Malaki 1:12 - Biblia alo Ŋɔŋlɔ Kɔkɔe La Le Eʋegbe Me 1913

¹² Ke miawo miedo gui hele gbɔgblɔm be; Yehowa ƒe kplɔ̃ ŋu mekɔ o, eye edzi nuɖndu le ŋu nyɔm.

Agbenya La

¹² “Ke miawo ya miedo gui hele gbɔgblɔm be, ‘Yehowa ƒe kplɔ̃ ŋu mekɔ o,’ eye ‘edzinuɖuɖu le ŋu nyɔm.’

Malaki 1:12 Referans Kwoze

Romatɔwo 2:24

Elabena le miawo ŋuti la wogblɔa busunya ɖe Mawu ƒe ŋkɔ ŋuti le trɔ̃subɔlawo dome, abe alesi woŋlɔ ɖi ene.

Malaki 2:8

Ke miawo miele ɖa le mo dzi, mietsɔ nufiame na ame geɖewo dze anyi, eye miegblẽ Lewi ƒe nubabla la ɖome. Yehowa Zebaot ye gblɔe.

Malaki 1:13

Ale Yehowa Zebaot gblɔ esi: Miele gbɔgblɔm be, eɖuɖu la, fuɖename wònye; eye mietsɔ adzonuwo, lã ɖixɔdrɔ̃wo kple lã lédɔwo va sa vɔe. Ɖe mele esia dim tso mia si mea? Yehowa ye gblɔe.

Amos 2:7

Wo amesiwo ƒe ve me le fiefiẽm ɖe kekui, si le ame dahe ƒe ta me la ŋu, woglɔ̃a mɔ na hiãtɔwo, eye vi kple fofoa woyia gbolo ɖeka gbɔ, ne woaɖo gu nye ŋkɔ kɔkɔe la.

2 Samuel 12:14

Ke esi newɔ nusia, eye nena Yehowa ƒe futɔwo kpɔ fewuɖunu la, eyata ŋutsuvi, si wodzi na wò la, aku.

3 Mose 18:21

Megatsɔ viwò sa vɔe na Molex o, bena nagaƒo ɖi Yehowa, wò Mawu ƒe ŋkɔ o. Nyee nye Yehowa.

Hezekiel 41:22

vɔsamlekpui, si wotso ati wòe la ene, ekɔ abɔklugui etɔ̃, eye wòdidi abɔklugui eve, dzogoewo li ne, afɔ le egɔme, eye eƒe axawo dzi nye ʋuƒo. Eye wògblɔ nam bena: Esia nye kplɔ̃, si le Yehowa ŋku me.

Hezekiel 44:16

Woawo neyi nye kɔkɔeƒe la, eye woate de nye kplɔ ŋu, ne woasubɔm, eye woawɔ nye subɔsubɔdɔwo.

Hosea 13:9

Israel, wò gbegblẽ wònye, be nètso de nye, wò xɔnametɔ ŋu.