Mateo 1:10 - Biblia alo Ŋɔŋlɔ Kɔkɔe La Le Eʋegbe Me 1913

¹⁰ Xizkiya dzi Manase, Manase dzi Amon, eye Amon dzi Yosiya;

Agbenya La

¹⁰ Hezekia dzi Manase, Manase dzi Amon, Amon dzi Yosia.

Mateo 1:10 Referans Kwoze

2 Kronika 32:33

Eye Xizkiya mlɔ fofoawo gbɔ, eye woɖii ɖe to dzi mɔ, si yi Dawid viwo ƒe yɔdowo gbɔ la to. Yuda blibo la kple Yerusalemtɔwo ɖe bubu eŋu le eƒe ku me, eye via Manase zu fia ɖe eteƒe.

2 Fiawo 20:21

Eye Xizkiya mlɔ fofoawo gbɔ, eye via Manase zu fia ɖe eteƒe.

1 Fiawo 13:2

Eye wòdo ɣli ɖe vɔsamlekpui la ta le Yehowa ƒe nya nu gblɔ bena: Vɔsamlekpui, vɔsamlekpui! Ale Yehowa gblɔ esi: Kpɔ ɖa, wole ŋutsuvia ɖe dzi ge na Dawid ƒe aƒe la, si ŋkɔ anye Yosiya, eya awu nuxeƒe ƒe nunɔlawo ɖe dziwò, amesiwo doa dzudzɔ le dziwò, eye wòatɔ dzo ameƒuwo ɖe dziwò.

Mateo 1:9

Uziya dzi Yotam, Yotam dzi Axaz, eye Axaz dzi Xizkiya;

Mateo 1:11

eye Yosiya dzi Yexonya kple nɔviawo, le esime wokplɔ wo yi ɖe Babilonia.