Yeremia 2:10 - Biblia alo Ŋɔŋlɔ Kɔkɔe La Le Eʋegbe Me 1913

¹⁰ Miyi Kititɔwo ƒe ƒukpowo dzi, eye mikpɔ nu; miɖo ame ɖe Kedar, eye mido ŋku anyi nyuie, ne miakpɔ be, esia tɔgbe dzɔ kpɔ mahã?

Agbenya La

¹⁰ Mitso ƒu ne miava Kiprotɔwo ƒe fukpo dzi ne miakpɔ nu. Midɔ ame ɖo ɖe Kedar ne woalé ŋku ɖe nuwo ŋu nyuie. Mikpɔe ɖa be nane nɔ anyi alea kpɔ hã.

Yeremia 2:10 Referans Kwoze

Psalmowo 120:5

Baba nam be, medze Mesex gbɔ, eye mele Kedar ƒe agbadɔwo gbɔ!

1 Korintotɔwo 5:1

Wose mia ŋkɔ keŋ bena, ahasiwɔwɔ le mia dome, eye ahasiwɔwɔ ma tɔgbe mele trɔ̃subɔlawo dome hã o bena, amea ɖe xɔ fofoa srɔ̃.

Daniel 11:30

Elabena Kititɔwo ƒe ʋuwo aho ɖe eŋu, dzi aɖe le eƒo, eye wòatrɔ ahado dziku ɖe nubabla kɔkɔe la ŋu, eye wòawɔe aɖe goe; eye ne etrɔ yi aƒe la, atsɔ ŋku aɖo amesiwo gblẽ nubabla kɔkɔea ɖi la ŋuti.

Hezekiel 27:6

Wotsɔ Basantɔwo ƒe fɔfɔli kpa wò akɔfawoe, eye wofa nyiɖu ɖe mewò hetsakae kple kpomi, si tso Kititɔwo ƒe ƒukpowo dzi.

Yesaya 21:16

Elabena ale Aƒetɔ la gblɔ nam enye si; Le ƒe ɖeka me tututu abe agbatedɔwɔla ƒe ƒe ene la Kedar ƒe ŋusẽwo katã nu ayi,

1 Kronika 23:12

Kehat viwo nye; Amram, Yizhar, Xebron kple Uziel, wole wo ame ene.

1 Kronika 23:1

Esi Dawid tsi, eye agbe tii la, etsɔ via Salomo ɖo fia ɖe Israel nu?

1 Kronika 1:7

Yawan viwo nye: Elisa, Tarsisa, Kititɔwo kple Rodantɔwo.

Ɖelawo 19:30

Eye amesiame, si kpɔe la, gblɔ bena: Esia tɔgbe medzɔ kpɔ o, eye womekpɔ eteƒe kpɔ, tso esime Israel-viwo ʋu tso Egipte-nyigba dzi vaseɖe egbe o. Mibu eŋu, miɖo aɖaŋu, eye miƒo nu le eŋu!

4 Mose 24:24

Ʋuwo atso Kitim, ava bɔbɔ Asur kple Eber ɖe anyi, eye woatsrɔ̃ eya hã.

1 Mose 25:13

Esiawo nye Ismaelviwo ƒe ŋkɔwo le woƒe ƒomeŋkɔwo nu. Nebayot, Ismael ƒe ŋgɔgbevi, Kedar, Adbeel, Mibsam,

1 Fiawo 9:9

Eye woaɖo eŋu bena: Esi wogblẽ Yehowa, woƒe Mawu, si kplɔ wo fofowo tso Egipte-nyigba dzi la ɖi, eye woku ɖe mawu bubuwo ŋu, ɖe ta agu na wo hesubɔ wo la, eyata Yehowa he dzɔgbevɔ̃e siawo katã va wo dzi ɖo.

Yesaya 23:12

eye wògblɔ bena: Màgatso aseye o, wò Zidon-ɖetugbi, si wogblẽ; tso, nayi Kititɔwo gbɔ, màkpɔ gbɔdzɔe le gama hã o.

Yeremia 49:28

Ɖe Kedar kple Xazor-fiaɖuƒe, siwo Babel-fia Nebukadnezar si la ŋu: Ale Yehowa gblɔ esi: Mitso, ne miaho ɖe Kedar ŋu, eye mitsrɔ̃ ɣedzeƒeviwo.

Hezekiel 5:7

Eyata ale Aƒetɔ Yehowa gblɔ esi: Esi miesẽ to wu dukɔ, siwo ƒo xlã mi godoo, miezɔ ɖe nye ɖoɖowo nu o, eye miewɔ nu ɖe nye sewo nu, ʋuu kekeke miahayi nu wɔ ge ɖe dukɔ, siwo ƒo xlã mi godoo ƒe sewo nu o la,

Daniel 11:18

Atrɔ ɖe ƒukpewo ŋu, eye wòaxɔ geɖewo; ke aʋafiaa ɖe atsi eƒe vloɖoame la nu, eye magado vloe azɔ o.

Yesaya 23:1

Nya ɖe Tiro ŋu: Mi Tarsis-ʋukulawo, mifa avi, elabena etsrɔ̃, aƒea ɖeke megali o, eye tɔtrɔgbɔ megali o! Wosee le Kititɔwo ƒe anyigba dzi.

Hezekiel 16:16

Etsɔ wò avɔwo dometɔa ɖewo wɔ nuxeƒe ŋɔŋɔewoe, eye nèwɔ gbolo le afima, nusi tɔgbe meva eme kpɔ o, eye mele eme va ge akpɔ o.

Hezekiel 27:21

Arabiatɔwo kple Kedar-amegãwo katã nye asitsalawo nɔ asiwò me, wotsɔ alẽviwo, agbowo kple gbɔ̃tsuwo tsa asi kpli wò.