Zekaria 14:12 - Biblia alo Ŋɔŋlɔ Kɔkɔe La Le Eʋegbe Me 1913

¹² Eye hiãkame, si Yehowa le hehe ge ava dukɔ, siwo katã ho aʋa ɖe Yerusalem ŋu dzi la, enye si: La aƒaƒã ɖe ŋuti na amesiame, esime wogale tsitrenu ko, ŋku aƒaƒã ɖe to me na wo, eye aɖe aƒaƒã ɖe nu me na wo.

Agbenya La

¹² Esiae nye dɔvɔ̃ si Yehowa akplɔ aƒu dukɔ siwo katã wɔ avu kple Yerusalem: woƒe ŋutilãwo aƒaƒã le esime wogale afɔ dzi le yiyim. Woƒe ŋkuwo avo ɖe tome na wo, eye woƒe aɖewo aƒaƒã ɖe nu me na wo.

Zekaria 14:12 Referans Kwoze

Zekaria 12:9

Le ɣemaɣi la madi be, matsrɔ̃ dukɔ, siwo katã ho ɖe Yerusalem ŋu la.

Zekaria 14:3

Eye Yehowa aho awɔ aʋa kple dukɔ siawo abe gbesigbe wòwɔ aʋa le aʋakpegbe ene.

Psalmowo 90:11

Amekae dze si wò dɔmedzoe ƒe ŋusẽ kple wò dziku de alesi woavɔ̃ wò nui?

2 Kronika 21:15

Ke wò ŋutɔ la adze dɔ ɖe wò dɔkawo ŋu, eye dɔlele la ana be, nanye wò dɔkawo agbadre.

5 Mose 28:59

ekema Yehowa akplɔ fuwɔame tiatia, siwo nu sẽ, eye woanɔ anyi didie kple dɔléle vɔ̃ɖi, siwo anɔ anyi didie la, aƒu wò ŋutɔ kple wò dzidzimeviwo,

5 Mose 28:22

Yehowa akplɔ kpetri, kpokpo, asrã kple ŋuɖuɖui kpakple kuɖiɖi aƒu wò, wò bli adze heteku, eye wò nukuwo ahlɔ̃; woanɔ ŋuwò vaseɖe esime natsrɔ̃ avɔ.

3 Mose 26:28

ekema nye hã mado dɔmedzoe atsi tre ɖe mia ŋu, eye mahe to na mi ɖe dzi zi adre le miaƒe nuvɔ̃wo ta.

3 Mose 26:24

ekema nye hã matsi tre ɖe mia ŋu, eye magaɖe fu na mi ɖe dzi zi adre le miaƒe nuvɔ̃wo ta.

3 Mose 26:21

Gake ne miaƒe nuwɔwɔwo gatsi tre ɖe ŋunye ko, eye miegbe toɖoɖom la, ekema magaɖe fu na mi de dzi zi adre le miaƒe nuvɔ̃wo ta.

3 Mose 26:16

ekema nye hã mawo nu siawo mi, eye vovɔ̃ alé mi: Kpetri kple asrã ana miaƒe ŋkutome anyẽ ɖe me, eye miagbɔdzɔ: yakatsyɔ miaƒã nukuwo, elabena miaƒe futɔwo ava ha wo.

Nyaɖeɖefia 17:16

Eye dzo ewo, siwo nèkpɔ kple lã la, woawo alé fu gbolo la, eye woawɔe aƒedo, eye woaɖe amamae, eye woaɖu eƒe ŋutilã, eye woatɔ dzoe wòafiã keŋkeŋ.

Dɔwɔwɔwo 12:23

Eye enumake Aƒetɔ ƒe dɔla ƒoe, le esi metsɔ bubu na Mawu o la ta, eye ŋɔwo ɖui, eye eƒe agbe nu tso.

3 Mose 26:18

Ne nusiawo va tso, hafi miegaɖo tom o la, ekema mahe to na mi ɖe dzi zi adre le miaƒe nuvɔ̃wo ta.

5 Mose 28:21

Yehowa akplɔ dɔvɔ̃ aƒu wò, eye woatsrɔ̃ wò avɔ le anyigba, si dzi yim nèle, be naxɔe la dzi.

Hiob ƒe Agbalẽ 18:13

Eƒe ŋutilã ŋu nuwo duduna, eye ku ƒe ŋgɔgbevi ɖua eƒe ŋutilã ŋu nuwo.

Zekaria 14:15

Eye hiãkame ava sɔwo kple tedzisɔwo, kposɔwo kple tedziwo kpakple lã, siwo katã le asaɖa me la dzi abe hiãkame kemeawo ene.

Zekaria 14:18

Eye ne Egipte-ƒome la meho va o la, ekema tsi madza na woawo hã o. Yehowa ƒe hiãkame ava dukɔ, siwo meva, be yewoaɖu agbaɖɔŋkekenyuie o la dzi.

Zekaria 1:15

eye dzi akum vevie ɖe dukɔ dadalawo ŋu; elabena esi dɔ me nya vem vie ko la, woawo kpe asi ɖe eŋu hetrɔ gbegblẽ la ɖo.

Zekaria 2:4

Tete megblɔ be; Nuka wɔ ge amesiawo va? Eɖo ŋu bena; Esiawo nye lãdzo, siwo kaka Yuda hlẽ, ale be amea ɖeke megafɔ ta dzi o la; eyata wova, be yewoaɖo ŋɔdzi na wo, eye yewoatutu dukɔ, siwo kɔ dzo dzi ɖe Yuda-nyigba ŋu, be woakakae ahlẽ la ƒe dzowo aƒu anyi.