Lododowo 19:1 - Biblia alo Ŋɔŋlɔ Kɔkɔe La Le Eʋegbe Me 1913

¹ Ame dahe, si fɔɖiɖi mele eƒe zɔzɔme ŋu o la, nyo wu amesi alakpa le eƒe nuƒoƒo me, eye wonye bometsila.

Agbenya La

¹ Anyo be nànye ame dahe si ƒe zɔzɔme ŋu fɔɖiɖi mele o, wu bometsila si ƒe nuyiwo gblɔa nya tovo.

Lododowo 19:1 Referans Kwoze

Lododowo 28:6

Ame dahe, si fɔɖiɖi mele eƒe zɔzɔme ŋu o la, nyo wu kesinɔtɔ, si zɔa mɔ gɔglɔ̃ dzi.

Mateo 16:26

Ela bena viɖe ka wòanye na ame, ne xexeme blibo la katã zu etɔ, ke wòabu eƒe luʋɔ mahã? Alo nuka amegbetɔ atso ana agaxɔ eƒe luʋɔ mahã?

Lododowo 16:8

Nu ʋee, si ŋu dzɔdzɔenyenye kpe ɖo, nyo wu nukpɔkpɔ geɖe, si ŋu nu madzɔmadzɔ wɔwɔ kpe ɖo.

Lododowo 19:22

Dɔmenyo enye amegbetɔ ƒe atsyɔ̃, ahedada nyo wu alakpadada.

Lododowo 20:7

Ame dzɔdzɔe, si ƒe zɔzɔme ŋu fɔɖiɖi mele o la, eme anyo na viawo le emegbe.

Lododowo 15:16

Nu vi nɔamesi, si ŋu Yehowa-vɔvɔ̃ kpe ɖo la, nyo wu kesinɔnu geɖe, si me dzimaɖeɖi le.

Lododowo 14:2

Amesi vɔ̃a Yehowa la, toa mɔ dzɔdzɔe dzi; ke amesi toa mɔ gɔglɔ̃ dzi la, doa vloe.

Yesaya 59:3

Elabena ʋu ƒo asi na mi, eye vodada le míaƒe asibidewo ŋu, miaƒe nuyiwo daa alakpa, eye miaƒe aɖewo gblɔa nya tovo.

Psalmowo 37:26

Evea ame nu ɣesiaɣi, eye wòdoa nugbana, eye viawo zua yayra.

Lododowo 12:26

Ame dzɔdzɔe tsaa ŋu na eƒe lãnyiƒe; ke ame vɔ̃ɖiwo ƒe mɔ kplɔa wo tranae.

Psalmowo 26:11

Ke nyea mazɔ fɔmaɖitɔe; ɖem, eye nave nunye!

1 Samuel 25:25

Nye aƒetɔ megaɖii na Nabal, ŋutsu vɔ̃ɖi sia o: elabena eya kple eƒe ŋkɔe sɔ: eŋkɔ nye Nabal, eye movitɔ wònye; ke wò dɔlanyɔnu mekpɔ nye aƒetɔ ƒe ɖekakpui, siwo wòdo ɖa la o.

1 Samuel 25:17

Eyata bu ta me nadi nusi nawɔ, elabena woɖo vɔ̃ ɖe míaƒe aƒetɔ kple eƒe aƒe blibo la ŋu; ke eyama la ame vɔ̃ɖi wònye, eye amea ɖeke mekpɔ mɔ aƒo nu de egbɔ o

Lododowo 4:24

Ɖe alakpanu da le ɖokuiwò ŋu, eye nam aʋatsonuyi ɖa le ɖokuiwò gbɔ.