1 Baami 19:11 - Kifuliiru

¹¹ Nahano anamúbwira: «Hulukaga mu lwala. Uyimange kwiꞌrango imbere lyani. Mukuba, ngola ngalenga ho.» Lyeryo, Nahano mbu alenge, imbuusi yoꞌmubangami yanahuusa. Iyo mbuusi yanamoola imigazi, yanakunyula neꞌmikungubwe. Kundu kwokwo, yugwo mubangami, Nahano atâli guliiri mwo. Ikyanya iyo mbuusi ikahooha, mu kihugo mwanalenga sizigirye woꞌmusisi, gigi-gigi! Si yugwo musisi, Nahano átâli guli mwo.

1 Baami 19:11 Referans Kwoze

Hezekyeri 1:4

Iri nꞌgaba ngiri mu langiizagya, haaho, nanayami bona imbuusi ngayu igweti igahuluka uluhande lweꞌmbembe. Imbere lyayo, yâli riiri ikibungu kihamu, kisokaniinwi noꞌbulangashane. Na mu kati kaakyo, mwâli kizi lyamuza ibiryamu bweneene. Mu kati ka yikyo kibungu, mwâli yasiri umuliro. Na mu yugwo muliro, mwâli kizi kenyengana bweneene nga mulinga mu kiberekaana kyoꞌmuliro.

Zaburi 50:3

Rurema witu agayija, ataganahulika. Umuliro guli mu jigiivya imbere lyage. Neꞌkihuhuuta kiri mu huusa ha butambi lyage.

Hisaaya 30:30

Nahano agategeesa abandu amatwiri, balonge ukuyuvwa izu lyage lya kahebuuza. Banabone ngiisi kwoꞌbushobozi bwage bugaakola ku buraakari. Agashonooka mu muliro gwoꞌkujigiivya byoshi. Anayije neꞌkihuhuuta kikayu íkiri mu vuduka mweꞌnvula nyingi yoꞌlugungu.

Hayubu 38:1

Iri hakatama, Nahano anashuvya Hayubu mu kihuhuuta kwokuno:

Baheburaniya 12:26

Yaho keera, izu lya Rurema likashagaania ikihugo! Halikago buno, keera akagwanwa abiika umuhigo kwokuno: «Ngaki shubi shagania ikihugo lindi liguma. Kitanali kyonyene naaho. Si leero ngashagania kiri niꞌgulu!»

Hezekyeri 37:7

Lyeryo, nanatanga ubuleevi, nga kwo nꞌgabwirwa. Ikyanya nꞌgaba ngweti ngabutanga, nanayami yuvwa kweꞌrya migongolo ikola mu laka. Yanatondeera ukuyegeerana, iri inayinanikana kwo.

Zaburi 68:8

E Rurema! Ikyanya ukalyosa abandu baawe i Miisiri, wanakizi bashongaaniza injira mwiꞌshamba.

Kulyoka 34:2

Kusheezi shesheezi, uyibiike ibiringiini. Uzindukiri zamuukira ku mugazi Sinaayi, unandindirire ho.

Kulyoka 19:20

Nahano anayikira ku mugazi Sinaayi, anahamagala Musa yaho kwiꞌrango lyagwo. Kwokwo, Musa anaterama.

Bwigule 20:11

Nanabonaga ikitumbi kihamu kyoꞌbwami, kyeru pepeepe! Nanabona na úwâli kibwatiiri kwo. Ikihugo niꞌgulu byanayami nyerera imbere lyage. Mukuba, hatakaki boneka ho bigabeera.

Bwigule 16:18

Hanakizi ba ibiryamu, neꞌmilavyo, neꞌmikungulo. Mu kihugo, mwanalenga sizigirye woꞌmusisi. Noꞌkulyokera haꞌbandu bakatuulira mu kihugo halinde zeene, ndaagwo gundi musisi úguzindi shagania ikihugo nga gwo.

Bwigule 11:19

Haaho, inyumba ya Rurema íri mwiꞌgulu, yanayiguka. Na kalya Kajumba keꞌKihango kyage kanaboneka. Lyeryo, mwanaba ibiryamu, neꞌmilavyo. Mwanaba neꞌmikungulo, iri munavuduka invula nyingi yoꞌlugungu. Mwanalenga noꞌmusisi.

Kulyoka 24:18

Lyeryo, Musa anateramira ku mugazi, anayingira mu kirya kibungu, anamala mweꞌsiku makumi gana, ubushigi niꞌzuuba.

Kulyoka 24:12

Nahano anabwira Musa: «Uzamuukire ino munda ku mugazi, unabeere haahano, halinde nguheereze amabuye mabaaje, ámayandike kweꞌMaaja naꞌmategeko. Ha nyuma, lyo ugabiyigiriza Abahisiraheeri.»

Mataayo 28:2

Lyeryo mu kihugo, mwanalenga umusisi muhamu bweneene. Mwiꞌgulu, mwanashonooka umuganda wa Nahano, anayegeera iyo shinda, anahirikira lirya ibuye ha butambi, analibwatala kwo.

Zakariya 4:6

Haaho, ulya muganda anambwira: «Nahano agweti agabwira Zurubaberi kwokuno: Ukuhasha kwawe, kutagaaba ku misi yawe, kandi iri ku bushobozi bwawe. Si ugaahasha naaho ku butabaazi bwoꞌMutima gwani.

Nahumu 1:3

Nahano, kundu ayamiri agweti agayigenderera, halikago ali mwene ubushobozi. Atali mu lekeerera banangora-mabi, si agweti agabahana. Ikyanya agweti agagenda, hali mu boneka imibangami neꞌbihuhuuta. Ishando zaage, ikyanya ziri mu tumuula ulukungu, luli mu boneka nga bibungu.

Kulyoka 34:6

Lyeryo, analenga imbere lya Musa, anashubi deta: «Niehe, nie Nahano, na ndi nie Rurema. Nyijwiri ulukogo neꞌndengeerwa. Ndi mwigenderezi, na ndi mu kizi gira amiija, na ndi mwemeera.

Kulyoka 20:18

Ku yugwo mugazi, abandu banakizi yuvwa imikungulo, banayuvwa neꞌkibuga. Neꞌkyanya bakakizi bona ibiryamu neꞌkyusi kiguziiziri kwo, booshi banatondeera ukukwanga hiꞌgulu lyeꞌkyoba. Kyanatuma yabo bandu bagagendi yisunga hala.

Mataayo 24:7

«Ikihugo kiguma kigagendi teera ikindi. Noꞌbwami buguma bugagendi teera ubundi. Ibihugo biguma bigateerwa noꞌmwena. Neꞌmisisi igakizi bilenga mwo.

Zakariya 14:5

Mwomwo mwiꞌyo ndekeera, mwo mugatibitira. Igayajabuka halinde i Hashali. Mugatibita, nga kwo bashokuluza biinyu nabo bakatibita hiꞌgulu lyoꞌmusisi, ku kyanya kyoꞌmwami Huziya weꞌBuyuda. Haaho, lyo Nahano Rurema wani, agayija ali kuguma naꞌbaganda baage bataluule.

1 Samweri 14:15

Lyeryo, yabo basirikaani booshi baꞌBafirisiti, banakanguka. Baguma bâli riiri mu shumbi, naꞌbandi mu mbingiro, hali naꞌbandi bâli kizi gendi teera. Haaho, ikihugo kyanalenga mwoꞌmusisi, halinde booshi banashenguka bweneene.

Kulyoka 19:16

Ku lusiku úlugira izishatu shesheezi, ku gwogwo mugazi, kwanayidika ikibungu, nywe! Imikungulo neꞌmilavyo byanakungula bweneene. Neꞌkibuga kyanadihiriza. Yiryo izu, ikyanya likadeta, lyanaleeza abandu booshi mweꞌkinyukura.

Zaburi 68:9

Haaho, ikihugo kyanajugumbana. Niꞌgulu lyananiesa invula ku bwingi. Ee ma! We Rurema waꞌBahisiraheeri, ulya weꞌSinaayi.