Luka 16:3 - Biblia alo Ŋɔŋlɔ Kɔkɔe La Le Eʋegbe Me 1913

³ Ke xɔnuvi la gblɔ le ye ŋutɔ ɖokui me bena: Nuka wɔ ge mala? Elabena nye aƒetɔ le xɔnuvinyenye la xɔm le asinye, nyemate ŋu ade agble o, eye migabia kpea ŋu nam.

Agbenya La

³ “Gakɔntametola la yi ta me sẽe, eye wòbia eɖokui be, ‘Nu ka mawɔ fifia? Nye aƒetɔ nyam le afi sia, evɔ ŋusẽ hã mele ŋunye be mayi aɖawɔ dɔ sesẽ aɖeke o, eye nyemate ŋu abia nu hã o, elabena esia aɖe dzinye kpɔtɔ akpa.

Luka 16:3 Referans Kwoze

2 Tesalonikatɔwo 3:11

Elabena miese bena, amea ɖewo zɔna sakasaka le mia dome, eye womewɔa dɔa ɖeke o, ke boŋ wowɔa yakadɔwo sɔŋ ko.

Dɔwɔwɔwo 3:2

Eye wotsɔ ŋutsua ɖe, si nye tekunɔ tso dadaa ƒe dome ke la ve, amesi wotsɔna dana ɖe mawuxɔ la ƒe ʋɔtru, si woyɔna be nyui la nu gbesiagbe, be wòabia nu le amesiwo yina ɖe mawuxɔa me la si.

Yohanes 9:8

Eyata eƒe aƒelikawo kple amesiwo kpɔe tsã bena, nubiala wònye la, gblɔ bena: Ɖe menye amesia nɔ anyi henɔa nu biam la o mahã?

Luka 18:4

Eye melɔ̃ o eteƒe didi; ke esiawo megbe la egblɔ le ye ŋutɔ ɖokui me bena: Esi nyemevɔ̃a Mawu o, eye nyemesia ame hã o la,

Luka 16:22

Eye wòva ve me bena, ame dahe la ku, eye mawudɔlawo tsɔe yi ɖada ɖe Abraham akɔnu; eye kesinɔtɔ la hã ku, eye woɖii.

Luka 16:20

ke ame dahea ɖe, si ŋkɔ nye Lazaro la, mlɔ eƒe agbo nu, eye abiwo yɔ eŋuti fũ;

Luka 12:17

eye wobu le eɖokui me bena: Nuka wɔ ge mala? Elabena nyemekpɔ afisi maƒo nye kutsetsewo nu ƒu ɖo o.

Marko 10:46

Eye wova Yerixo; eye esi wòdo go tso Yerixo kple eƒe nusiawo kple ameha gã la, Bartimeo, Timeo vi, si nye nubiala ŋkuagbãtɔ la, bɔbɔ nɔ anyi ɖe mɔ to.

Hosea 9:5

Nuka miawo le takpegbe kple Yehowa ƒe ŋkekenyuie la dzi?

Yeremia 5:31

Nyagblɔɖilawo gblɔa alakpanya ɖi, eye nunɔlawo le aƒetɔ ɖum, alesi wofia woe, eye wòdze nye dukɔ ŋu alea! Ke nuka miawɔ, ne eƒe nuwuwu la va ɖo?

Yesaya 10:3

Nuka miawɔ le gbesigbe wotu eŋu fe, eye gbegblẽ tso adzɔge va? Ameka miasi atso, eye afika miagblẽ miaƒe kesinɔnuwo ɖo?

Lododowo 29:21

Ne amea ɖe wɔ vinugbee ne eƒe kluvi tso ɖevime ta, ava ɖu aƒetɔ emegbe.

Lododowo 20:4

Kuviatɔ be, yemade agble le kele me o, eyata wòdia nu le nuŋeɣi doa kpoe.

Lododowo 19:15

Kuviawɔwɔ ɖe wòɖɔa alɔ̃ eme, eye eme wɔƒome ɖɔe wunɛ.

Lododowo 18:9

Amesi wɔa alɔgblɔlɔ le ɖɔ ŋu la, nugblẽla nɔvl wonye.

Lododowo 15:19

Kuviatɔ ƒe mɔ enye ŋukpɔ; ke nuteƒewɔlawo ƒe toƒe enye mɔ tata.

Lododowo 13:4

Nu le kuviatɔ dzrom, gake dzodzroe; ke veviedola aɖi ƒo.

Ester 6:6

Esi Haman ge ɖe eme la, fia, la biae bena: Nuka woawɔ na ŋutsu, si ŋu fia le didim be, yeade bubui? Tete Haman bu le eƒe ta me be Ameka gɔ̃ ŋu fia la ade bubui, ne menye nye ko oa?

Dɔwɔwɔwo 9:6

Eye esi wòle dzodzom nyanyanya, eye dzidzi ƒoe la, egblɔ bena; Aƒetɔ, nuka dim nèle, be mawɔ? Eye Aƒetɔ la gblɔ nɛ bena: Tsi tre, eye nayi ɖe dua me, eye woagblɔ nusi ele be, nawɔ la na wò.

Mateo 20:8

Ke esi fiẽsi ɖo la, weinbɔtɔ la gblɔ na eƒe xɔnuvi bena: Yɔ dɔwɔlawo vɛ, eye nana fetu wo, eye nadze egɔme atso mlɔetɔwo dzi vaseɖe gbãtɔwo dzi.

Luka 16:2

Eye wòyɔe gblɔ nɛ bena: Aleke wɔ, eye mese esia le ŋuwò mahã? Bu akɔnta le wò xɔnuvinyenye la ŋuti, elabena megale ŋu te ge anye xɔnuvi gbeɖe o.

Luka 16:4

Menya nusi mawɔ bena, ne woɖem ɖa le xɔnuvinyenye la nu la, ne woaxɔm ɖe woƒe aƒewo me.