Psalmowo 11:6 - Biblia alo Ŋɔŋlɔ Kɔkɔe La Le Eʋegbe Me 1913

⁶ Ana dzoka nadza ɖe ame vɔ̃ɖiwo dzi, eye dzo, aŋɔ kple ya xɔdzo anye woƒe kplu me nu.

Agbenya La

⁶ Ana dzoka xɔxɔ kple aŋɔ dzodzoe nadza ɖe ame vɔ̃ɖiwo dzi, eye ya xɔdzo anye wo tɔ gome.

Psalmowo 11:6 Referans Kwoze

Hezekiel 38:22

Matsɔ dɔvɔ̃ kple ʋu, tsidzadza gãwo kple tsikpewo adrɔ̃ ʋɔnui, eye mana dzo kple aŋɔ nadza ɖe eya kple eƒe aʋakɔ kpakple dukɔ geɖe, siwo kpe ɖe eŋu la dzi.

1 Mose 19:24

Eye Yehowa na aŋɔ kple dzo dza tso dziƒo tso Yehowa gbɔ ɖe Sodom kple Gomora dzi.

Hezekiel 13:13

Eyata ale Aƒetɔ Yehowa gblɔ esi: Mana ahom natu le nye dziku me, tsi nadza bababa le nye dɔmedzoe me, eye tsikpewo nadza le nye dziku me, ne woagblẽ nu.

Luka 17:29

ke le ŋkeke, si dzi Lot do go tso Sodom la, dzo kple dzokpe wu tso dziƒo, eye wotsrɔ̃ wo katã:

Psalmowo 75:8

ke boŋ Mawue nye ʋɔnudrɔ̃la; eyae bɔbɔa amesi ɖe anyi, eye wòdoa ame keme ɖe dzi.

Hiob ƒe Agbalẽ 20:23

Esime wòle eƒe ƒoɖo yɔm kple nuɖuɖu la, eɖe ga eƒe dɔmedzoe heliheli la ɖe eŋu, eye wòna wòdza ɖe edzi le nuaɖuƒe.

Hiob ƒe Agbalẽ 18:15

Nusi menye etɔ o la, nɔa eƒe agbadɔ me, eye wokɔa aŋɔ ɖe enɔƒe.

Yohanes 18:11

Tete Yesu gblɔ na Petro bena: Tsɔ yi la de aku; kplu, si Fofo la tsɔ nam la, ɖe nyemanoe o mahã?

Habakuk 2:16

Ŋukpe aɖi ƒo na wò, eye menye bubu o; wò hã noe, ne naɖe ama, Yehowa ƒe nuɖusi lé kplu la wòva ɖo gbɔwò, eye, wò bubu aɖi gbɔ.

Psalmowo 105:32

Ena tsikpewo wu ɖe tsidzadza teƒe kple dzoƒaɖewo ɖe woƒe anyigba dzi.

Yesaya 51:17

Fɔ, fɔ, Yerusalem, tso, wò, si no dɔmedzoekplu tso Yehowa si me, èno kplu muame la kpɔ egɔme ƒiaƒiaƒia.

Psalmowo 16:5

Yehowa enye nye domenyinu kple nye kplu me nu; ele nye dzidzenu de asi.

Yesaya 51:22

Ale wò Aƒetɔ Yehowa kple wò Mawu, amesi wòa avu ɖe eƒe dukɔ nu la, gblɔ esi: Maxɔ kplu muame, nye dɔmedzoekplu la, le asiwò me, eye màganoe azɔ o;

1 Samuel 9:23

Azɔ Samuel gblɔ na nuɖala bena: Tsɔ lã, si mede asi na wò hegblɔ be, nadzrae ɖo ɖe ɖokuiwò gbɔ la ve!

1 Samuel 1:4

Gbesigbe Elkana sa vo la, emãa lã na srɔ̃ Penina kple viaŋutsuwo kpakple vianyɔnuwo.

1 Mose 43:34

Eye wòna womã nuɖuɖu, si le egbɔ la, na wo, ke Benyamin tɔ sɔ gbɔ wu wo katã tɔ zi atɔ̃. Emegbe la wono nu kplii, eye wokpɔ dzidzɔ.

Hiob ƒe Agbalẽ 18:10

Wotrea ƒoɖetoe nɛ, eye wolia eƒe mɔ̃ de etoƒe.

Psalmowo 18:13

Alilikpowo, dzikpe kple dzokawo ɖo dzo keklẽ me le eŋku me.

Psalmowo 32:10

Ame vɔ̃ɖi kpɔa vevesese geɖe; ke amesi ɖoa ŋu ɖe Yehowa ŋu la, atsɔ amenuveve aƒo xlãe.

Yeremia 13:25

Yehowa be: Esia nye wò dzidzenu kple tɔwò gome, si nudzidze na wò, elabena èŋlɔm be, eye neɖo dzi ɖe alakpadada ŋu.