Yeremia 21:6 - Biblia alo Ŋɔŋlɔ Kɔkɔe La Le Eʋegbe Me 1913

⁶ eye mawu du sia me nɔlawo amegbetɔwo kple lãwo siaa, dɔvɔ̃ gãe awu wo.

Agbenya La

⁶ Maƒo du sia me nɔlawo aƒu anyi, amegbetɔwo kple lãwo siaa eye dɔvɔ̃ awu wo.

Yeremia 21:6 Referans Kwoze

Zefania 1:3

Matsrɔ̃ amegbetɔwo kple lãwo, dziƒoxewo kple ƒumelãwo, matsrɔ̃ nuɖianuwo kple ame vɔ̃ɖiwo ɖa, eye matsrɔ̃ amegbetɔwo ɖa le anyigba dzi, Yehowa ye gblɔe!

Hosea 4:3

Eyata anyigba axa nu, eye nu ati kɔ na edzinɔlawo katã, eye woatsrɔ̃ gbemelãwo, dziƒoxewo kple keke atsiaƒumelãwo ke hã.

Hezekiel 14:21

Elabena ale Aƒetɔ Yehowa gblɔ esi: Ke ne meɖo yi, dɔwuame, lã wɔadã kple dɔvɔ̃, siwo nye nye tohenu vɔ̃ɖi eneawo ɖa ɖe Yerusalem ŋu, be matsrɔ̃ amegbetɔwo kple lãwo le eme la,

Hezekiel 14:19

Alo ne meɖo dɔvɔ̃ ɖe anyigba ma dzi, eye nye dziku zu ʋu metrɔ kɔ ɖe edzi, be matsrɔ̃ amegbetɔwo kple lãwo le edzi,

Hezekiel 14:17

Alo ne meɖo yi ɖe anyigba ma dzi hegblɔ be: Vi, to anyigba dzi yi, eye mebe, matsrɔ̃ amegbetɔwo kple lãwo le edzi,

Hezekiel 14:13

Amevi, ne anyigbae ete wo nuvɔ̃ ele ŋunye hetrɔ ʋu le yonyeme, eye medo nye asi ɖa ɖe eŋu heŋe abolo ƒe ziɔdeŋu, eye meɖo dɔwuame ɖe afima, be matsrɔ̃ amegbetɔwo kple lãwo le edzi,

Yeremia 33:12

Ale Yehowa Zebaot gblɔ esi: Teƒe sia kple eƒe duwo katã, siwo zu aƒedo, eye amegbetɔwo kple lãwo vɔ li la, aganye lãnyiƒe na lãkplɔviwo, eye lãhawo atsyɔ ake ɖi;

Yeremia 32:24

Kpɔ ɖa, kpoƒuƒu va keke dua ŋu ke, ne woaxɔe, eye woatsɔ du la ade asi na Kaldeatɔ, siwo le aʋa wum kplii, le yi, dɔwuame kple dɔvɔ̃ ta; nya, si nègblɔ la, va me, eye nèle ekpɔm tso,

Yesaya 6:11

Tete megblɔ bena: Aƒetɔ, vaseɖe ɣekaɣie? Eɖo ŋu bena: Vaseɖe esime duwo nagbã, eye woazu aƒedo, xɔwo nazu xɔdo, eye anyigba nazu gbegbe,

Luka 21:24

Eye wòadze yi nu, eye woaɖe wo aboyo ayi ɖe dukɔwo katã dome, eye trɔ̃subɔlawo latu afɔ Yerusalem dzi, halase esime woawu trɔ̃subɔlawo ƒe ɣeyiɣi la nu.

Mika 3:12

Eyata le mia ta woade Zion abe agble ene, Yerusalem azu glikpo, eye gbedoxɔ ƒe to azu togbɛ toave.

Hezekiel 33:29

Eye woadze sii bena, nyee nye Yehowa, ne mena anyigba la zu aƒedo kple gbegbe le woƒe ŋunyɔnu, siwo katã wowɔ la ta.

Hezekiel 33:27

Eyata gblɔ na wo bena: Ale Aƒetɔ Yehowa gblɔ esi: Meta ɖokuinye ƒe agbe: Amesiwo le glikpo dzi la, atsi yi nu, matsɔ amesiwo le gbe me la, ana gbemelãwo woaɖu, eye amesiwo le mɔ̃ sesẽwo kple agatowo me la, aku ɖe dɔvɔ̃ si me.

Hezekiel 12:16

Ke makpɔtɔ woƒe ame ʋeea ɖewo ɖi tso yi, dɔwuame kple dɔvɔ̃ si me, ne woaxlẽ woƒe ŋunyɔnuwɔwɔwo katã afia le dukɔwo dome, afisi woayi, ne woawo nadze sii be, nyee nye Yehowa.

Hezekiel 7:15

Yi le xexe, dɔvɔ̃ kple dɔwuame le aƒe me; amesi le gbe me la, yi awui, eye amesi le du me la, dɔwuame kple dɔvɔ̃ aɖui.

Yeremia 42:22

Eyata minyae kokoko be, miaku ɖe yi, dɔwuame kple dɔvɔ̃ si me, le teƒe, si le mia dzrom miebe, yewoaɖanye amedzro le la.

Yeremia 36:29

Eye nagblɔ ɖe Yuda-fia Yoyakim ŋu be: Ale Yehowa gblɔ esi: Esi nètɔ dzo agbalẽ sia hegblɔ be: Nukaŋuti nèŋlɔ ɖe eme be, Babel-fia ava gblẽ anyigba sia, eye wòatsrɔ̃ amegbetɔwo kple lãwo le edzi hã la,

Yeremia 34:17

Eyata ale Yehowa gblɔ esi: Mieɖo tom, be mia dome amesiame naɖe gbe ƒã ablɔɖe na nɔvia kple ehavi o, eyata ale Yehowa gblɔ esi: Maɖe gbe ƒã ablɔɖe na mi hena yi, dɔvɔ̃ kple dɔwuame, eye matsɔ mi awɔ ŋɔdzidonu na anyigba dzi fiaɖuƒewo katã.

Yeremia 14:12

Ne wotsi nu dɔ la, nyemase woƒe konyifafa o, eye ne wosa numevɔ kple nuɖuvɔ la, madze ŋunye o; boŋ matsɔ yi, dɔwuame kple dɔvɔ̃ atsrɔ̃ wòe.

Yeremia 7:20

Eyata ale Aƒetɔ Yehowa gblɔ esi. Kpɔ ɖa, nye dɔmedzoe kple nye dziku atrɔ akɔ ɖe teƒe sia, amegbetɔwo kple lãwo, gbemetiwo kple anyigba dzi kutsetsewo dzi, eye woabi, womatsii o.

1 Mose 6:7

Eye Yehowa gblɔ bena: Matsrɔ̃ ame, siwo mewɔ la ɖa le anyigba blibo la katã dzi, tso amewo kple lãwo dzi vaseɖe nu tatawo kple dziƒoxe dzodzoewo dzi, elabena evem bena, mewɔ wo.

Yeremia 16:4

Dɔvɔ̃ awu wo, womafa na wo o, womaɖi wo o, eye woanye gbeɖuɖɔ ɖe anyigba dzi; yi kple dɔwuame atsrɔ̃ wo, eye woƒe kukuawo anye nuɖuɖu na dziƒoxewo kple gbemelãwo.

Yeremia 20:4

Elabena ale Yehowa gblɔ esi: Kpɔ ɖa, matsɔ wò awɔ ŋɔdzi na wò ŋutɔ kple xɔ̃wòwo katã, woatsi woƒe tutɔwo ƒe yi nu, eye àkpɔ eteƒe. Matsɔ Yuda blibo la ade asi na Babel-fia, aɖe aboyo wo ayi Babel, eye wòawu wo kple yi.