Dɔwɔwɔwo 7:10 - Biblia alo Ŋɔŋlɔ Kɔkɔe La Le Eʋegbe Me 1913

¹⁰ eye woɖee tso eƒe xaxawo katã me; eye wòna amenuveve kple nunyae le Farao, Egipte-fia la ƒe ŋku me, eye wòtsɔe ɖo dziɖula ɖe Egipte kple eƒeme blibo la katã dzi.

Agbenya La

¹⁰ ale gbegbe be wòɖee tso eƒe fukpekpewo katã me, eye gawu la, Mawu na be Egipte Fia Farao kpɔ ŋudzedze le eŋu. Le nunya manyagblɔ si Mawu na Yosef ta la, Farao tsɔe ɖo dudzikpɔla gãe le Egipte dukɔa me, eye wògaɖoe tatɔe le eƒe fiasã blibo la me hã.

Dɔwɔwɔwo 7:10 Referans Kwoze

Lododowo 3:4

ekema amenuveve kple gɔmesese nyui asu asiwo le Mawu kple amegbetɔwo ŋku me.

2 Timoteo 4:18

Eye Aƒetɔ la aɖem le nuwɔwɔ vɔ̃wo katã me, eye wòaxɔm heyi ɖe eƒe dziƒofiaɖuƒe la me; eya tɔ lanye ŋutikɔkɔe tso mavɔ me yi ɖe mavɔ me! Amen.

Lododowo 2:6

Elabena Yehowa naa nunya, eƒe nu me sidzedze kple gɔmesese dzɔ tso;

1 Mose 48:16

mawudɔla, si ɖem tso nye hiãwo katã me la, ayra ɖeviawo eye woayɔ nye ŋkɔ kple fofonye Abraham kple Isak ƒe ŋkɔ ɖe wo ŋu, wòadzi ɖe dzi, eye woasɔ gbɔ le anyigba la dzi.

Psalmowo 22:24

Mi amesiwo vɔ̃a Yehowa la, mikafui! Mi Yakob-ƒomeawo katã, mibui! Mi Israel-ƒomeawo katã, misi eƒe ŋku me!

1 Mose 42:6

Eye Yosef, si enye anyigba dzi ɖula la, dzra bli na anyigbadzitɔwo katã. Esi Yosef nɔviwo va, eye wodze klo de ta agu nɛ la.

Nyaɖeɖefia 7:14

Eye megblɔ nɛ bena: Nye aƒetɔ, wòe nyae! Eye wògblɔ nam bena: Amesiawo nye amesiwo ɖo go tso xaxa gã la me, eye wonyã woƒe awuwo, eye wowɔ wo ɣie le alẽvi la ƒe ʋu la me.

Psalmowo 37:40

Yehowa dea wo dzi, eye wòɖea wo, eɖea wo tso ame vɔ̃ɖiwo si me, eye wòxɔna na wo, elabena wosinɛ tsona.

Lododowo 16:7

Ne amea ɖe ƒe zɔzɔme dze Yehowa ŋu la, enana be, eƒe futɔwo ke hã nɔa ŋutifafa me kplii.

Yakobo 5:11

Kpɔ ɖa, míeyɔa amesiwo doa dzi keŋ la be yayratɔwo. Miese Hiob ƒe dzidodo, eye miekpɔ Aƒetɔ la ƒe nuwuwu bena, Aƒetɔ la yɔ fũ kple dometɔtrɔ kple nublanuikpɔkpɔ.

1 Mose 44:18

Tete Yuda te ɖe eŋu gblɔ be: Taflatse, nye aƒetɔ! Na wò dɔla naƒo nu kple nye aƒetɔ, eye megabi dzi ɖe wò dɔla ŋu o; elabena èle abe Farao ene.

1 Mose 39:21

Ke Yehowa nɔ kple Yosef, eye wòna gaxɔdzikpɔla ƒe dzime kɔ ɖe eŋu, eye wòve enu.

1 Fiawo 8:50

Eye tsɔ nuvɔ̃, si wò dukɔ la wɔ ɖe ŋuwò kple vo, siwo katã woda ɖe ŋuwò la ke wo, eye na amesiwo ɖe aboyo wo, nakpɔ woƒe nublanui, eye woa ve wo nu;

Yeremia 39:12

Kplɔe, eye wò ŋku nanɔ eŋu, eye megawɔ vɔ̃a ɖekee o, ke boŋ alesi wòagblɔ na wò la, nenema nawɔ nɛ.