Yesaya 13:4 - Biblia alo Ŋɔŋlɔ Kɔkɔe La Le Eʋegbe Me 1913

⁴ Miƒu to anyi, zi le ɖiɖim le towo dzi abe dukɔ geɖewo tɔ ene; fiaɖuƒewo kple anyigba dzi dukɔ, siwo kpe ta la ƒe howɔwɔ le ɖiɖim. Yehowa Zebaot le aʋakɔwo xlẽm!

Agbenya La

⁴ Miƒu to anyi, ɣli le ɖiɖim le towo dzi abe ameha gã aɖewoe le afi ma ene. Miƒu to anyi, zi tɔ le fiaɖuƒewo me abe dukɔ geɖewoe le ƒu ƒom ene. Yehowa, Dziƒoʋakɔwo ƒe Aƒetɔ lae le amewo nu ƒom ƒu hena aʋawɔwɔ.

Yesaya 13:4 Referans Kwoze

Yoel 2:25

Eye ma ɖo ƒe, siwo ʋetsuviwo kple ʋetrawo, abɔwo kple ŋɔwo ɖu nu la teƒe na mi, woawoe nye nye aʋakɔ gã, si medɔ ɖe mia ŋu.

Nyaɖeɖefia 18:8

Eyata le ŋkeke ɖeka dzi la eƒe fukpekpewo ava edzi: Ku kple konyifafa kpakple dɔwuame, eye woatɔ dzoe wòafiã keŋkeŋ, elabena Aƒetɔ Mawu, amesi drɔ̃ ʋɔnui la, enye ŋusẽtɔ.

Yesaya 5:26

Akɔ aflaga dzi na dukɔa ɖe le didiƒe, eye wòala aku ayɔe tso anyigba ƒe mlɔenu, eye kpɔ ɖa, anɔ du dzi ava kaba.

Yesaya 5:30

Eye wòaɖe gbe ɖe eɖzi gbemagbe abe atsiaƒu ƒe gbeɖeɖe ene, eye ne woɖe ŋku ɖe anyigba dzi la, hiã ƒe blukɔ koe li, eye woƒe alilikpo na kekeli do viviti.

Yesaya 17:12

Alele, dukɔ geɖewo ƒe gbeɖeɖe, wole gbe ɖem abe atsiaƒu ƒe gbeɖeɖe ene! Dukɔwo ƒe ho wɔwɔ, wole ho wɔm abe tsi sesẽwo ƒe howɔwɔ ene!

Yesaya 48:14

Mi katã mikpe ta, ne miasee! Wo dometɔ kae gblɔ esia? Amesi Yehowa lɔ̃na la, aɖe eƒe lɔlɔ̃nu afia ɖe Babel kple eƒe alɔkpa afia ɖe Kaldea-tɔwo ŋu.

Yeremia 21:4

Ale Yehowa, Israel ƒe Mawu la, gblɔ esi: Kpɔ ɖa, mana miaƒe aʋawɔnu, siwo le mia si mietsɔ le aʋa wɔm le glia godo kple Babel-fia kpakple Kaldeatɔwo, amesiwo xaxa mi ɖo la, natrɔ agbo, eye maƒo wo nu ƒu ɖe du sia titina;

Yeremia 25:14

Elabena woawo hã asubɔ dukɔ geɖewo kple fia gãwo, eye maɖo eteƒe na wo le woƒe nu wona kple woƒe asinudɔwɔwɔwo nu.