Yeremia 10:4 - Biblia alo Ŋɔŋlɔ Kɔkɔe La Le Eʋegbe Me 1913

⁴ Wotso klosalo kple sika ɖo atsyɔ̃ ne, eye wotso zu ƒo gatagbadzɛ ɖee, be magamũ o.

Agbenya La

⁴ Wotsɔa klosalo kple sika fana ɖe eŋuti.

Yeremia 10:4 Referans Kwoze

Yesaya 46:7

Wokɔe ɖo abɔta, eye wode ta ete ɖadro ɖe enɔƒe; etsia tre ɖi meʋãna tsoa eteƒe o. Ne amea ɖe do ɣli nɛ hã, mesenɛ o, eye meɖenɛ tsoa eƒe hiã la me o.

Yesaya 44:12

Gbeɖe tsɔa gayibɔ tua fiae, ewɔa eŋu ɖɔ le dzoka xɔxɔ me, etsɔa zu tunɛ, eye wòtsɔa eƒe alɔkpa sesẽ wɔa ɖɔ le eŋu; ne dɔ va wui la, ekema ŋusẽ vɔna le eŋu, ne meno tsi o la, ekema eƒe lãme tuna.

Psalmowo 135:15

Dukɔwo ƒe legbawo nye klosalo kple sika, amegbetɔwo ƒe asinudɔwɔwɔwo wonye.

Psalmowo 115:4

Woƒe legbawo nye klosalo kple sika, amegbetɔ ƒe asinudɔwɔwɔwo wonye.

Yesaya 46:6

Wo, amesiwo dudua sika tsoa kotoku me ɖe anyi, eye wodaa klosalo le nudanu me, woɖatsɔa gbeɖe, ne woatsɔe awɔ mawu, si woadze klo ade ta agu na.

Hosea 13:2

Ke wogale nuvɔ̃wɔwɔ dzi; wotsɔ woƒe klosalowo kɔ nɔnɔmewoe, eye wotsɔ woƒe aɖaŋu wɔ legbawoe; gbede ƒe dɔwɔwɔ wo katã wonye; woawoe woƒoa nu na, eye vɔsalawo gbugbɔa nu na nyiviwo!

Habakuk 2:19

Baba na amesi lé gbɔgblɔm na ati be: Nyɔ! eye na kpe maƒonu be: Fɔ! Ɖe wòate ŋu afia nu amea? Kpɔ ɖa, sika kple klosalo wotsɔ fa ɖe eŋu, eye gbɔgbɔ ku ɖeka hã mele eme o.