Nyaɖeɖefia 18:4 - Biblia alo Ŋɔŋlɔ Kɔkɔe La Le Eʋegbe Me 1913

⁴ Eye mese gbe bubua ɖe tso dziƒo le gbɔgblɔm bena: Mi amesiwo nye nye dukɔ la, mido go tso me, bene miagade ha kplii le eƒe nuvɔ̃wo me o, eye bena miagaxa eƒe fuwɔame ƒe ɖeke o,

Agbenya La

⁴ Tete mese gbe bubu tso dziƒo le gbɔgblɔm be, “ ‘Nye amewo, mido go le wo dome,’ be miagakpɔ gome le woƒe nu vɔ̃wo me o, be woƒe dɔvɔ̃wo dometɔ aɖeke nagava mia dzi o,

Nyaɖeɖefia 18:4 Referans Kwoze

2 Korintotɔwo 6:17

Eyaŋuti mido go le wo dome, eye miɖe mia ɖokui ɖa, Aƒetɔ la gblɔe, eye migaka asi nu makɔmakɔ ŋuti o, eye nye la maxɔ mi,

Yeremia 51:6

Misi dzo le Babel, eye amesiame neɖe eƒe agbe, ne míagatsrɔ̃ ɖe woƒe vodadawo me o, elabena Yehowa ƒe hlɔ̃biaɣi enye esia; nusi wòwɔ la, eya teƒe woaɖo nɛ.

Yeremia 51:45

Nye dukɔ, midzo le egbɔ, eye amesiame neɖe eƒe agbe tso Yehowa ƒe dɔmedzoe heliheli la nu!

Yesaya 52:11

Midzo, midzo, miʋu tso afima! Migaka asi nu makɔmakɔa ɖeke ŋu o! Miʋu tso wo dome; mi Yehowa ƒe nutsɔlawo, mikɔ mia ɖokui ŋu!

Yeremia 50:8

Misi tso Babel, miʋu tso Kaldea-nyigba dzi, eye minɔ abe agbowo le alẽhawo ŋgɔ ene!

1 Timoteo 5:22

Megaɖo asi ame dzi kabakaba o, eye megakpɔ gome le ame bubuwo ƒe nuvɔ̃wo me o. Lé ɖokuiwò dzadzɛ.

Yesaya 48:20

Mitso aseyetsotso ʋu tso Babel, eye nusi tso Kaldea-nyigba dzi! Migblɔ nusia, eye miɖe gbe ƒãe, mihee yi anyigba ƒe mlɔenu ke, migblɔ be: Yehowa ɖe eƒe dɔla Yakob!

Psalmowo 50:18

Ne èkpɔ hafi la, ekema èkplɔe ɖo, eye nèɖea ha kple ahasitɔwo.

2 Yohanes 1:11

elabena amesi do ɖoaƒe nɛ la, ede ha kplii le eƒe dɔwɔwɔ vɔ̃wo me.

Yeremia 51:50

Mi amesiwo si le yi nu, midzo, eye migatɔ ɖi o! Miɖo ŋu Yehowa le adzɔge, eye Yerusalem nenɔ ta me na mi!

Mateo 23:30

hegblɔna bena: Ɖe mieli le mia fofowo ŋɔli la, ne miewɔ ɖeka kpli wo le nyagblɔɖilawo ƒe nu la me o.

1 Mose 19:14

Tete Lot do go yi ɖagblɔe na toa, siwo le vianyɔnuwo ɖe ge la bena: Mitso, ne míado le ɖu la me, elabena Yehowa le etsrɔ̃ ge! Ke toawo bui nukonyae.

Yeremia 51:9

Miehe, míada gbe le Babel ŋu, ke hayahaya mele eŋu o; eyata migblẽè ɖi, eye mia dome amesiame neyi eƒe anyigba dzi, elabena eƒe ʋɔnudɔdrɔ̃ de dziƒo ke, eye wòɖatɔ alilikpowo.