Nyagblɔla 10:10 - Biblia alo Ŋɔŋlɔ Kɔkɔe La Le Eʋegbe Me 1913

¹⁰ Ne lãnu tsi kpo, eye womenyire enu o la, ele be, woahe alɔkame; ke nuwɔwɔ, ne wòadze edzi, enye nunya ƒe viɖe.

Agbenya La

¹⁰ Ame si le fia maɖamaɖa ŋu dɔ wɔm la, wɔa eƒe ŋusẽ geɖe ŋu dɔ. Dze nunya eye nànyre fia la nyuie.

Nyagblɔla 10:10 Referans Kwoze

Yakobo 1:5

Ke ne mia dometɔa ɖe le nunya hiãm la, neɖe kuku na Mawu, si na amewo katã faa, eye medoa ŋukpe ame o la, eye wòatsɔe anɛ.

Kolosetɔwo 4:5

Mizɔ le nunya me le amesiwo le egodo la ŋku me, eye miwo ɣeyiɣi la ŋuti dɔ blibo.

Nyagblɔla 10:15

Bometsilawo ƒe agbagbadzedze nana ɖeɖi tea amesi menye du me mɔ o la ŋu.

1 Korintotɔwo 14:20

Nɔvinyewo, migazu viwo le nyasã me o, ke mizu vidzĩewo le nu tovo wɔwɔ me boŋ, ke nyasã me la mizu ame tsitsiwo.

1 Fiawo 3:9

Eyata na dzi nyanu wò dɔla, ne wòadrɔ̃ ʋɔnu wo dukɔ, eye wòaɖe vovo nyui kple vɔ̃ dome, elabena ameka ale ŋu adrɔ̃ ʋɔnu wò dukɔ gã sia?

Romatɔwo 16:19

Elabena miaƒe toɖoɖo de amewo katã ƒe to me; eyata dzi le dzɔyem le mia ŋuti, ke mele didim bena, mianye nunyalawo le nu nyui me, ke ame dzadzɛwo ɖe nuvɔ̃ ŋuti.

Mateo 10:16

Kpɔ ɖa, nye la mele mia dɔm abe alẽwo ene ɖe amegãxiwo dome; eyaŋuti midze adaŋu abe dawo ene, eye midza abe ahɔ̃nɛwo ene.

1 Kronika 12:32

Amesiwo tso Isaxar-viwo dome la, wonye amesiwo nunya le tagba na, eye wonya ɣeyiɣi, si dzi Israel awɔ nane; woƒe tatɔwo le ame alafa eve, eye wo nɔviwo katã sea woƒe gbe.

5 Mose 32:41

Ne menyre nye yi dadzo la, eye meɖe asi ʋɔnudɔdrɔ̃ me la, ekema mabia hiã nye futowo, eye maɖo teƒe na nye ketɔwo.

Nyagblɔla 2:13

Tete mekpɔ be, nunya ƒo bometsitsi ta, ahe alesi kekeli ƒo viviti tae ene.

Nyagblɔla 10:9

Amesi le kpe ɖem la, eyae wɔa nu vevi eɖokui, eye amesi le nake dzem la, eyae xɔa abi.

Nyagblɔla 10:11

Ne da ɖu ame, hafi wosa gbe ɖoe la, ekema gbesala mekpɔ viɖea ɖeke tso eme o.

Nyagblɔla 9:18

Nunya nyo wu aʋawɔnuwo; ke nuvɔ̃wɔla ɖe ka gblẽa nu nyui geɖe dome.