Psalmowo 10:11 - Biblia alo Ŋɔŋlɔ Kɔkɔe La Le Eʋegbe Me 1913

¹¹ Egblɔna le eƒe dzi me be: Mawu ƒe ŋku dzo le edzi, eɣla eƒe mo, eye mele ekpɔ ge akpɔ gbeɖegbeɖe o.

Agbenya La

¹¹ Egblɔna na eɖokui be, “Mawu ŋlɔ be; etsɔ nu tsyɔ eƒe mo, eye mele nu kpɔm o.”

Psalmowo 10:11 Referans Kwoze

Hezekiel 8:12

Tete wògblɔ nam be: Amevi, ele nusi Israel ƒe aƒe la ƒe ame tsitsiwo dometɔ ɖesiaɖe le wɔwɔm le vivi me le eƒe xɔvi, si me nɔnɔmetatawo le me la kpɔma? Wole gbɔgblɔm be: Yehowa mele mía kpɔm o, Yehowa gblẽ anyigba la ɖi!

Psalmowo 94:7

hele gbɔgblɔm be: Yehowa mele ekpɔm o, Yakob ƒe Mawu la medze sii o!

Psalmowo 73:11

Eye wole gbɔgblɔm be: Ɖe Mawu nyae, eye ɖe nunya le dziƒoʋitɔ la sia?

Psalmowo 10:6

Egblɔna le eƒe dzi me bena: Ke maɖe le tenye akpɔ o, eye amesi maɖo dzɔgbevɔ̃e me ɣeaɖekeɣi akpɔ gbeɖegbeɖe o la, menye.

Hezekiel 9:9

Tete wòɖo ŋu nam bena: Israel ƒe aƒe kple Yuda ƒe vodada sɔ gbɔ ŋutɔ, hlɔ̃dodo yɔ anyigba dzi, eye nu madzɔmadzɔ wɔwɔ le dua me fũ; elabena wole gbɔgblɔm be: Yehowa gblẽ anyigba la ɖi, Yehowa mele mía kpɔm o.

Nyagblɔla 8:11

Esi afia menye tsona le nu vɔ̃ɖi wɔwɔ ŋu kaba o ŋuti la, eyata dzi doa amegbetɔviwo ƒo ŋutɔ de nu vɔɖi wɔwɔ ŋu.

Psalmowo 64:5

ne woaɖa ame maɖitɔ la le vivi me; zi ɖeka kasia wodae, eye dzika metso wo ƒo o.

Luka 7:39

Ke esi farisitɔ, si kpee la, kpɔ esia la, egblɔ le ye ŋutɔ ɖokui me bena: Ɖe amesia nye nyagblɔɖila la, anya amesi kple amesi ƒomevi nye nyɔnu sia, si le asi dem eŋu; elabena nuvɔ̃wɔla wònye.

Marko 2:6

Ke agbalẽfialaa ɖewo bɔbɔ nɔ anyi ɖe afima, eye wole ɖi kem le woƒe dzi me bena:

Psalmowo 59:8

Kpɔ ɖa, nya le dodom le wo nu blobloblo be: Amea ɖeke mehele esem o ɖe? Yi le woƒe nuyiwo dzi.

Psalmowo 64:6

Woɖe dzi ƒo na wo ɖokui ɖe nu vɔ̃ɖi wɔwɔ ŋu, eye woɖo be, yewoatre mɔ̃ ɖe vivime hele gbɔgblɔm be: Amekae le ekpɔ ge?

Hosea 7:2

Womegblɔ le woƒe dzi me kpɔ be, yewoƒe nu vɔ̃ɖi wɔwɔwo kala le ŋku dzi nam o.