Lododowo 4:3 - Biblia alo Ŋɔŋlɔ Kɔkɔe La Le Eʋegbe Me 1913

³ Elabena esi menye ɖevi na fofonye, vi fe kple tenuvi na danye la,

Agbenya La

³ Esi menye ɖevi sue kple vi fɛ̃ le fofonye ƒe aƒe me kple vi ɖekɛ na danye la,

Lododowo 4:3 Referans Kwoze

1 Kronika 22:5

Eye Dawid gblɔ bena: Vinye Salomo enye ɖekakpui dzaa ko, eye xɔ, si wole tutu ge na Yehowa la, ele be, wòalolo ŋutɔ, ne eƒe ŋkɔ kple bubu nade anyigbawo katã dzi, eyata maƒo nuwo nu ƒu ɖi nɛ! Ale Dawid ƒo nuwo nu ƒu taŋtaŋ hafi va ku.

Romatɔwo 12:16

Midi nu ɖeka ma ke hena mia nɔewo; màgaɖi nu kɔkɔwo yome o, hafi mibɔbɔ mia ɖokui na ame bɔbɔɖeanyiwo boŋ.

1 Kronika 29:1

Tete fia Dawid gblɔ na ameha blibo la bena: Salomo, vinye ɖeka, si Mawu fia la, enye ɖekakpui dzaa, eye do la keke ta, elabena menye amegbetɔ ƒe fiasã wònye o, ke boŋ Yehowa, Mawu tae.

Zekaria 12:10

Matrɔ amenuveve kple kokoƒoƒo ƒe gbɔgbɔ akɔ ɖe Ɖawlɖ ƒe aƒe kple Yerusalemtɔwo dzi, eye woafɔ ŋku ɖe amesi woƒo nu ɖo la dzi, woafa konyi nɛ, abe alesi wofaa: konyi na tenuvi ene, eye woafa avi nɛ vevie, abe alesi wofaa avi na vi ŋgɔgbea ene.

Yeremia 10:23

Yehowa, menyae be, amegbetɔ ƒe mo kple ŋutsu ƒe zɔzɔme la menye eya ŋuta si me wòle, ne eƒe azɔlime nato ma ɖeka o.

1 Kronika 3:5

Vi, siwo wodzi nɛ le Yerusalem, wonye: Simea, Sobab, Natan kple Salomo; wole wo ame ene, siwo nye Amiel ƒe vinyɔnu Bat-Sua tɔ;