Psalmowo 19:8 - Biblia alo Ŋɔŋlɔ Kɔkɔe La Le Eʋegbe Me 1913

⁸ Yehowa ƒe se de blibo, enana luʋɔ gbɔna ɖe eme; Yehowa ƒe ɖaseɖiɖi le eteƒe, enana bometsilawo dzaa nunya.

Agbenya La

⁸ Yehowa ƒe mɔwo dzɔ, wonana dzi kpɔa dzidzɔ. Yehowa ƒe sewo me kɔ, wonana ame dzea nunya.

Psalmowo 19:8 Referans Kwoze

Psalmowo 12:6

Yehowa be: Metso azɔ le ŋutasesẽ le hiãtɔwo ŋu kple ame dahewo ƒe hũɖeɖe ta, eye mahe xɔname vɛ na amesi le eyome dim la.

Psalmowo 119:105

Wò nya enye akaɖi na nye afɔ kple kekeli na nye toƒe.

Yeremia 15:16

Esi wò nyawo ɖo gbɔnye la, memi wo, eye wò nyawo nye vivisese kple dzidzɔ na nye dzi, elabena wo ŋkɔe woyɔ ɖe ŋunye, Yehowa, Mawu Zebaot.

Lododowo 30:5

Mawu ƒe nuƒoƒowo katã me dza; akpoxɔnu wònye na amesiwo sii tso la.

Psalmowo 119:128

Eyata mebua wò seawo katã be, wole eteƒe; melé fu aʋatsomɔwo katã.

Lododowo 2:6

Elabena Yehowa naa nunya, eƒe nu me sidzedze kple gɔmesese dzɔ tso;

Psalmowo 119:92

Ɖe menye wò see nye nye dzidzɔ o la, anye ne metsrɔ̃ ɖe nye hiã me.

Psalmowo 119:80

Fɔɖiɖi meganɔ nye dzi ŋu le wò ɖoɖowo me, ne ŋu nakpem o.

Lododowo 6:23

Elabena akaɖie nye se la, kekelie nye nufiame la, eye agbemɔ enye mokaname, siwo fiaa mɔnu ame la.

Romatɔwo 7:22

Elabena mekpɔa dzidzɔ le Mawu ƒe se la ŋuti le ememe la gome;

Galatiatɔwo 2:19

Ke nye la meto se la me ku na se la, bene manɔ agbe na Mawu. Mía kple Kristo woklã ɖe atitsoga ŋu.

Romatɔwo 3:20

Elabena to se la ƒe dɔwɔwɔwo me la womatso afia na ŋutilãa ɖeke le eƒe ŋku me o; elabena se la me nuvɔ̃ ƒe sidzedze dzɔ tso.

Romatɔwo 7:7

Azɔ nuka gblɔ ge míala? Ɖe se la nye nuvɔ̃a? Gbeɖe! Gake nyemedze si nuvɔ̃ la o, negbe to sea me ko; elabena nyemenya ŋubiabiã la hã o, ne menye se la mee wogblɔ le o be; „Megabiã ŋu o!“

Psalmowo 119:16

Nye dzeme akɔ ɖewò ɖoɖowo ŋu, nyemaŋlɔ wo be o.

Psalmowo 119:14

Mekpe dzidzɔ ɖe wò ɖaseɖiɖi ƒe mɔwo ŋu abe ɖe kesinɔnu vovovowo ŋu ene.

Hezekiel 36:27

Maɖe nye gbɔgbɔ mia me, eye mana be, miazɔ ɖe nye ɖoɖowo kple nye sewo nu, ne mialé wo me ɖe asi ahawɔ wo dzi.

Psalmowo 119:171

Nye nuyiwo adudu kafukafu aƒo ɖi, elabena èfia wò ɖoɖowom.

Psalmowo 119:143

Hiã kple xaxa dzɔ de dzinye, ke wò seawo nye nye dzidzɔ.

Psalmowo 119:130

Ne woʋu go wò nya la, eklẽna, eye wòfiaa nunya amesiwo ŋu wɔna mele o.

Psalmowo 119:121

Mewɔa nusi le eteƒe kple nusi edzɔ; megagblẽm ɖe amesiwo tem ɖe anyi la si me o.

Psalmowo 119:40

Kpɔ ɖa, wò sewo le dzroyem; tsɔ wò dzɔdzɔenyenye gbɔ agbem.

Psalmowo 119:12

Yehowa, woakafu wò, fia wò ɖoɖowom!

Psalmowo 105:45

ne woalé ŋku ɖe eƒe ɖoɖowo ŋu, eye woalé eƒe sewo me ɖe asi. Mikafu Yehowa!

Psalmowo 40:8

Tete megblɔ bena: Kpɔ ɖa, megbɔna, agbalẽ me woŋlɔ nya ɖo le ŋunye.

Psalmowo 13:3

Yaseɖe ɣekaɣi mana ŋugble dem le ɖokuinye me, eye nuxaxã anɔ nye dzi me gbesiagbe? Vaseɖe ɣekaɣi nye futɔ akɔ eɖokui ɖe dzi ɖe ŋunye?

2 Mose 18:16

Ne nyaa ɖe le wo si la, wotsɔnɛ vaa gbɔnyee, eye medrɔ̃a amesiame kple nɔvia dome nya na wo, eye megblɔa Mawu ƒe sewo kple ɖoɖowo na wo.

1 Mose 26:5

Elabena Abraham ɖo to nye gbe, eye wòwɔ nye se, nye ɖoɖo kple nye mɔnufiame, siwo megblɔ nɛ la dzi.

Galatiatɔwo 3:21

Azɔ la, ɖe se la tsi tre ɖe Mawu ƒe ŋugbedodo la ŋuti mahã? Gbeɖe! Elabena ɖe wona sea ɖe, si ate ŋu ana agbe la, anye ne se la me ke dzodzoenyenye la tso vavã.

Yesaya 64:5

Mí katã miele abe ame makɔmakɔwo ene, eye miaƒe dzɔdzɔenyenyewo katã le abe avɔ, si ƒo ʋu ene; mí katã míeyrɔ abe aŋgba ene, eye míaƒe vodadawo lɔ mí ɖe nu abe ya ene.

Psalmowo 119:54

Wò ɖoɖoanyiwo nye hadzidzi nam le aƒe, si me menye amedzro le.

Psalmowo 119:24

Wò ɖaseɖiɖiwo nye nye dzidzɔ kple adaŋudelawo nam.

Nehemia 9:13

Eɖi va Sinai-to la dzi, eye nẽƒo nu kpli wo tso dziƒo; èna kɔnu dzɔdzɔewo, nufiame, siwo le eteƒe, kpakple ɖoɖo kple se nyuiwo wo.

Nehemia 8:12

Tete dukɔ blibo la yi be, yewoaɖaɖu nu ano nu, eye woana nu amewo, eye woatu aglo gã; elabena wose nya, si wogblɔ na wo la gɔme.

5 Mose 16:14

eye mia kple viwòŋutsu kple viwònyɔnu, wò dɔlaŋutsu kple wò dɔlanyɔnu kpakple Lewito kple amedzro, tsyɔ̃evi kple ahosi, siwo le wò duwo me la, miakpɔ dzidzɔ le wò ŋkekenyuie la dzi.

5 Mose 16:11

Eye mia kple viwòŋutsu kple viwònyɔnu, wò dɔlaŋutsu kple wò dɔlanyɔnu kpakple Lewitɔ, si le wò du me, kple amedzro, tsyɔ̃evi kple ahosi, siwo le dowòme la, miakpɔ dzidzɔ le Yehowa, wò Mawu, ŋku me le teƒe, si Yehowa, wò Mawu, atia be, yeƒe ŋkɔ nano la.

2 Fiawo 17:37

Eye milé ŋku de ɖoɖo kple kɔnu, nufiafia kple se, si woŋlɔ ɖi na mi la ŋu, ne miawɔ wo ŋkekeawo katã, eye migavɔ̃ mawu bubuwo o!

Psalmowo 93:5

Wò sewo le eme tututu; Yehowa, ŋutikɔkɔe dze wò aƒe la ɣeawiokatãɣ.

Psalmowo 111:7

Eƒe asinudɔwɔwɔwo nye nyateƒe kple ʋɔnudɔdrɔ̃, eye eƒe sewo katã le eteƒe;