Yakobo 4:8 - Biblia alo Ŋɔŋlɔ Kɔkɔe La Le Eʋegbe Me 1913

⁸ Mite ɖe Mawu ŋu, eye wòate ɖe mia ŋu. Miklɔ miaƒe asiwo, mi nuvɔ̃wɔlawo, eye miwɔ miaƒe dziwo kɔkɔe, mi dzimevesusulawo!

Agbenya La

⁸ Mite ɖe Mawu ŋu kpokploe, eye eya hã atsɔ ɖe mia gbɔ. Mi, nu vɔ̃ wɔlawo, miklɔ miaƒe asiwo, eye mi ame siwo nye dzi eve me susulawo la, miklɔ miaƒe dziwo me.

Yakobo 4:8 Referans Kwoze

Psalmowo 145:18

Yehowa tsɔ ɖe amesiwo katã yɔnɛ, amesiwo katã yɔnɛ le nyateƒe me la gbɔ.

Hebritɔwo 10:22

mina miatsɔ dzi nyateƒetɔ ate va le xɔse ƒe kakaɖedzi blibo me, abe amesiwo wòklɔ dzitsinya vɔ̃ ɖa tso woƒe dziwo me, eye wotsɔ tsi zɔzrɔ̃e le na woƒe ŋutilã ene;

Malaki 3:7

Tso mia fofowo ŋɔli ke mieƒo asa na nye ɖoɖowo, eye miewɔ wo dzl o. Mitrɔ ɖe ŋunye, ekema nye ha matrɔ ɖe mia ŋu, Yehowa Zebaot ye gblɔe! Eye ne miebe: Aleke míatrɔe hã la,

Zekaria 1:3

Eyata ale nagblɔ na wo enye si: Yehowa Zebaot be: Mitrɔ ɖe ŋunye, Yehowa Zebaot ye gblɔe, ekema nye ha matrɔ ɖe mia ŋu, Yehowa Zebaot ye gblɔe!

2 Kronika 15:2

eye wòyi ɖakpe Asa gblɔ nɛ bena: Asa kple Yuda blibo la kpakple Benyamin, miɖo tom! Yehowa nɔ kpli mi, elabena miena eŋu. Ne mieɖii la, ana be, míakpɔe; ke ne miegblẽe ɖi la, eya hã agblẽ mi ɖi.

Yeremia 4:14

Yerusalem, klɔ vɔ̃ɖiwɔwɔ ɖa le wò dzi ŋu, ne woaxɔ na wò. Ɣekaɣi tamesusu vɔ̃ɖiwo nanɔ wò dzi me ase ɖo?

1 Yohanes 3:3

Eye amesiame, si tsɔ eƒe mɔkpɔkpɔ sia ɖo eyama dzi la, eya kɔ eɖokui ŋuti, abe alesi eya hã ŋuti kɔ ene.

Psalmowo 51:10

Na mase dzidzɔ kple aseyetsotso, ne nye ƒu, siwo nèŋe la, nagli kple dzidzɔ!

Hebritɔwo 7:19

— elabena se la mewɔa naneke blibo o, — eye wotsɔa mɔkpɔkpɔ, si nyo wu sã la vɛ, esi me miato ale ɖe Mawu ŋuti.

2 Korintotɔwo 7:1

Azɔ la esi ŋugbedodo siawo le mía si la, lɔlɔ̃tɔwo, mina míakɔ mia ɖokui ŋuti tso ŋutilã kple gbɔgbɔ ƒe ɖiƒoƒo sia ɖiƒoƒo me, bena míawu kɔkɔenyenye nu le mawuvɔvɔ̃ me.

Hezekiel 18:31

Miɖe miaƒe dzi, siwo katã mieda ɖe ŋunye la ɖa, eye miwɔ dzi yeye kple gbɔgbɔ yeye na mia ɖokui. Israel ƒe aƒe, nukaŋuti miehe, yewoaku?

Psalmowo 73:28

Ke nye la, Mawu ƒe gbɔnyenɔnɔ enye nye dzidzɔ; meɖo ŋu ke Aƒetɔ Yehowa ŋu, ne maxlẽ eƒe dɔwɔwɔwo katã afia.

1 Kronika 28:9

Eye wò, vinye Salomo, dze si fofowò ƒe Mawu la, eye nasubɔe kple dzi blibo kpakple luʋɔ blibo, elabena Yehowa dzroa dziwo katã me kpɔna, eye wonya tamesusuwo katã! Ne èdii la, ana be, nakpɔe; ke ne ègblẽe ɖi la, atsɔ wò aƒu gbe tegbee.

1 Petro 3:21

nusi nye kpɔɖeŋu na mawutsidedetaname, si ɖe miawo hã azɔ, si menye ŋutilãɖiƒoƒo ɖeɖeɖa o, ke boŋ dzitsinya nyui ƒe adzɔgbeɖeɖe na Mawu heto Yesu Kristo ƒe tsitretsitsi me,

Hiob ƒe Agbalẽ 17:9

Ke ame dzɔdzɔe alé eƒe mɔ ɖe asi sesĩe, eye asi dzadzɛ tɔ akpɔ ŋusẽ ɖe edzi.

Mateo 12:33

Alo mido ati nyui la, eye eƒe kutsetse lanyo; alo mido ati manyomanyo la, eye eƒe kutsetse la manye o; elabena ati ƒe tsetse wotsɔna dzea sii.

1 Timoteo 2:8

Eyata mele didim bena, ŋutsuwo nado gbe ɖa le afisiafi, eye woado asi kɔkɔewo ɖe dzi, dɔmedzoe kple ɖikekea ɖeke manɔmee.

Yesaya 29:13

Eyata ale Aƒetɔ la gblɔ esi: Esi dukɔ sia te va kple woƒe nu, eye wotsɔ woƒe nuyiwo de bubu ŋunye, ke woƒe dzi le adzɔge tso gbɔnye, eye woƒe vɔvɔ̃ nam nye amegbetɔwo ƒe ɖoɖo, siwo wosrɔ̃ ko la,

Psalmowo 24:4

Amesi ƒe asi me dza, eye eƒe dzi me kɔ, amesi ƒe luʋɔ media aʋatso yome mɔ o, eye meda alakpa heka atam o ta,

1 Petro 1:22

Esi mieto Gbɔgbɔ la me wɔ miaƒe luʋɔwo kɔkɔe le toɖoɖo nyateƒe la me hena nɔvilɔlɔ̃, si me alakpa mele o la, eyata milɔ̃ mia nɔewo vevie tso dzi dzadzɛ me.

Psalmowo 18:20

Ekplɔm yi dogba dzi, eye wòɖem ɖo goe, elabena nye nu nyo eŋu.

Yakobo 1:8

ŋutsu dzimevesusula melina sesĩe le eƒe mɔwo katã dzi o.

Psalmowo 26:6

Meklɔ nye asi fɔmaɖitɔe, eye maƒo xlã wò vɔsamlekpui, Yehowa,

Dɔwɔwɔwo 15:9

eye mede vovoa ɖeke mía kpli wo dome o, le esime wòklɔ woƒe dziwo me to xɔse me.

1 Mose 18:23

Eye Abraham te ɖe eŋu gblɔ bena: Ɖe atsrɔ̃ ame dzɔdzɔewo kple ame vɔ̃ɖiwo siaa mahã?

Hiob ƒe Agbalẽ 16:17

evɔ wònye nu madzɔmadzɔa ɖeke mele nye asiwo me o, eye alakpa mele nye gbedodoɖa me o hafi.

Mateo 15:2

Nukaŋuti wò nusrɔ̃lawo daa blematɔwo ƒe kɔawo dzi mahã? Elabena womeƒoa asi hafi ɖua abolo o.

Yeremia 4:11

Ɣemaɣi woagblɔ na nye dukɔ kple Yerusalem bena: Ya xɔdzo tso to ɖiƒeƒle ta me le gbe dzi gbɔna nye dukɔ ƒe nyɔnuvi gbɔ, menye be, woatsɔ agbo lui, alo woatsɔ ana nu me nadzae o.

Hiob ƒe Agbalẽ 9:30

Ne mele snotsi, eye meklɔ nye asi de adzalẽtsi me la,

Yesaya 13:15

Woada nu amesi ke woakpɔ, eye amesi ke asi tu la, atsi yi nu;

Psalmowo 73:13

Nyateƒe, yakatsyɔe mene nye dzi ŋn dza, eye meklɔ nye asi ɖe fɔmaɖimaɖi me.

Mateo 27:24

Eye esi Pilato kpo bena, wɔwɔa ɖeke megali o, ke zi tɔ hoo boŋ la, etsɔ tsi klɔ asi le ameha la ƒe ŋku me gblɔ bena: Nye la, ʋu sia mele asinye me o; mia ŋutɔwo mikpɔ edzi!

1 Samuel 14:35

Eye Saul ɖi vɔsamlekpui na Yehowa; esia nye vɔsamlekpui gbãtɔ, si wòɖi na Yehowa.

Psalmowo 119:113

Melé fu adzɔveeɖulawo, ke melɔ̃a wò se la.

Yesaya 58:2

Wole diyem gbeawotsyogbe, eye wole didim be, yewoanya nye mɔwo; wole ʋɔnudɔdrɔ̃ dzɔdzɔe dim tso gbɔnye abe dukɔ, si wɔa nu dzɔdzɔe, eye megblẽa eƒe Mawu ƒe ɖoɖowo ɖi o la ene; wole didim be, Mawu natsɔ ɖe yewo gbɔ!

Yakobo 3:17

Ke nunya, si tso dziƒo la, gbã la eŋuti kɔna, emegbe la eƒe dɔme fana, efaa tu, elɔna wogbea nya ne, nublanuikpɔkpɔ kple kutsetse nyuiwo yɔe fũ, medea vovo amewo dome o, alakpa mele eme o

Konyifahawo 3:57

Etsɔ kpuie le gbesigbe meyɔ wo, eye nẽgblɔ be: Megavɔ̃ o!