasikiiriza umutima gwani mu maboko gaawe!» Neꞌri akayusa ukudeta kwokwo, umutima gwanayami deruuka.

Zaburi 31:5

Kundu bakandegaga imibashu, utaleke kwo ngigwatwe mwo. Si we gweti ugakizi njuutira.

Zaburi 10:14

Kundu kwokwo, ubwinagi ngiisi kwaꞌbandu bagweti bagalibuuka, iri banayingira mu makuba. Ngiisi lusiku uli mu ba ibiringiini ukubatabaala. E Rurema, umundu úli mwoꞌbukaholwe, we ayamiri alangaliiri. We na yamiri uli mu tabaala ifuuvi.

Bwigule 19:11

Ha nyuma, nanabonaga igulu likoli yanuusiri. Hanaboneka ifwarasi yeꞌkitare. Na úwâli gishoniri kwo, ali mu buuzibwa Mwemeera, na WoꞌKuli. Uyo, ali mu koleesa ukuli mu kutwa imaaja, na mu kugira izibo.

1 Peturu 3:9

Hatabaagage úgakizi galulirana ubuligo ku bundi, kandi iri ibitusi ku bindi. Si ikyanya abandu bagakizi mùtuka, mukizi bagashaanira. Byebyo, byo Rurema akamùhamagalira. Kwokwo, lyo niinyu mukizi longa ubugashaane.

2 Batesaloniki 1:5

Ikyanya mugweti mugalibuzibwa, mugaharuurwa kwo mukwaniini ukuyingira mu bwami bwage. Kwokwo, kwo Rurema ali mu yerekana kwo ali mu twa imaaja ku njira íkwaniini.

Bahefeso 6:9

Na niinyu, mwe banahamwabo, yaga magambo gali neꞌmwinyu. Yabo baja biinyu, mutakizi ki babiika kweꞌbikando! Si muyiji kwo Nahamwinyu ali mwiꞌgulu. Nabo, ye na Nahamwabo, ndaanayo ndoola yo ahiiti.

Barumi 2:5

Si ulyagagi mundagabika! Keera wanayumya umutima gwawe! Ku yukwo, ugweti ugayibiikira ikihano kihamu ngana-ngana ku lusiku lwo Rurema agayerekana uburaakari bwage. Ee! Rurema agaatwa imaaja zaꞌbandu ku njira íkwaniini.

Mikolezi 17:31

Mukuba, keera akabiika ulusiku lwo agatwira kwaꞌbandu booshi ulubaaja mu kati koꞌkuli. Kugaaba ku njira yoꞌmundu muguma, ye âli mali gwanwa atoola. Keera akanayereka abandu booshi akasiisa kaabyo, mu kumúzuula mu bafwiri.»

Mikolezi 9:1

Mu yizo siku, Sahuli anagenderera ukubiika ikikando mu bigirizibwa ba Nahano. Anababwira kweꞌri bangagenderera ukukulikira Yesu, agakizi bayita. Kwokwo, anagendera umukulu waꞌbagingi,

Luka 23:9

Uyo Heroode, anabuliriza Yesu ku magambo mingi-mingi. Haliko, Yesu atanamúyakula.

Zaburi 96:13

Mukuba, ye gayiji twa imaaja zaꞌbandu booshi mu kihugo. Ee! Ngiisi ábatuuziri mu kihugo, agayiji twa imaaja zaabo ku njira íkwaniini, na mu kati koꞌkuli.

Zaburi 7:11

Rurema, ye siribo yani. Ye gweti úgaakiza abandu boꞌkuli.

Ndondeko 18:25

Nanga! Utangayita ábakwaniini, na ábatakwaniini. Bitanganaziga kwo ábayimaaziri mu kuli, bahanirwe kuguma na banangora-mabi. Si we mutwi weꞌmaaja wa mu kihugo kyoshi, unali mu zitwa mu kati koꞌkuli.»

Mikolezi 7:59

Neꞌkyanya bakaba baki gweti bagavurumika Setefaano amabuye, anadeta: «E Nahamwitu Yesu, uyakiire umutima gwani!»

Luka 23:41

Si twehe, twahanwagwa ku njira íkwaniini, ukukulikirana naꞌmabi go tukagira. Haliko yehe, ndaago mabi go akagira!»