Yosua 7:9 - Biblia alo Ŋɔŋlɔ Kɔkɔe La Le Eʋegbe Me 1913

⁹ Eye ne Kanaanitɔwo kple anyigbadzitɔwo katã see la, ekema woava kpe ta ɖe mía ŋu, eye woatsrɔ̃ míaƒe ŋkɔ ɖa le anyigba dzi; emegbe ɖe, aleke nawɔ ɖe wò ŋkɔ gã la ta?

Agbenya La

⁹ Ne Kanaantɔwo kple dukɔ bubu siwo le nuto sia me ase nya sia la, woaɖe to ɖe mí, akpe aʋa kpli mí, eye woatsrɔ̃ míaƒe ŋkɔ keŋkeŋ. Ekema nya kae adzɔ ɖe bubu kple ŋkɔ gã si le asiwò la dzi?”

Yosua 7:9 Referans Kwoze

2 Mose 32:12

Nukaŋuti Egiptetɔwo agblɔ bena: Dzɔgbevɔ̃e didi na wo ta wòkplɔ woyii ɖo, bena wòa wu wo le towo domee, eye woatsrɔ̃ wo ɖa le anyigba ŋku me? Na wò dome nata, eye naɖe asi le vɔ̃, si neɖo ɖe wò dukɔ ŋuti la ŋu.

Psalmowo 83:4

Wole tame ɖom le aye me de wò dukɔ ŋu, eye wole adaŋu dem ɖe wò amesiwo nèɣla la ŋu.

Yohanes 12:28

Fofo, kɔ wò ŋkɔ ŋuti. Tete gbe ɖi tso dziƒo gblɔ bena: Mekɔ eŋuti xoxo, eye magakɔ eŋuti.

Yoel 2:17

Nunɔlawo, amesiwo subɔa Yehowa la, nefa avi le akpata kple vɔsamlekpui la domee agblɔ be: Yehowa, kpɔ nublanui na wò dukɔ, eye megahe ŋukpe va wò domenyinu la dzi, ne dukɔwo nanɔ ahama sim ɖe wo ŋu o. Nukaŋuti woanɔ gbɔgblɔm le dukɔwo dome be: Afika woƒe Mawu le hã?

Hezekiel 20:9

Ke nyemewɔe o le nye ŋkɔ la, ne magaɖo gui le dukɔ, siwo dome wole la ŋku me o, amesiwo ŋku me meɖe ɖokuinye fia wo le, ne makplɔ wo tso Egipte-nyigba dzi.

5 Mose 9:28

ne anyigba, si dzi nè-kplɔ mí tsoe la, magagblɔ be: Esi Yehowa mekpe be, wòakplɔ wo ayi anyigba, si ŋugbe wòdo na wo la dzi o, eye esi wòlé fu wo ta wòkplɔ wo ɖo, be wòawu wo le gbedzi;

4 Mose 14:13

Mose gblɔ na Yehowa bena: Evɔ wònye Egiptetɔwo see bena, etsɔ wò ŋusẽ kplɔ dukɔ sia tso wo dome ɖe?

Yosua 7:8

Taflatse Aƒetɔ, esi Israel trɔ megbe ɖe eƒe futɔwo la, aleke gblɔ ge mala?

Yosua 7:10

Tete Yehowa gblɔ na Yosua bena: Tsi tre! Nukaŋuti gɔ̃ nètsyɔ mo anyi?

1 Samuel 12:22

Elabena Yehowa maɖe asi le eƒe dukɔ ŋu o le eƒe ŋkɔ gã la ta; elabena edze egɔme, be wòawɔ mi mianye dukɔ nɛ.

Psalmowo 48:10

Mawu, míele ŋku dom wò amenuveve dzi le wò gbedoxɔ titina.

Psalmowo 79:9

Mía xɔname ƒe Mawu, xɔ na mi le wò ŋkɔ ƒe bubu la ta; ɖe mí, eye natsɔ mía nuvɔ̃wo ke mí le wò ŋkɔ la ta!

Psalmowo 83:5

Wole gbɔgblɔm be: Miva, míatsrɔ wo, ne womaganye dukɔ o, eye ne womagaɖo ŋku Israel ƒe ŋkɔ dzi azɔ o!

Psalmowo 115:1

Menye míawo o, Yehowa, menye míawo ŋu nade bubui o, ke boŋ wò ŋkɔ la ŋue le wò amenuveve kple wò nyateƒe la ta!

Mika 7:10

Nye ketɔ, amesi le gbɔgblɔm nam be: Afika Yehowa, wò Mawu, le hã la, akpɔe, eye ŋukpe alée. Nye ŋku aɖi ƒo ɖe eŋu, emegbe woafanyae abe ba le kpɔdomee ene.