Mika 6:8 - Biblia alo Ŋɔŋlɔ Kɔkɔe La Le Eʋegbe Me 1913

⁸ Amegbetɔ, egblɔ nusi nyo la na wò; nusi ko dim Yehowa le tso asiwò la, enye be, nawɔ nusi le eteƒe, nalɔ̃ dɔmenyowɔwɔ, eye uabɔbɔ ɖokuiwò ɖe anyi ahazɔ le wò Mawu ŋku me.

Agbenya La

⁸ O amegbetɔ, egblɔ nu si nyo la na wò. Nu ka Yehowa di tso asiwò? Be nàwɔ nu si le eteƒe, alɔ̃ nublanuikpɔkpɔ eye nàzɔ kple wò Mawu la le ɖokuibɔbɔ me.

Mika 6:8 Referans Kwoze

Lododowo 21:3

Nusi dzɔ, eye wòle eteƒe la, wɔwɔ nyo Yehowa ŋu wu vɔsa.

Kolosetɔwo 3:12

Eyata esi míenye Mawu ƒe ame tiatiawo kple ame kɔkɔewo kpakple lɔlɔ̃viwo ŋuti la, mido dɔmetɔtrɔ kple nublanuikpɔkpɔ, dɔmekɔkɔ, ɖokuibɔbɔɖeanyi, dɔmefafa, dzigbɔgbɔ blewu,

Yeremia 22:3

Ale Yehowa gblɔ esi: Midrɔ̃ ʋɔnu ɖe eteƒe, eye miwɔ nu dzɔdzɔe, mixɔ amesi woda adzoe la, tso ŋutasẽla si me; migate amedzrowo, tsyɔ̃eviwo kple ahosiwo ɖe anyi o, migawɔ funyafunyawo o, eye migakɔ ʋu maɖifɔ ɖe teƒe sia o.

Hosea 6:6

Elabena lɔlɔ ƒe nu dze ŋunyie vu akpeɖavɔsa, eye sidzedze Mawu dze ŋunye wu numevɔsa.

1 Samuel 15:22

Tete Samuel gblɔ bena: A, numevɔsawo kple akpedavɔsawoe dzea Yehowa ŋu wu toɖoɖo Yehowa ƒe gbea? Kpɔ ɖa, toɖoɖo nyo wu vɔsa, eye nusese nyo wu agbo ƒe ami

Yesaya 66:2

Yehowa be: Nye asie wɔ nusiawo katã, ale be nusiawo katã li. Ke melé ŋku ɖe amesiwo ŋu: ɖe hiãtɔwo kple amesiwo ƒe gbɔgbɔ wote ɖe anyi, eye wovɔ̃a nye nyawo la ŋu.

1 Petro 3:8

Mlɔeba la mi katã misusu nu ɖeka, ame nu nawɔ nublanui na mi; milɔ̃ mia nɔewo abe nɔviwo ene; miaƒe dɔme natrɔ ɖe ame ŋu; mibɔbɔ mia ɖokui.

Luka 6:36

Mizu nublanuikpɔlawo, abe alesi mia Fofo hã nye nublanuikpɔla ene.

Luka 11:42

Ke baba na mi farisitɔwo! Elabena mienaa ahamee kple ƒãglo kpakple ama bubu ƒomeviwo katã ƒe ewolia, eye mietoa ʋɔnudɔdrɔ̃ kple Mawu ƒe lɔlɔ̃ ŋuti; ke esiawo le be, miawo, eye miagagblẽ ekeme hã ɖi mawɔmawɔ o.

Amos 5:24

Nya dzɔdzɔe nesi abe tsi ene, eye dzɔdzɔenyenye abe tɔʋu, si memiena o la ene boŋ!

Mateo 5:7

Woayra amesiwo le nublanui kpam na amewo la: elabena woawoe woakpɔ nublanui na.

Efesotɔwo 4:32

Ke mikɔ dome ɖe mia nɔewo ŋu, eye miaƒe dɔme natrɔ ɖe mia nɔewo ŋu, eye mitso ke mia nɔewo, abe alesi Mawu tso ke mi le Kristo me la ene.

1 Mose 18:19

Elabena metiae, bena wòade se na emegbeviwo kple eƒe me katã bena, woalé ŋku ɖe Yehowa ƒe mɔ ŋuti, eye woawɔ nu dzɔdzɔe kple nu nyui, bena ne nusi ŋugbe Yehowa do la, nava me na Abraham.

Nyagblɔla 12:13

Mina míase nyaawo kalã ƒe taƒonya be: Vɔ̃ Mawu, eye nalé eƒe seawo me ɖe asi; elabena esia nye amegbetɔtvo katã tɔ!

Hosea 12:6

Yehowa enye Mawu Zebaot, Yehowa enye eŋkɔ.

Yesaya 57:15

Elabena ale ame gã, si ɖo kpo, eli tegbee, eye eƒe ŋkɔ nye kɔkɔe la, gblɔ esi: Mele dzi kple kɔkɔeƒe la, mele amesi wogbã gudugudu, kple amesi ƒe gbɔgbɔ wobɔbɔ de anyi la gbɔ, ne magbɔ agbe amesiwo wobɔbɔ ɖe anyi la ƒe gbɔgbɔ, eye magbɔ agbe amesiwo wogbã gudugudu la ƒe dzi.

Mateo 5:3

Woayra amesiwo da ahe le gbɔgbɔ me la; elabena woawo tɔe nye dziƒofiaɖuƒe la.

Zefania 2:3

Midi Yehowa, mi amesiwo katã bɔbɔ mia ɖokul ɖe anyi le anyigba dzi, midi dzɔdzɔenyenye, eye midi ɖokuibɔbɔ yome mɔ, amea ɖe menye nu o woatsɔ mi aɣia le Yehowa ƒe dzikudogbe la hĩ!

Psalmowo 37:26

Evea ame nu ɣesiaɣi, eye wòdoa nugbana, eye viawo zua yayra.

Nehemia 9:13

Eɖi va Sinai-to la dzi, eye nẽƒo nu kpli wo tso dziƒo; èna kɔnu dzɔdzɔewo, nufiame, siwo le eteƒe, kpakple ɖoɖo kple se nyuiwo wo.

Psalmowo 112:4

Amenuvela, nublanuikpɔla kple dzɔdzɔetɔ nye kekeli dze na nuteƒewɔlawo le viviti me.

Konyifahawo 3:26

Enyo be, woanɔ anyi kpoo anɔ Yehowa ƒe xɔname sinu kpɔm.

Psalmowo 112:9

Enaa nu ame dahewo fũ, eƒe dzɔdzɔenyenye li tegbee, eye eƒe dzo ade dzi le bubu me.

Psalmowo 73:28

Ke nye la, Mawu ƒe gbɔnyenɔnɔ enye nye dzidzɔ; meɖo ŋu ke Aƒetɔ Yehowa ŋu, ne maxlẽ eƒe dɔwɔwɔwo katã afia.

2 Kronika 34:27

na wò dzi bɔbɔ bɔlɔbɔlɔ, eye nèbɔbɔ ɖokuiwò de anyi le Mawu ŋku me, le esi nèse nya, siwo wogblɔ de nɔƒe sia kple eme nɔlawo ŋuti megbe la; esi nèbɔbɔ ɖokuiwò ɖe anyi le ŋkunye me, eye nèdze wò awu heta avi le ŋkunye me la, eyata Yehowa be, ye hã yesee.

Yakobo 2:20

Ke, wò ame gbɔlo, ɖe nèle didim be, yeanyae bena, xɔse dɔwɔwɔ manɔŋutɔ la enye nu kuku mahã?

Romatɔwo 7:16

Ke ne nusi ke nyemelɔ̃na o lae mewɔna la, ekema melɔ̃a sea dzi bena, enyo.

2 Kronika 32:26

Tete Xizkiya kple Yerusalemtɔwo bɔbɔ wo dokui le eƒe dada la ta, eye Yehowa ƒe dɔmedzoe meva wo dzi le Xizkiya ƒe agbenɔɣi o.

1 Samuel 12:23

Ke nede megbe xaa tso nye hã gbɔnye, be matasi kukuɖeɖe ɖe mia ta, eye magbe mɔ nyui kple mɔ dzɔdzɔe fiafia mi ahawɔ nuvɔ̃ ɖe Yehowa ŋu!

Romatɔwo 9:20

Blewu, oo ame! Ameka nènye, wò amesi le nya hem kple Mawu la mahã? Ɖe numeme la lagblɔ na mela bena: Nukaŋuti nèmem ale mahã?

Luka 10:42

elabena Maria lia nyuia gome, si womele xɔxɔ ge le esi o.

Hezekiel 16:63

ne naɖo ŋui, ŋukpe nalé wò, eye wò nu nade ga le ŋukpe ta, nenye be, metsɔ nusiwo katã nèwɔ la, ke wò, Aƒetɔ Yehowa ye gblɔe!

2 Kronika 33:23

Ke mebɔbɔ eɖokui ɖe anyi le Yehowa ŋku me, abe alesi fofoa Manase va bɔbɔ eɖokui ene o; ke boŋ Amon sia na vodada la sɔ gbɔ ɖe edzi.

2 Tesalonikatɔwo 2:16

Ke mía Aƒetɔ Yesu Kristo ŋutɔ kple Mawu, mía Fofo, amesi lɔ̃ mi, eye wotsɔ akɔfafa mavɔmavɔ kple mɔkpɔkpɔ nyui na mí to amenuveve me la,

1 Mose 5:22

Esi wòdzi Metusala megbe la, Henox zɔ kple Mawu ƒe alafa etɔ̃, eye wòdzi ŋutsuwo kple nyɔnuwo.

3 Mose 26:41

eye nye hã metsi tre ɖe wo ŋu hekplɔ wo va woƒe futɔwo ƒe anyigba dzii la, me la, ne woƒe dzi masenuwo bɔbɔ, eye wokpɔ woƒe vodadawo tɔnua la,

2 Kronika 33:19

Eƒe gbedodoɖa kple alesi woɖo toe, eƒe nuvɔ̃wo katã kple eƒe nu tovo wɔwɔwo kpakple teƒe, siwo wòtu nuxeƒewo do, eye wòtsɔ Aserawo kple legbawo ɖo hafi va bɔbɔ eɖokui la, kpɔ ɖa, woŋlɔ wo ɖe nukpɔlawo ŋutinya me.

1 Korintotɔwo 7:16

Elabena wò nyɔnu, aleke nènyae bena, ale ŋu axɔ srɔ̃wò ɖe agbe mahã? Alo wò ŋutsu, aleke nènyae bena, ate ŋu axɔ srɔ̃wo ɖe agbe mahã?

2 Kronika 30:11

negbe amea ɖewo koe bɔbɔ wo ɖokui ɖe anyi le Aser, Manase kple Zebulon, eye wova Yerusalem.

Luka 12:14

Eye wògblɔ nɛ bena: Ame, amekae ɖom ʋɔnudrɔ̃la alo numãla ɖe mia dzi mahã?

5 Mose 30:15

Kpɔ ɖa, metsɔ agbe kple dzɔgbenyuie, ku kple dzɔgbevɔ̃e ɖo ŋkuwò me egbe.

Yesaya 56:1

Ale Yehowa gblɔ esi. Midzra ɖoɖo la ɖo, eye miwɔ nu dzɔdzɔe. Elabena nye xɔname tu aƒe, ne wòava, kple nye dzɔdzɔenyenye, ne wòaɖe eɖokui afia.

Hezekiel 33:14

Ne megblɔ na ame vɔ̃ɖi be, aku kokoko, gake wòɖe asi le eƒe nuvɔ̃ ŋu, eye wòwɔ nu dzɔdzɔe kple nusi le eteƒe,

Mika 6:9

Yehowa le du la yɔm; amesi vɔ̃a wò ŋkɔ la, nunyalae; milé to ɖe ameƒoti kple amesi ɖoe ɖa la ŋu!

Zekaria 7:9

Ale Yehowa Zebaot gblɔ esi: Miɖrɔ̃ ʋɔnu ɖe eteƒe, eye mia dome amesiame nelɔ̃ ehavi, eye wòakpɔ nublanui nɛ!

5 Mose 27:10

eyata ɖo to Yehowa, wò Mawu la ƒe gbe, eye nawɔ se kple ɖoɖo, siwo megblɔ na wò egbe la dzi!

Yosua 24:14

Eyata mivɔ̃ Yehowa, eye misubɔe blibo le nyateƒe me, miɖe mawu, siwo mia fofowo subɔ le tɔsisi la godo kple Egipte la ɖa, eye misubɔ Yehowa!

Psalmowo 101:1

Dawid ƒe ha. Madzi ha le amenuveve kple ʋɔnudɔdrɔ̃ ŋu, wò Yehowa ye madzi kafukafuha na.

Yeremia 9:23

ke boŋ amesi ke be, yeaƒo adegbe la, neƒo adegbe be, enya nu, eye wòdze sim be, nyee nye Yehowa, amesi si me amenuveve, ʋɔnudɔdrɔ̃ kple dzɔdzɔenyenye le le anyigba dzi, elabena nusiawoe nyoa ŋunye, Yehowa ye gblɔe.

Yeremia 22:16

Etso na hiãtɔwo kple ame dahewo, eyata eme nyo nɛ. Yehowa be: Ɖe menye esia woyɔna be sidzedzem oa?