Ester 2:6 - Biblia alo Ŋɔŋlɔ Kɔkɔe La Le Eʋegbe Me 1913

⁶ eye woɖe aboyo eya kple aboyomeawo tso Yerusalem hekpe ɖe Yuda-fia Yexonya, amesi Babel-fia Nebukaɖnezar ɖe aboyoe la ŋuti.

Agbenya La

⁶ Wolée esime Nebukadnezar gbã Yerusalem, eye wòɖe aboyoe kpe ɖe Yuda fia Yehoyatsin kple ame bubu geɖewo ŋu va Babilonia.

Ester 2:6 Referans Kwoze

Yeremia 24:1

Esi Babel-fia Nebukaɖnezar ɖe aboyo Yuda-fia Yexonya, Yoyakim vi, kple Yuda-amegãwo, atikpalawo kple gbeɖewo tso Yerusalem yi Babel megbe la. Yehowa na mekpɔ gbotsetse kusi eve, si wotsɔ da ɖe Yehowa ƒe gbedoxɔ nu.

2 Kronika 36:20

Ekplɔ amesiwo metsi yi nu o la, yi Babel, eye wòzu eya kple viawo ƒe dɔlawo, vaseɖe esime Persiatɔwo ƒe dziɖuɣi ɖo,

2 Fiawo 24:6

Eye Yoyakim mlɔ fofoawo gbɔ, eye via Yoyaxin zu fia ɖe eteƒe.

Yeremia 22:24

Yehowa be: Mefa ɖokuinye ƒe agbe: Ɖe wònye ŋkosigɛ nye Yuda-fia Xonya, Yoyakim vi la, le nye ɖusi la, anye ne maɖee aƒu gbe tso gama,

Yeremia 22:28

Ɖe ze gbagbã, si ɖi gbɔ, enye Xonya sia loo, alo ze, si ƒe nu menyoa amea ɖeke ŋu o la, wònyea? Nukata wonyã eya kple viawo de gbe, eye wotsɔ wo ƒu gbe ɖe anyigba, si womenya o la dzi?

2 Fiawo 24:12

Tete Yuda-fia Yoyaxin do yi Babel-fia gbɔ, eya kple dadaa kple eƒe dɔlawo, eƒe amegãwo kple eƒe aƒemenu dzikpɔlawo, eye Babel-fia ɖe aboyoe le eƒe fiaɖuɖu ƒe ƒe enyilia me.