1 Baami 9:8 - Kifuliiru

⁸ «Iyi nyumba, kundu ikiri ya kahebuuza, haliko ha nyuma, igasigala mushaka. Ngiisi mundu woꞌkulenga hoofi lyayo, agakizi zuuza itwe, iri anayibuuza: “Maki gano? Kituma kiki Nahano agira ibala mwene yiri mu kino kihugo, na kwiꞌyi nyumba?”

1 Baami 9:8 Referans Kwoze

2 Kutondobola 7:21

«Iyi nyumba, kundu ikiri ya kahebuuza, haliko ha nyuma, ngiisi mundu woꞌkulenga hoofi lyayo, agakizi zuuza itwe, iri anayibuuza, ti: “Maki gano? Kituma kiki Nahano agira ibala mwene yiri mu kino kihugo, na kwiꞌyi nyumba?”

Yeremiya 22:28

Nanadeta: «Uyo mwami Koniya ali nga kirugu íkikabereka naaho, kyanakabulirwa! Ndaanaye úki múloziizi. Aaho! Uyo mwami, kituma kiki bakamúyimula, mbu agende mu kihugo kyo atayiji, kuguma neꞌmbaga yage?

Yeremiya 19:8

Kano kaaya, ngakashereeza lwoshi-lwoshi! Ikyanya abandu bagakizi lenga hoofi lyako, banabone ngiisi kwo kasigala biguuka, bagahuumirwa, banasoomerwe.

Danyeri 9:12

Ee! Ikyanya ukatushereeza, lyo ukakoleesa amagambo ágakagwanwa gadetwa hiꞌgulu liitu, kiri na hiꞌgulu lyaꞌbatwali biitu. «“Ngiisi kwo ukahaniiriza akaaya kiitu keꞌYerusaleemu, ndaabo bandi ábakahanwa bukayu mwene kwokwo.

Yeremiya 50:13

Na bwo Nahano agaaba akoli shavwiri, yikyo kihugo, ndaaye mundu úwâye kituule mwo. Si kigasigala biguuka. Ngiisi úgakizi kilenga mwo, agahuumirwa. Ikyanya abandu bagaabona ngiisi kwo kyashereezibwa, bagasoomerwa ngana-ngana!

Yeremiya 49:17

Nahano anadetaga kwokuno: «Ikihugo kyeꞌHedoomu kigashereezibwa lwoshi. Ikyanya abandu bagakizi lenga hoofi lyakyo, banabone ngiisi kwo kyasigala biguuka, bagahuumirwa, banasoomerwe.

Hisaaya 64:11

E Nahano, ku yibyo byoshi, ka utagatutabaala? Ka ugagenderera ukuhulika naaho? Ka ugakizi tuhana ukuhima kwo tugaahasha?

Bukengeeze 28:37

Iyo munda Nahano agamùtwala, mugahuumira abandu bweneene. Bagakizi mùshekeereza, noꞌkukizi mùhonyoleza, honyo!

2 Baami 25:9

Uyo mukulu, anasingoola inyumba ya Nahano, naꞌkajumiro, neꞌzindi nyumba zooshi zeꞌYerusaleemu. Ngiisi nyumba mbamu, akagisingoola.

2 Kutondobola 36:19

Ha nyuma, irya nyumba ya Rurema, Nebukandeneza anagisingoola. Anasingoola naꞌkajumiro neꞌzindi nyumba zaaho zooshi, na ngiisi kindu kyeꞌkishingo. Kiri neꞌnzitiro ízâli zungulusiri i Yerusaleemu, anazihongola.

Yeremiya 5:19

E Yeremiya, abandu bagakizi kubuuza: “Kituma kiki Rurema Nahamwitu agweti agatuyogogoza mwene yuku?” Naawe, unabashuvye: “Si keera mukamújanda! Na kundu mukoli tuuziri mu kihugo kiinyu, halikago mugweti mugayikumba imigisi yeꞌmahanga. Kyo kitumiri yibyo binyamahanga, mukola mugagendi kizi bikolera mu kihugo kyabo.”»

Yeremiya 16:10

«Yabo bandu, ikyanya ugababwira kwokwo, hali ikyanya bagakubuuza: “Aahago! Kituma kiki Rurema Nahamwitu akoli higiiri kwo atuyogogoze? Mahube maki go twagira? Kyaha kikagi kyo tukoziri imbere lyage?”

Yeremiya 18:16

Ikihugo kyeꞌBuyuda, keera bakihindula mushaka. Na ngiisi úli mu kilenga mwo, ali mu zuuza itwe, mu kusoomerwa. Mango kyashereezibwa, bagasoomerwa ngana-ngana!

Yeremiya 25:9

ngahamagala ibinyamahanga íbiri imbembe, kiri noꞌmukozi wani Nebukandeneza, mwami weꞌBabeeri. Yabo booshi, ngabaleeta bayiji teera kino kihugo kyeꞌBuyuda, kuguma naꞌbatuulaga baamwo, kiri na ábatuuziri ha butambi liinyu. Mweshi kuguma, ngamùzimiiza. Neꞌbihugo biinyu, binasigale mushaka, halinde imyaka neꞌmyakuula. Kwokwo, abandu bagashenguka hiꞌgulu liinyu, banakizi mùnegura.

Yeremiya 44:8

Si mugweti mugandaakaza, mu kuyokera imigisi umubadu! Aahago! Mwe muhungiiri mu Bamiisiri, kutagi mukola mu hoza imigisi yabo? Si mugaahera lwoshi-lwoshi, halinde ibinyamahanga byoshi binakizi mùdaaka, iri binamùhonyoleza!

Yeremiya 52:13

Uyo mukulu anasingoola inyumba ya Nahano, naꞌkajumiro, neꞌzindi nyumba zooshi zeꞌYerusaleemu. Ngiisi nyumba mbamu, akagisingoola.

Bukengeeze 29:23

«Abandu baꞌmahanga gooshi, bagabuuza: “Emwe! Kituma kiki Nahano akayogogoza yiki kihugo mwene yuku? Si agweti agakirakarira ngana-ngana.”

2 Baami 22:17

Ubute bwani hiꞌgulu lyeꞌYerusaleemu, bugakayuuka, butaganaki hooha. Mukuba, yabo bandu keera bakanjanda, banakola mu yokera imigisi umubadu, banakoli nyagaziizi, mu kukizi giyibaajira”

2 Kutondobola 29:8

«Kyo kitumiri Nahano akoli rakariiri ikihugo kyeꞌBuyuda, kuguma naꞌkaaya keꞌYerusaleemu. Keera akatushundeeza, anatuleeza mweꞌkinyukura. Na buno, tukola mu honyolezibwa. Yibyo byoshi, keera mukabiyibonera.

Kimombo 2:15

E Yerusaleemu! Ikyanya abagoma bali mu lenga imwawe, bali mu kuhonyoleza, ti honyo! Banali mu kulakiza inguuju, iri banazuuza amatwe gaabo, ti: «Kano kaaya, si bashuba mu deta kwo ko kiija ukuhima utundi twoshi, na kwo kali mu shambaaza abandu mu bihugo byoshi!»