1 Baami 11:3 - Kifuliiru

³ Ulya Sulumaani anayangaga abakazi magana galinda. Yabo booshi, bâli riiri baluzi-nyere. Âli gweti naꞌbandi bakazi beꞌmbuga magana gashatu. Balya bakazi booshi, banakizi múhenduula, banamúhabura mu bya Nahano.

1 Baami 11:3 Referans Kwoze

Mwigiriza 7:28

Ikyanya nâli gweti ngalola-lola mu bashosi kihumbi kiguma, nanalonga mwoꞌmushosi muguma naaho úkwaniini. Si mu bakazi boohe, kiri na woꞌmuti.

2 Kutondobola 11:21

Uyo Rehobwamu âli yaziri abakazi ikumi na munaana, naꞌbandi bakazi beꞌmbuga makumi galindatu, anabuta abaana boꞌbutabana makumi gabiri na munaana, naꞌbaana boꞌbunyere makumi galindatu. Mu bakaage booshi, Maka munyere Habusalumu, ye wâli nakiriri.

Batwi beꞌmaaja 9:5

Habimereki anatugendana i Hofura imwa yishe. Neꞌri akahika yo, anayabiira balya beene wabo kwo bali makumi galinda, anabayitira booshi kwiꞌbuye liguma. Haliko, umuzibo Yotamu, yehe anayibisha, anafuushuka.

Bukengeeze 17:17

«Na kwakundi, mwami atakwiriiri ukuyanga abakazi bingi-bingi. Iri angagira kwokwo, yabo bakazi bangakengeera bamúhubiisa. Atanakwiriiri kwo ayilundire iharija, kandi iri inooro, ku bwingi.

Lwimbo Lwija 6:8

Ewe! Nangaba ndi naꞌbagoli makumi galindatu, na mbe naꞌbakazi beꞌmbuga makumi galimunaana, kiri naꞌbanyere kandaharuurwa.

Lwimbo Lwija 6:9

Kundu kwokwo, ha lwani, nangaki toola yolya mukazi muguma naaho. Noꞌyo mukazi, ali ngunde yani. Ee! Atungiini ngana-ngana! Mu banyere ba nyina, ye kakundirirwa. Abaabo banyere, ikyanya bakamúbona, banamúhuuza kwo ali muhiirwa. Abaabo bagoli, naꞌbakazi beꞌmbuga ba mwami, nabo bali mu múyimbira kwokuno:

Batwi beꞌmaaja 3:6

Kiri noꞌkuyangirana, banakizi yangirana. Neꞌri hakazinda, banatondeera ukuyikumba imigisi yabo.

Hesiteeri 1:18

Abakazi beꞌPerisiya, naꞌbeꞌMediya, zeene buno keera bayuvwa ngiisi byo mugoli Vashiti agira. Kwokwo, nabo bakola bagakizi tenguha abatwali baawe. Yako kagayirizo, kagakizi leeta ishavu.

Mwigiriza 2:8

Nanayilundira iharija neꞌnooro, kiri neꞌbihinda íbyâli kizi lyoka mu gandi maami, na mu zindi poroveesi. Nanalonga naꞌbajoborozi, abashosi naꞌbakazi. Na ku luhande lwaꞌbakazi, e balya! Nâli kizi yisimiisa naꞌbakazi bingi-bingi, nga ngiisi kwoꞌmushosi angalooza.