5 Mose 9:6 - Biblia alo Ŋɔŋlɔ Kɔkɔe La Le Eʋegbe Me 1913

⁶ Eyata nyae bena, menye esi nènye ame dzɔdzɔe ta Yehowa, wò Mawu be, yeatsɔ anyigba nyui sia na wò wòanye tɔwo ɖo o, elabena dukɔ kɔlialiatɔ nènye.

Agbenya La

⁶ Megale egblɔm ake be, Yehowa, miaƒe Mawu la mele anyigba nyui sia tsɔm na mi le miaƒe nyonyo ta o, elabena mienyo o. Mienye dukɔ vɔ̃ɖi kple kɔlialiatɔwo.”

5 Mose 9:6 Referans Kwoze

5 Mose 10:16

Eyata mitso aʋa na miaƒe dziwo, eye migalia ʋume azɔ o.

Dɔwɔwɔwo 7:51

Mi kɔlialiatɔwo kple amesiwo ƒe dzi kple to sẽ, ɖaa mietsi tre ɖe Gbɔgbɔ kɔkɔe la ŋu; alesi mia fofowo wɔ la, nenema ke wɔm miawo hã miele.

5 Mose 31:27

Elabena menya miaƒe tosesẽ kple kɔlialia. Kpɔ ɖa, ŋkeke alesi menɔ mia gbɔ la, miesẽ to ɖe Yehowa ŋu vaseɖe fifi; evɔ, ne meku ɖe?

5 Mose 9:13

Tete Yehowa gblɔ nam bena: Mekpɔ dukɔ sia bena, dukɔ kɔlialiatɔ wònye.

2 Mose 32:9

Eye Yehowa gblɔ na Mose bena: Mekpɔ bena, dukɔ sia la dukɔ kɔ lialiatɔ wònye.

Hezekiel 20:44

Israel ƒe aƒe, miadze sii be, nyee nye Yehowa, nenye be, mewo na mi le nye ŋkɔ ta, eye menye ɖe miaƒe zɔzɔme vɔ̃ɖiwo kple miaƒe nuwɔna gbegblẽwo nu o, Aƒetɔ Yehowa ye gblɔe!

Hezekiel 2:4

Vi, siwo gbɔ mele dɔwòm ɖo la, mo kplala li na wo, eye woƒe tame sẽ goŋgoŋ. Gblɔ na wo bena: „Ale Aƒetɔ Yehowa gblɔ esi!“

Psalmowo 78:8

ne womaganɔ abe wo fofowo, ƒome sẽto dzeaglã, ƒome, si ƒe dzi meli ke o, eye eƒe gbɔgbɔ meku ɖe Mawu ŋu le nyateƒe me o la ene o.

2 Kronika 36:13

Edze aglã ɖe fia Nebukadnezar, amesi na wòta Mawu nɛ la hã ŋu, esẽ ʋu me, eye wosẽ eƒe ta me, ale be metrɔ ɖe Yehowa, eƒe Mawu la ŋu o.

2 Kronika 30:8

Migasẽ ta me abe mia fofowo ene o, ke boŋ mina asi Yehowa, eye miva eƒe kɔkɔeƒe, si ŋu wòkɔ tegbee la, eye misubɔ Yehowa, mia Mawu, ne eƒe dɔmedzoe nu nata ɖe mia ŋu.

2 Mose 34:9

gblɔ bena: Aƒetɔ, ne eve nunye la, ekema meɖe kuku be, Aƒetɔ ŋutɔ nanɔ mia dome ayi, elabena dukɔ kɔ lialiatɔ wònye, eyata tsɔ miaƒe vodadawo kple nuvɔ̃wo ke mi, eye naxa mí awɔ tɔwòe.

2 Mose 33:3

akplɔ mi ayi anyigba, si dzi notsi kple anyitsi bɔ ɖo la dzi. Nyemanɔ mia dome ayi kpli mi o, elabena dukɔ kɔ lialiatɔwo mienye, ne nyemagatsrɔ̃ mi le mɔ dzi o.

Hezekiel 36:22

Eyata gblɔ na Israel ƒe aƒe la bena: Ale Aƒetɔ Yehowa gblɔ esi: Israel ƒe aƒe, menye mia ta mele ewɔm ɖo o, ke boŋ nye ŋkɔ kɔkɔe, si mieɖo gui le dukɔwo dome, afisi míeyi la lae.

5 Mose 3:18

Ɣemaɣi meɖe se na mi bena: Yehowa, mia Mawu, tsɔ anyigba sia na mi, ne wòanye mia tɔ; mi kalẽtɔwo katã mibla akpa dze mia nɔvi Israel-viwo ŋgɔ;

5 Mose 9:24

Tso esime menya mi la, to kokoko sẽm miele ɖe Yehowa ŋu.