5 Mose 32:42 - Biblia alo Ŋɔŋlɔ Kɔkɔe La Le Eʋegbe Me 1913

⁴² Mana nye aŋutrɔwo nano ʋu amũ, eye nye yi naɖu lã; ame tsiaʋawo kple aboyomewo ƒe nue, futɔwo kplɔlawo ƒe tatɔwo ƒe lae!

Agbenya La

⁴² Woƒe ʋu atsyɔ le aŋutrɔ ŋu nye yi awu ame siwo katã tso ɖe ŋunye. Nyemakpɔ nublanui na ame siwo wɔa aʋa kplim o; abixɔlawo kple gamenɔlawo gɔ̃ hã aku.

5 Mose 32:42 Referans Kwoze

5 Mose 32:23

Mala dzagbevɔ̃ewo katã ali kɔ ɖe wo dzi, eye mada nye aŋutrɔwo katã ɖe wo ŋu.

Yeremia 46:10

Gbemagbe enye hlɔ̃biagbe na Aƒetɔ, Yehowa Zebaot, ne wòabia hlɔ̃ eƒe futɔwo. Yi aɖu nu aɖi ƒo, eye wòamu woƒe ʋu; elabena Aƒetɔ, Yehowa Zebaot, le vɔsaŋkekenyuie ɖum le anyiehe-nyigba dzi, le Frat-tɔsisi la nu.

Konyifahawo 2:5

Aƒetɔ la trɔ zu futɔ, etsrɔ̃ Israel, eye wòtsrɔ̃ eƒe fiasãwo katã, egblẽ eƒe mɔ̃ sesẽwo, eye wòli kɔ nuxaxa ɖe nuxaxa dzi na Yuda-nyɔnuvi.

Yeremia 46:14

Mido kpo le Egipte, miɖe gbe ƒã le Migdol, eye miɖe gbe ƒã le Nof kple Taxpanxes! Migblɔ bena: Tso nadzra ɖokuiwò ɖo, elabena yi le nu ɖum le ŋuwò godoo.

Yeremia 30:14

Wò ahiãviwo katã ŋlɔ wò be, eye womebia ta wò se o; elabena metsɔ tohehe, si teƒe mekɔ o la, ƒo wòe abe futɔ ƒe ameƒoƒo ene le wò vodada gbogboawo kple wò nuvɔ̃ geɖeawo ta.

Yeremia 16:10

Eye ne èto nya siawo katã na dukɔ sia, eye wogblɔ na wò be: Nukaŋuti Yehowa ɖo dzɔgbevɔ̃e gã siawo katã ɖe mia ŋu, vo ka míeda, eye nuvɔ̃ ka míewɔ ɖe Yehowa, mía Mawu la ŋu hã la,

Psalmowo 68:23

Aƒetɔ la gblɔ be: Makplɔ wo atso Basan, eye makplɔ wo atso atsiaƒu gɔme,

Psalmowo 45:5

Nɔ wò atsyɔ̃ɖoɖo me, naho, eye yi le nyateƒenya la kple nya dzɔdzɔe, si wote ɖe to la ta, eye wò nuɖusi afia nu dziŋɔwo wɔwɔ wò!

Hiob ƒe Agbalẽ 13:24

Nukaŋuti nèɣla wò ŋku me dem, eye nèle buyem wò futɔe?

2 Samuel 1:22

Yonatan ƒe aŋutrɔ medea megbe le ame tsiaʋawo ƒe ʋu kple kalẽtɔwo ƒe ami me o, eye Saul ƒe yi megbɔna ƒuƒlu o.

Yesaya 34:5

Elabena nye yi mũ aha le dziƒo, eye woge dze Edom, dukɔ, si medo busui la dzi hena ʋɔnudɔdrɔ̃.

Yeremia 12:12

Nugblẽlawo va to ƒeƒlewo katã ta me te gbe dzi; elabena Yehowa ƒe yi le nu ɖum tso anyigba ƒe mlɔenu ɖaseɖe anyigba ƒe mlɔenu; ŋutifafaa ɖeke meli na ŋutilãwo katã o.

Psalmowo 45:6

Wò aŋutrɔ ɖaɖɛwo ƒo ɖe fia ƒe futɔwo ƒe dzi me, dukɔwo dze anyi ɖe tewò.