Mika 7:14 - Biblia alo Ŋɔŋlɔ Kɔkɔe La Le Eʋegbe Me 1913

¹⁴ Tsɔ wò atikplɔ kplɔ wò dukɔ, wò ŋutɔ wò lãha, siwo ɖe ɖe aga le ave me le Karmel dzi; woaɖu gbe le Basan kple Gilead abe blema ene.

Agbenya La

¹⁴ O Yehowa, va kplɔ wò dukɔ kple wò atizɔti, alẽha si nye wò domenyinu; alẽha si nɔ eɖokui si le avewo me kple lãnyiƒe damawo dzi. Na woaɖu gbe damawo le Basan kple Gilead abe tsã ene.

Mika 7:14 Referans Kwoze

Mika 5:4

Eyama anye gŋutifafa. Eye ne Asur va míaƒe anyigba ɖzi, eye wòbe, yeaɖo afɔ mlaƒe fiasãwo me la, míadɔ lã-kplɔvi adre kple amegã enyi ɖe eŋu.

Yesaya 49:10

Dɔ kple tsikɔ mawu wo o, eye ŋdɔ kple ɣe maɖu wo o, elabena wo nuvela le wo kplɔm, eye woakplɔ wo ato tsidzidziwo ŋu.

Amos 9:11

Le ɣemaɣi la mafɔ Dawid ƒe agbadɔ gbagbã la de tsitrenu, eye matre eƒe gbagbãƒewo, mafɔ eƒe glikpowo ɖe tsitrenu, eye matui abe tsã ene;

Yesaya 40:11

Anyi eƒe alẽhawo abe alẽkplɔvi ene, alé alẽviawo ɖe abɔ dome, eye wòakɔ wo ɖe akɔnu, eye wòakplɔ vinɔwo ɖɔɖɔɖɔ.

Yesaya 37:24

Eɖe alɔme le Aƒetɔ la ŋu to wò dɔlawo dzi gblɔ bena. Metsɔ nye tasiaɖam geɖeawo va towo ta me, vaseɖe Libanon ƒe tsutsuẽƒe ke, eye melã eƒe sederti kɔkɔwo kple eƒe sesewu nyuitɔwo, eye mede eƒe kɔkɔƒe kekeake kple eƒe abɔ me ti dodowo gbɔ.

Psalmowo 100:3

Midze sii be, Yehowa ye nye Mawu! Eyae wɔ mí, eye etɔ míenye, eƒe dukɔ kple alẽwo le eƒe lãnyiƒe míenye.

Psalmowo 95:7

Elabena eya nye mía Mawu, eye míawo míenye dukɔ le eƒe lãnyiƒe kple eƒe si me lẽwo. Egbegbe, ne miese eƒe gbe la,

Psalmowo 28:9

Xɔ na wò dukɔ, eye nayra wò domenyinu la, nyi wo, eye na tsa wo kpa ɖaseɖe mavɔ me!

Yohanes 17:16

Wometso xexeame o, abe alesi nye hã nyemetso xexeame o ene.

Mateo 2:6

„Eye wò Betlexem le Yuda-nyigba dzi, menye suetɔ nènye le Yuda ƒe fiaduwo dome kura o; elabena wò me fia, si le nye dukɔ Israel nyi ge la, ado atso.“

Malaki 3:4

Eye Yuda kple Yerusalem ƒe vɔsawo avivi Yehowa nu abe le tsã ŋkekewo kple gbaɖegbe ƒewo me ene.

Zefania 3:13

Israel ƒe ame mamleawo mawɔ nu gbegblẽ o, womaka aʋatso o, eye alakpaɖe manɔ nu me na wo o; ke hoŋ woaɖu nu, eye woatsyɔ akɔ anyi ɖl, amea ɖeke maɖo voɖl na wo o.

Konyifahawo 5:21

Yehowa, trɔ mí ɖe ŋuwò, ne míatrɔ; wɔ míaƒe ŋkekewo yeye abe tsa ene.

Yesaya 65:10

Saron azu alẽwo ƒe gbeɖuƒe, eye Axorbalime la azu nyiwo ƒe akɔtsyɔƒe hena nye dukɔ, si biaa tanye sena la.

Yesaya 35:2

Woaƒo se ake, eye woatso dzidzɔkpɔkpɔ kple aseyetsotso ase vivii. Woatso Libanon ƒe ŋutikɔkɔe, Karmel kple Saron ƒe atsyɔ̃ nɛ. Woakpɔ Yehowa ƒe ŋutikɔkɔe kple mia Mawu ƒe atsyɔ̃.

Psalmowo 143:5

Meɖo ŋu blemaŋkekewo, mede ŋugble le wò nuwɔwɔwo kalã ŋu, eye mesusu wò asinudɔwɔwɔwo ŋu.

5 Mose 33:28

Israel, si nye Yakob ƒe vudo la, anɔ aga dedie le anyigba, si dzi bli kple wein le, afisi zãmu dzana tso dziƒo ɖo.

4 Mose 23:9

Agakpewo tame mele kpɔ wo ɖa, eye togbɛwo dzi mele kpɔ wo. Kpɔ ɖa, dukɔ la ɖe ɖe aga, eye mebua eɖokui ɖe dukɔ bu bu wo do me o.

2 Mose 33:16

Eye nuka gɔ woatsɔ adze sii bena, eve mia kple wo dukɔ la nu, ne meyi kpli mí, bena wòadze sii be, wòe tia mia kple wò dukɔ la le anyigba dzi dukɔwo katã dome oa?

Konyifahawo 1:7

Yerusalem le ŋu ɖom eƒe atsyɔ, siwo katã nɔ eŋu le blema ŋkekewo me la, le eƒe hiãɣi kple anyidzeɣi, elabena eƒe amewo tsi futɔ la si me, eye xɔnametɔ meli o. Ketɔ la kpɔe, eye woke eƒe toyiyi.

3 Mose 27:32

Lã, siwo katã lãkplɔvi xlẽna kple eƒe ati la, dometɔ ewoliawo ŋu ko na Yehowa, eɖanye nyi alo ale o.

Hawo ƒe ha 4:1

Èdze tugbe, xɔ̃nye, èdze tugbe ŋutɔ. Wò ŋkuwo nye ahɔne ƒe ŋkuwo le moxevɔ la me. Wò ɖa le abe gbɔ̃hawoe tsyɔ akɔ anyi de Gilead-to kɔgo ene.

Yeremia 49:31

Yehowa be: Mitso, míaho ɖe dukɔ, si ɖe dzi ɖi bɔkɔɔ la ŋu, agbo kple gameti mele wo si o, eye wole aga.

Hezekiel 36:11

Mana amegbetɔwo kple lãwo nasɔ gbɔ ɖe mia dzi, woakeke ta, eye wòadzi; mana ame nanɔ mia dzi abe tsã ene, eye mawɔ nyui na mi wu tsã, ne miadze sii be, nyee nye Yehowa.

4 Mose 32:1

Eye lã geɖewo le Ruben-viwo kple Gad-viwo si. Eye wokpɔ Yaezer kple Gilead-nyigba bena, enye afisi nyo na lãnyinyi.

4 Mose 32:4

anyigba, siwo Yehowa xɔ le Israel ƒe ŋku me la, enyo na lãnyinyi, eye lãwo le wò dɔlawo si.

Yesaya 27:13

Eye woava me be, woaku kpẽ gã la, eye amesiwo bu ɖe Asur-nyigba dzi kple amesiwo wonyã de gbe ɖe Egipte-nyigba dzi la, ava ado gbe ɖa le Yehowa ŋku me le to kokoe la dzi le Yerusalem.

Obadia 1:19

Dziehetɔwo axɔ Esau ƒe towo, eye bali me nɔlawo ado Filistitɔwo ƒe anyigba, woaxɔ Efrayim-tagba kple Samaria-tagba, eye Benyamin axɔ Gilead;

Zekaria 10:10

Mana woagbɔ tso Egipte-nyigba dzi, maƒo wo nu ƒu tso Asur, eye makplɔ wo ayi Gilead-nyigba kple Libanon dzi, eye teƒe matu wo nu gɔ̃ ha o.

Zekaria 11:7

Menyi alẽ, siwo woɖo ɖi na wuwu, eye woɖi hiã ŋutɔ le alẽwo dome la. Metsɔ atikplɔ eve; meyɔ ɖeka be, „dɔmefafa“, eye meyɔ evelia be, „ɖekawɔwɔ“, eye menyi alẽawo.