1 Baami 10:2 - Kifuliiru

² Ulya mwami-kazi anahika i Yerusaleemu aherekeziibwi naꞌbakozi baage bingi. Ingamiya zaage zâli heesiri amalaasi, naꞌkanyamwala keꞌnooro, naꞌmabuye ágakeyengiini. Iri akayiji bona Sulumaani, anamúbuuza ibibuuzo bingi.

1 Baami 10:2 Referans Kwoze

Mikolezi 25:23

Iri bukakya, Hagiripa bo na Berenike banayija bagweti baganooka-nooka. Banayingira haꞌbakulu bâli kizi yakiirirwa. Bâli kulikiirwi naꞌbakulu baꞌbasirikaani, naꞌbandi bakulu ba mu kaaya. Neꞌri Fesito akakyula kwo Pahulu aleetwe,

Luka 24:15

Neꞌri bakaba bakiri mu biganuulaga, lyeryo Yesu anayami bayegeera, banagendanwa.

Zaburi 4:4

Si muyiji-yiji kwo Nahano akayitaluulira ábali bemeera, kyo kitumiri ali mu kizi yuvwa amahuuno gaani.

Hayubu 4:2

«Nakuhuuna unyigenderere, gira ngubwire igambo. Nyandi úwangayizibira, mbu atadete?

2 Baami 20:13

Ikyanya bakayija, ulya Hezekiya anabayegereza, anabayereka ibindu byoshi mu bihinda byage, ngeꞌharija, neꞌnooro, neꞌndungo zeꞌbyokulya, naꞌmavuta goꞌmuhongolo mwija, neꞌsiribo zaage, neꞌbindi byoshi íbyâli bisingule mu bihinda byage. Ndaakyo kindu kyo atakabayereka, kiba mu kajumiro, kandi iri mu kihugo kyage kyoshi.

2 Baami 5:9

Uyo Namaani anagenda naꞌmagaare gaage goꞌkukululwa, neꞌfwarasi zaage. Neꞌri akahika ha lwivi lwa Hirisha, anayimanga.

2 Baami 5:5

Mwami, ti: «Ugendage yo! Ngayandikira mwami waꞌBahisiraheeri amaruba.» Kwokwo, Namaani anayimuka, anatwala ibingorongoro bihumbi makumi gashatu byeꞌharija, neꞌbingorongoro bihumbi ndatu byeꞌnooro, neꞌmirondo ikumi yoꞌmulimbo.

1 Baami 10:10

Ha nyuma, uyo mwami-kazi anaheereza mwami itooni zina zeꞌnooro, naꞌkanyamwala kaꞌmalaasi, naꞌmabuye ágakeyengiini. Yako kanyamwala kaꞌmalaasi, ndaaye gundi mundu úkakaleetera mwami Sulumaani.

Kulyoka 25:6

Uyakiire neꞌbitoro byoꞌkubiika mu matara, naꞌmalaasi goꞌkufusha mu mavuta goꞌkushiiga ku byataluulwa, noꞌmubadu gwoꞌmuhongolo mwija.

Ndondeko 18:33

Iri Nahano akayusa ukuganuuza Hiburahimu, anayigendera. Hiburahimu naye, anagalukira i kaaya.

1 Baami 10:3

Yibyo bibuuzo byage byoshi, uyo Sulumaani, anakizi bishuvya. Ndaanalyo igambo lyo atakahasha ukumúsobanulira.

Hisaaya 30:6

Ku biloziri inyamiishwa za mwiꞌshamba lyeꞌkisaka, Rurema adetaga kwokuno: «Abandu baani bali mu genda bahesiizi bapunda neꞌngamiya akanyamwala keꞌbindu, banaberuuze mu namuhirye wiꞌshamba, anali mwaꞌmagoorwa ga kwingi-kwingi, naꞌmakuba. Muli ifiizi zeꞌndare, naꞌmabuguma gaazo. Muli neꞌmijoka yaꞌmanjoka-njoka, neꞌbindi bihuume byeꞌmijoka. Bali mu gendi tengula Abamiisiri, mbu lyo babatabaala. Kundu kwokwo, balya Bamiisiri, ndaabyo bagabahanyira.

Hezekyeri 27:22

Abandu beꞌSheeba, naꞌbeꞌRama, mwâli kizi kaburania ibindu. Bâli kizi kuleetera ibilungo byeꞌbyokulya, naꞌmabuye geꞌkishingo, neꞌnooro.

Zaburi 72:10

Abaami beꞌTarasisi naꞌba mu tulira, bagakizi múramburira. Abaami beꞌSheeba naꞌbeꞌSeeba, bakizi múleetera amatuulo.