Yosua 6:9 - Biblia alo Ŋɔŋlɔ Kɔkɔe La Le Eʋegbe Me 1913

⁹ amesiwo bia akpa la, dze nunɔla, siwo le akɔfɛawo kum la ŋgɔ, eye ame mlɔeawo dze aɖaka la yome, eye wole akɔfɛawo kum atraɖii.

Agbenya La

⁹ Ame siwo lé aʋawɔnuwo ɖe asi la dze ŋgɔ na nunɔla siwo nɔ kpeawo kum, eye ame mamlɛawo dze nubablaɖaka la yome. Kpẽawo nɔ ɖiɖim esi wonɔ nu siawo katã wɔm.

Yosua 6:9 Referans Kwoze

Yosua 6:13

nunɔla adreawo tsɔ akɔfɛ adre dze Yehowa ƒe aɖaka la ŋgɔ, eye wole akɔfɛawo kum, ke amesiwo bla akpa la, dze wo ŋgɔ, eye ame mlɔeawo dze Yehowa ƒe aɖaka la yome, eye wole akɔfɛawo kum atraɖii.

Yesaya 58:8

Ekema wò kekeli adze abe agudzedze ene, eye wò hayahaya ado kaba, wò dzɔdzɔenyenye adze ŋgɔwò, eye Yehowa ƒe ŋutikɔkɔe ahe megbe na wò.

4 Mose 10:25

Emegbe Dan-viwo ƒe asaɖa la ho kple woƒe aflaga hamehame, woawo nye aʋakɔwo katã ƒe megbexeawo, eye woƒe aʋakɔ ƒe tatɔ enye Axieser, Amisadai vi.

Yosua 6:8

Esi Yosua gblɔ nya sia na dukɔa la, tete nunɔla adreawo tsɔ akɔfɛ adre dze Yehowa ŋgɔ heyi, eye woku akɔfɛawo, eye Yehowa ƒe nubablaɖaka la dze wo yome;

Yosua 6:10

Ke Yosua de se na dukɔ la bena: Migatso aseye o, migaɖo zi o, eye migaƒo nua ɖeke o, vaseɖe gbesigbe magblɔ na mi be, mitso aseye, hafi miatso aseye!