Yesaya 3:16 - Biblia alo Ŋɔŋlɔ Kɔkɔe La Le Eʋegbe Me 1913

¹⁶ Yehowa be: Esi Zion-nyɔnuviwo dana, eye wolia kɔ ganɛ nɔa yiyim, woɖoa mo ŋanɛ, wonɔa ble nyẽm xatsɛxatsɛ nɔa yiyim, eye woƒe afɔgawo nɔa ɖiɖim gleŋgleŋ la,

Agbenya La

¹⁶ “Zion nyɔnuwo dana, wolia kɔ ganɛ hafi nɔa zɔzɔm. Woɖoa ahĩamo, nɔa zɔzɔm, nɔa ble nyem xatsɛxatsɛ, eye gavi siwo le woƒe afɔkɔe la nɔa ɖiɖim gliŋgliŋgliŋ.

Yesaya 3:16 Referans Kwoze

Yesaya 4:4

nenye be, Aƒetɔ la tsɔ ʋɔnudɔdrɔ̃ ƒe ya kple dzo ƒe ya klɔ Zion-nyɔnuwo ƒe ɖiƒoƒo, eye wòkpala Yerusalem ƒe ʋu ɖa le wo dome.

Mateo 21:5

„Migblɔ na Zion vinyɔnuvi la bena: Kpɔ ɖa, wò fia gbɔna gbɔwò; eƒe dɔm…, eye wòdo tedzi kple dɔwɔlã, si nye tedzivi.

Hawo ƒe ha 3:11

Mi Zion-nyɔnuviwo, mido va, ne míakpɔ fia Salomo le fiakuku, si dadaa ɖɔ nɛ la me le eƒe srɔ̃ɖegbe, le eƒe dzi ƒe dzidzɔkpɔgbe!

Lododowo 30:13

nenema nye dzidzime, si ta ŋku kɔkɔ le, eye eƒe aɖahawo ɖe dzi;

Luka 23:28

Ke Yesu trɔ ɖe wo ŋu gblɔ bena: Yerusalem vinyɔnuviwo, migafa avi nam o; ke boŋ miafa avi na mia ŋutɔwo mia ɖokui kple mia viwo.

Zefania 3:11

Ɣemaɣi la ŋu magakpe wò le wò nuwɔna, siwo katã nètsɔ to vo ɖe ŋunye la ŋu o; elabena maɖe amesiwo nɔa aseye tsom nɔa ɖa-dam la ɖa le dowòme, eye màgado ɖokuiwò ɖe dzi le nye to kɔkɔe la dzi azɔ o.

Yesaya 24:4

Anyigba le nu xam, eye wòyrɔ; nu te xexeame ŋu, eye wòlé akpɔ; nu te anyigba dzi dukɔwo ƒe bubumewo ŋu.

Yesaya 3:18

Gbemagbe Aƒetɔ la aɖe afɔgɛwo ƒe atsyɔ̃ɖoɖo ɖa, ŋgoblanuwo, gaviwo,

Yesaya 1:8

Eye Zion-nyɔnuvi tsi anyi abe agbadɔ le weingble me, abe miaƒe le adzamatregble me kple du, si woɖe to ɖo la ene.

Lododowo 16:18

Dada doa ŋgɔ na gbegblẽ, eye ɖokuidodoɖedzi na anyidzedze.

Yesaya 3:1

Elabena kpɔ ɖa, Aƒetɔ, Yehowa Zebaot, aɖe atizɔti kple ziɔɖeŋu ɖa le Yerusalem kple Yuda, abolo ƒe xɔnamewo katã kple tsi ƒe xɔnamewo katã,

Yesaya 3:4

Matso ɖeviwo aɖo woƒe amegãwoe, eye ɖevinuwɔlawo aɖu fia ɖe wo dzi;

Yesaya 3:17

eyata Aƒetɔ la abebe ta na Zion-nyɔnuviwo, eye Yehowa aɖe ama wo.

Lododowo 21:4

Ame vɔɖiwo ƒe akaɖi enye nuvɔ̃, dadaŋkuwo kple dzi, si vu gblotoo.