Yosua 7:12 - Biblia alo Ŋɔŋlɔ Kɔkɔe La Le Eʋegbe Me 1913

¹² Israel-viwo magate ŋu anɔ te ɖe woƒe futɔwo nu akpɔ o, megbe kokoko woatrɔ ade woƒe futɔwo, elabena busu le wo dzi. Nyemaganɔ anyi kpli mi o, negbe ɖeko miaɖe busu la ɖa le mia dome hafi.

Agbenya La

¹² Esia ta wole Israelviwo dzi ɖum ɖo, eya ta wò aʋawɔlawo le sisim le woƒe futɔwo nu, elabena fiƒode le wo dzi. Nyemaganɔ mia dome azɔ o, negbe ɖeko miaɖe busunu si le mia dome la ɖa hafi.

Yosua 7:12 Referans Kwoze

Yesaya 59:2

ke boŋ miaƒe vodadawoe klã mia kple miaƒe Mawu dome, eye miaƒe nuvɔ̃woe na be, wòɣla ŋku me ɖe mi, be magaɖo to mi o.

Ɖelawo 2:14

Eyata Yehowa do dɔmedzoe ɖe Israel ŋu, eye wòtsɔ wo de asi na adzowɔlawo woda adzo wo, eye wotsɔ wo dzra na woƒe futɔ, siwo ƒo xlã wo godoo la; eye womegale ŋu nɔ te ɖe woƒe futɔwo nu o.

4 Mose 14:45

Tete Amalekitɔwo kple Kanaanitɔwo, amesiwo le to sia dzi la, va si wo, eye woka wo hlẽ vaseɖe Xorma ke.

Yosua 6:18

Ke mikpɔ nyuie le busunuawo ŋu, ne miagatsɔ wo dometɔa ɖeke aɖo busu mia ɖokui ahakplɔ busu aƒu Israel-saɖa la, eye woage ɖe dzɔgbevɔ̃e me o.

5 Mose 7:26

Megado ŋunyɔnua ɖeke va aƒewò me o, ne busu nava dziwò abe woawo ke ene o; ke boŋ woanyɔ ŋu na wò aganyɔ ŋu na wò ɖe dzi, elabena busunu wonye.

Habakuk 1:13

Wò amesi ƒe ŋkuwo dza, be màte ŋu akpɔ nu yɔ̃ɖi wɔwɔ o, eye màte ŋu alé ŋku ɖe hiãkame ŋu o, nu kaŋuti nèle ame tovo kpɔm kpleŋku, eye nèzi kpi, ne ame vɔ̃ɖi mi amesi nye ame dzɔdzɔe wui la?

Hosea 9:12

Ne wobe, yewoanyi wo viwo woatsi la, made vi lewo ŋu, be amegbetɔa ɖeke maganɔ anyi o; elabena baba na woawo ŋutɔ hã, nenye be, medze le wo gba.

Yeremia 23:33

Eye ne dukɔ sia, nyagblɔɖila alo nunɔlaa ɖe bia wò be, nuka nye Yehowa ƒe agba hã la, ekema ɖo ŋu na wo be: Yehowa be: Miawoe nye agba la, eye matsɔ mi aƒu anyi.

Yeremia 6:8

Yerusalem, na woaka mo na wò, ne nye luʋɔ magadzo le gbɔwò, eye matso wò awɔ gbegbe kple anyigba zu aƒedoe o.

Lododowo 28:1

Amea ɖeke menyãa ame vɔ̃ɖiwo ɖe nu, hafi wosina o; ke ame dzɔdzɔewo ɖea dzi ɖi abe dzatavi ene.

Ɖelawo 2:4

Esi Yehowa ƒe dɔla gblɔ nya siawo na Israel-viwo katã la, tete dukɔ la fa avi hoo;

4 Mose 14:39

Esi Mose gblɔ nya siawo na Israel-viwo katã la, dukɔ la xa nu ŋutɔ.

Ɖelawo 16:20

Eye nyɔnu la gblɔ bena: Simson, Filistitɔwo ƒo ɖe dziwò loo! Tete wonyɔ tso alɔ̃ me hebu bena: Mado abe tsã ene, eye maʋuʋu ɖokuinye! Ke menyae be, Yehowa dzo le egbɔ o.

1 Samuel 14:38

Tete Saul gblɔ bena: Mi dukɔ la ƒe tatɔwo katã, mite va afi, ne miadze sii egbe, eye míakpɔ amesi wɔ nuvɔ̃ sia!

Psalmowo 44:10

Ke ètsɔ mí ƒu gbe, ède ŋukpe mo na mí, eye mèho yi kple míaƒe aʋakɔwo o.

Psalmowo 60:10

nye tsileze enye Moab, mada nye atokota ɖe Edom dzi, eye matso aseye ɖe Filistitɔwo ŋu!

4 Mose 14:42

Migayi o, elabena Yehowa mele mia dome o, bena miaƒe futɔwo magasi mi o!

4 Mose 14:43

Amalekitɔwo kple Kanaanitɔwo le mia ŋgɔ le afima, eye míatsi yi nu. Esi mietrɔ le Yehowa yome la, eyata Yehowa manɔ kpli mi o.