Ester 2:17 - Biblia alo Ŋɔŋlɔ Kɔkɔe La Le Eʋegbe Me 1913

¹⁷ Eye fia la lɔ̃a Ester wu nyɔnuwo katã, eƒe nu nyo eŋu, eye wòve enu wu ɖetugbiawo katã, etsɔ fiakuku la dɔ nɛ, eye wòtsɔe ɖo fiasrɔ̃e ɖe Wasti teƒe.

Agbenya La

¹⁷ Fia la lɔ̃ Ester wu ɖetugbiawo dometɔ ɖe sia ɖe. Ekpɔ dzidzɔ le eŋu ale gbegbe be wòɖɔ fiakuku la nɛ, eye wòna wòzu fianyɔnu ɖe Vasti teƒe.

Ester 2:17 Referans Kwoze

Hezekiel 17:24

Eye gbemetiwo katã adze sii be, nye Yehowa ye bɔbɔ ati kɔkɔ la ɖe anyi, eye mekɔ ati tehee la ɖe dzi; nyee na ati mumu la ku, eye ati kuku la dze, nye Yehowa ye ƒo nu, eye mewɔe hã.

Ester 4:14

elabena ne àzi kpi le ɣeyiɣi sia me la, ekema ablɔɖe kple ɖeɖe atso afi bubua ɖe ava na Yudatɔwo, ke mia kple fofowò ƒe aƒe ya miatsrɔ̃ amea ɖe menya nu o, ɖewohĩ ɣeyiɣi sia tae fianyenye la su asiwò ɖo.

Ester 1:11

woaɖakplɔ fiasrɔ̃ Wasti va fia ŋku me, eye fiakuku nanɔ eta, ne wòafia eƒe tugbedzedze dukɔwo kple fiawo, elabena edze tugbe.

1 Samuel 2:8

Eya ɖea hiãtɔwo tso ké me, eye wòhea ame dahewo tso bafifi me, ne wòana woawo kple amegãwo nanɔ kasɔsɔ me, eye wòaɖe bubumewo ƒe zi asi na wo; elabena anyigbatu me sɔtiwo nye Yehowa tɔ, eye woawo dzi wòtu xexeame godoo ɖo.

Ester 2:16

Wokplɔ Ester yi fiasã me le fia Axasweros gbɔ le dzinu ewolia, si nye dzinu Tebet la me, le eƒe fiaɖuɖu ƒe ƒe adrelia me.

Ester 6:8

ekema woaɖe fiawu, si fia dona kple sɔ, si fia dona, si ƒe ta fiakuku le la, ɖe go;

Lododowo 21:1

Fia ƒe dzi le abe tɔʋu ene le Yehowa si me; afisi wòlɔ̃ la, eya wòkplɔnɛ yinae.