Amos 5:11 - Biblia alo Ŋɔŋlɔ Kɔkɔe La Le Eʋegbe Me 1913

¹¹ Esi miefanya ame dahewo kple afɔ, eye miexɔ blidzɔ le wo si la, eyata miatsɔ kpe fufuwo atu xɔe, gake mianɔ wo me o; miade weingble nyowo, gake miano woƒe wein o.

Agbenya La

¹¹ Esi miefanya ame dahewo kple afɔ, eye mieba wo le blidzɔxɔxɔ me ta la, mianɔ kpexɔ nyui siwo tum miele la me alo ano wain tso waingble siwo dem miele la me o.

Amos 5:11 Referans Kwoze

Zefania 1:13

Woaha woƒe ke-sinɔnuwo, eye woƒe aƒewo azu aƒedo; woatu xɔ, ke womanɔ eme o, eye woade weingble, ke womano eƒe wein o.

Mika 6:15

Àƒã nu, ke màŋe nu o; ãɖa ami, ke mãkpɔ ami asi o; àfiã aha, ke mãkpɔ wein ano o.

5 Mose 28:30

Abia nyɔnu ta, ke ŋutsu bubu agblẽe; atu xɔ, ke manɔ eme o, ade weingble, ke mawɔ eŋu dɔ o.

Yakobo 2:6

Ke miawo la miedo vlo ame dahe la. Ɖe menye kesinɔtɔwo sẽa ŋuta le mia ŋuti, eye menye woawoe hea mi yia ʋɔnudrɔ̃ƒewo o mahã?

Hagai 1:6

Mieƒã nu taŋtaŋ, gake nu ʋeea ɖe ko mieŋe; miedu nu, meɖi ƒo na mi o; mieno nu, meɖi kɔ na mi o; mieta avɔ, mede dzo lã me na mi o; miewɔ dɔ xɔ fetu, eye mietsɔe de kotoku ŋɔŋɔ me.

Mika 2:2

Ne agble dzro wo la, woxɔnɛ; ne xɔ dzro wo la, wodaa adzoe, eye woɖua sesẽnu le aƒe kple aƒetɔ si, le ŋu-tsu kple eƒe domenyinu si.

Amos 3:15

Magbã vuvɔŋɔlixɔ akpe ɖe ɖzomeŋɔlixɔ ŋu, nyiɖuxɔwo atsrɔ̃, eye xɔ gbogboawo nu ayi; Yehowa ye gblɔe!

Yesaya 16:10

Dzidzɔ kple vivisese nu tso le abɔwo me, eye womegale aseye tsom le dzidzɔ kpɔm le weingblewo me o; womegafiãa wein le weinfiãnu me o, eye metsi dzidzɔɣli nu.

Hezekiel 26:12

Woaha wò kesinɔnuwo, eye woada adzo wò adzɔnuwo, woamũ wò gliwo, woagbã wò dzidzɔkpɔxɔwo, eye woalɔ wò kpewo, atiwo kple anyiglãgowo aƒu gbe ɖe atsiaƒu me.

Amos 2:6

Ale Yehowa gblɔ esi: Le Israel ƒe nu vɔ̃ɖi wɔwɔ etɔ̃ kple eneawo ta, nyematsɔe akee o; elabena etsɔ ame dzɔdzɔe dzra ɖe ga nu kple hiãtɔ ɖe atokota dodo ɖeka nu.

Amos 3:9

Miɖo kpo ɖe fiasãwo ta le Asdod kple ɖe fiasãwo ta le Egipte-nyigba dzi gblɔ bena: Miƒo takpli ɖe Samaria-towo dzi, eye mikpɔ ʋunyaʋunyawɔwɔ geɖe kple ame teteɖeanyi, si le eme la ɖa.

Amos 4:1

Mise nya sia, mi Basan-nyinɔ, siwo le Samaria-to dzi! Mi amesiwo te ame dahewo ɖe anyi, miegbã hiãtɔwo gudugudu, eye miegblɔ na miaƒe atsuwo bena: Miku aha vɛ míano!

Amos 6:11

Elabena kpɔ, ɖa, Yehowa le se de ge, tete woagbã xɔ gãwo, eye xɔ suewo agba gudugudu

Amos 6:12

Ɖe sɔwo ate ŋu aƒu du le agakpe dzia, eye ɖe woatsɔ nyiwo aŋlɔ agble ɖe atsiaƒu dzia? Elabena miawo mietrɔ nya dzɔdzɔe wòzu aɖi, kple dzɔdzɔenyenye ƒe kutsetse wòzu atsa

Amos 8:4

Misee, mi amesiwo ƒe ve me le fiefiẽm ɖe ame dahewo ŋu, eye mietsrɔ̃ hiãtɔwo;

Mika 1:6

Eyata matsɔ Samaria awɔ anyiglãgoe ɖe gbe me kple weingbledeƒee, malɔ eƒe kpewo aƒu gbe ɖe abu me, eye maɖi ƒeƒle eƒe agunu.

Malaki 1:4

Ne Edom gblɔ be; Wogbã mí, ke míagatso aƒeɖoawo, ale Yehowa Zebaot gblɔ esi: Ne wotsoe hã la, magbãe aƒu anye eye woayɔ wo be, „nu vɔ̃ɖi wɔwɔ ƒe anyigba“ kple „dukɔ, si ŋu Yehowa do dziku ɖo ɖikaa“.

3 Mose 26:16

ekema nye hã mawo nu siawo mi, eye vovɔ̃ alé mi: Kpetri kple asrã ana miaƒe ŋkutome anyẽ ɖe me, eye miagbɔdzɔ: yakatsyɔ miaƒã nukuwo, elabena miaƒe futɔwo ava ha wo.

Hiob ƒe Agbalẽ 20:19

Elabena ete ame dahe ɖe anyi, eye wògblẽe ɖi; exɔ xɔ, si metu o la sesẽe.

Hezekiel 34:21

Esi mietsɔ axadame kple abɔgba mimi lã kudɔeawo katã ɖo, eye mietu dzo wo, vaseɖe esime mienyã wo do goe la,

Hosea 9:2

Lugbɔƒe kple ahafiãƒe manyi wo o, eye aha yeye aflu wo.

Amos 2:7

Wo amesiwo ƒe ve me le fiefiẽm ɖe kekui, si le ame dahe ƒe ta me la ŋu, woglɔ̃a mɔ na hiãtɔwo, eye vi kple fofoa woyia gbolo ɖeka gbɔ, ne woaɖo gu nye ŋkɔ kɔkɔe la.

Amos 9:14

Magaɖo nye dukɔ Israel te, eye woatso du zuaƒedowo anɔ wo me, woade weingblewo anɔ wo me wein, eye woatɔ abɔwo aɖu wo me kutsetsewo.