Dɔwɔwɔwo 7:15 - Biblia alo Ŋɔŋlɔ Kɔkɔe La Le Eʋegbe Me 1913

¹⁵ Eye Yakob dzo yi Egipte, eye woku, eya ŋuta kple mía fofoawo;

Agbenya La

¹⁵ Esiae na be Yakob kple viawo katã ʋu va tsi Egipte, afi si wo katã ku ɖo,

Dɔwɔwɔwo 7:15 Referans Kwoze

2 Mose 1:6

Emegbe Yosef kple nɔviawo kple wo viwo katã ku.

1 Mose 49:33

Esi Yakob wu nyawo nu na viawo vɔ la, eƒo ata ƒu ɖe aba dzi, eye wòmia nu, eye wòyi ɖe tɔgbuiawo gbɔ.

Yosua 24:4

Metsɔ Yakob kple Esau na Isak, eye metsɔ Seir-to na Esau, be wòanye etɔ, ke Yakob kple viawo ya ʋu yi Egipte.

5 Mose 26:5

Eye nagblɔ le Yehowa, wò Mawu ŋku me bena: Fofonye enye Aramtɔa ɖe, si de tsɔtsrɔ ge, eye wòʋu va Egipte; ame ʋeea ɖewo ko wonye henye amedzrowo le afima, ke wodzi ɖe dzi, eye wotrɔ zu dukɔ gã sẽŋua ɖe.

5 Mose 10:22

Fofowòwo le ame blaadre hafi va Egipte, ke azɔ la Yehowa, wò Mawu, na mèsɔ gbɔ abe dziƒoɣletiviwo ene.

4 Mose 20:15

Mía fofowo ʋu va Egipte, eye míenɔ Egipte eteƒe didi; ke Egiptetɔwo sẽ ŋuta le mía kple mía fofowo ŋu.

1 Mose 46:1

Eye Israel dze mo kple eƒemetɔwo katã, eye esi wòɖo Berseba la, esa vɔ na fofoa Isak ƒe Mawu la.

1 Mose 47:30

ke boŋ naɖim ɖe tɔgbuinyewo gbɔ, eye natsɔm atso Egipte aɖaɖi ɖe woƒe yɔdo me. Tete wòɖo ŋu bena: Mawɔe, abe alesi nèdi ene.

2 Mose 13:19

Eye Mose ho Yosef ƒe ƒuwo ɖe asi; elabena eka atam na Israel-viwo gblɔ bena: Ne Mawu va ɖo ŋku mia dzi la, ekema miɖo nye ƒuwo ɖe asi tso afisia yii.

Yosua 24:32

Eye Israel-viwo ɖi Yosef ƒe ƒu, siwo wotsɔ tso Egipte vɛ la, ɖe Sixem, ɖe anyigba, si Yakob ƒle kesita alafa ɖeka le Sixem fofo Xamor ƒe viwo si la dzi, eye wòtrɔ zu Yosef-viwo ƒe domenyinu.

Psalmowo 105:23

Eye Israel va Egipte, eye Yakob nye amedzro le Xam-nyigba dzi.