1 Baami 19:9 - Kifuliiru

⁹ Umuleevi Hiriya, ikyanya akahika i Horebu, anayifunda mu lwala, analaala mwo. Lyeryo, Nahano anamúbwira: «Maki gano, go ugweti ugaagira hano?»

1 Baami 19:9 Referans Kwoze

1 Baami 19:13

Hirya hizu, iri akahiyuvwa, anayibwika amalanga niꞌkooti lyage, anahuluka mu lwala, anayimanga ha mulyango. Lyeryo, anashubi yuvwa izu, ti: «E Hiriya, maki go uki gweti ugaagira hano?»

Yeremiya 2:18

Si keera mukagendi nywana naꞌBamiisiri! Aahago! Ikyanya mukagendi nywa ku magoloovi goꞌlwiji Niire, ka hali byo mukayunguka? Na kwakundi, ikyanya mukagendi nywana naꞌBahasuriya, mbu mugendi nywa ku magoloovi goꞌlwiji Hefuraati, biki byo mukayunguka?

Ndondeko 16:8

Uyo muganda anamúbuuza: «E Hagaari, si ulyagagi muja-kazi wa Sarayi! Aaho! Hayi ho ulyosiri? Na hayi ho uli mu genda?» Hagaari, ti: «E nahamwitu, ngola mu tibita nyaama-buja Sarayi.»

Ndondeko 3:9

Kundu kwokwo, Nahano Rurema anamúhamagala, ti: «Ulyagagi hayi?»

Baheburaniya 11:38

Bâli kizi genda bagayangaara mwiꞌshamba, na mu migazi. Banayifunde mu myobo, na mu bikombo. Kino kihugo kibi, kitâli kwaniini kwo bakituule mwo.

Yeremiya 9:2

Yaba bandu bali mu koleesa utunwa twabo nga muheto, mu kulasha-lasha ibinyoma. Ibibeesha, byo bikoli luguusiri mu kihugo. Ikyanya bali mu mala ikyaha kiguma, banayami yifunda mu kindi. Mukuba, batanyiji nga ngiisi kwo ndi.» Kwokwo, kwo Nahano adesiri.

Yona 4:5

Ulya Yona anahulukaga mu kaaya, anagendi bwatala uluhande lweꞌsheere, anayiyubakira heꞌkitunda, anabwatala mu kimbehwa kyakyo. Analindirira abone ngiisi íbigakoleka mu kaaya keꞌNinaawi.