5 Mose 32:4 - Biblia alo Ŋɔŋlɔ Kɔkɔe La Le Eʋegbe Me 1913

⁴ Agakpe wònye, eƒe nuwɔwɔ de blibo; elabena eƒe mɔwo katã dzo. Mawu nyateƒetɔ wònye, eye alakpa mele eme o, nuteƒewɔla kple dzɔdzɔetɔ wònye.

Agbenya La

⁴ Eyae nye Agakpe la. Eƒe dɔ de blibo eƒe wɔnawo katã nyo, eye wodze. Mawu wɔa nuteƒe, eye vɔ̃ mele eŋu o.

5 Mose 32:4 Referans Kwoze

Psalmowo 92:15

Woatse ku le tsitsime ke hã, tsi anɔ wo me gugugu, eye woade ama

Yesaya 26:4

Miɖo dzi ɖe Yehowa ŋu ɖaa, elabena Yehowa, ẽ, Yehowa enye agakpe tegbee.

Psalmowo 18:2

Eye wògblɔ bena: Yehowa, nye ŋusẽ, nyemelɔ̃a nu le gbɔwò o;

Psalmowo 100:5

Elabena Yehowa ƒe dɔme nyo, eƒe amenuveve li tegbee kple eƒe nuteƒewɔwɔ tso dzidzime yi dzidzime.

Yakobo 1:17

Nunana nyuiwo katã kple nunana blibowo katã la dziƒo wotso, tso kekeliwo ƒe Fofo la gbɔ, amesi gbɔ liɖɔɖɔ alo tɔtrɔ ƒe vɔvɔlidodoa ɖeke meli o.

Mateo 5:48

Eyaŋuti miawo hã mizu blibo, sigbe alesi mia Fofo, si le dziƒo la, le blibo ene.

1 Korintotɔwo 10:4

Eye wo katã wono gbɔgbɔ me nunono ma ke, elabena wono tso gbɔgbɔ me kpe gbadza, si dze wo yome la me: ke kpe gbadza lae nye Kristo.

1 Mose 18:25

Esia nede megbe xaa tso gbɔwò be, nagawu ame dzɔdzɔe kple ame vɔ̃ɖi siaa zi ɖeka, eye ame dzɔdzɔe nanɔ abe ame vɔ̃ɖi ene o! Esia nede megbe xaa tso gbɔwò! Ɖe xexeame ƒe ʋɔnudrɔ̃la madrɔ̃ ʋɔnu dzɔdzɔe oa?

Yeremia 9:24

Yehowa be: Kpɔ ɖa, ŋkeke li gbɔna, esi mahe to na aʋatsotsotɔwo kple bolotɔwo katã:

Romatɔwo 3:5

Ke ne miaƒe madzɔmadzɔnyenye ɖe Mawu ƒe dzɔdzɔenyenye ɖe go fia la, nuka gblɔ ge mialã? Ne Mawu fia dziku la, ɖe etɔ medzɔ oa? Meƒo nu abe ame ene.

Romatɔwo 2:2

Ke mienyae bena, Mawu ƒe ʋɔnudɔdrɔ̃ le nyateƒe la nu va amesiwo wɔ nenem nusiawo la dzi.

Yohanes 14:6

Yesu gblɔ nɛ bena: Nyee nye mɔ la kple nyateƒe la kpakple agbe la, amea ɖeke mevaa Fofo la gbɔ o, negbe to dzinye ko.

Yohanes 1:14

Eye Nya la trɔ zu ŋutilã, eye wònɔ anyi le mia dome, eye míekpɔ eƒe ŋutikɔkɔe abe Tenuvi, si wodzi tso Fofoa gbã la, ƒe ŋutikɔkɔe ene, eye amenuveve kple nyateƒe yɔe fũ.

Yesaya 25:1

Yehowa, nye Mawu nènye, mado wò ɖe dzi, eye makafu wò ŋkɔ! Elabena èwɔ nukunuwo, wò gbaɖegbe tameɖoɖowo nye nyateƒe, eye wometrɔna o!

1 Petro 2:6

Eyata wòle ŋɔŋlɔ la me bena: „Kpɔ ɖa, meɖo dzogoedzikpe tiatia xɔasi anyi ɖe Zion, eye amesi ke xɔ edzi se la, ŋu mele ekpe ge o.“

Yohanes 5:22

Elabena Fofo la medrɔ̃a ʋɔnu amea ɖeke o, ke boŋ etsɔ ʋɔnudɔdrɔ̃ la katã de asi na Via,

Habakuk 1:13

Wò amesi ƒe ŋkuwo dza, be màte ŋu akpɔ nu yɔ̃ɖi wɔwɔ o, eye màte ŋu alé ŋku ɖe hiãkame ŋu o, nu kaŋuti nèle ame tovo kpɔm kpleŋku, eye nèzi kpi, ne ame vɔ̃ɖi mi amesi nye ame dzɔdzɔe wui la?

Yesaya 28:16

Eyata ale Aƒetɔ Yehowa gblɔ esi: Kpɔ ɖa, meɖo kpea ɖe anyi ɖe Zion, kpe, si wodo kpɔ, dzògoekpe xɔasi, si li ke zã. Amesi xɔe se la, masi o.

Psalmowo 97:2

Alilikpo kple tsizi ƒo xlãe, dzɔdzɔenyenye kple ʋɔnudɔdrɔ̃ nye eƒe fiazikpui ƒe anyinɔ.

Hiob ƒe Agbalẽ 34:10

Eyata, mi ŋutsu nunyalawo, milé to ɖe ŋunye! Nede megbe xaa be, Mawu nawɔ nu vɔ̃ɖi, eye ŋusẽkatãtɔ nawɔ nu madzɔmadzɔ;

5 Mose 32:18

Eɖe ŋu ɖi le agakpe, si dzi wò la ŋu, eye nèŋlɔ Mawu, si ƒe dɔme nèdzɔ tso la be.

5 Mose 32:15

Yesurun ɖa ami, eye wòda afɔkli. Eye esi nèda ami klã, eye nèkpɔ lãme la, egblẽ Mawu, si wɔ wò la ɖi, eye nedo vlo agakpe, si nye wò xɔxɔ.

Yakobo 4:12

Ame ɖeka koe nye sedela kple ʋɔnudrɔ̃la: Eyae nye amesi tea ŋu xɔa ame ɖe agbe, eye wògatea ŋu tsrɔ̃a ame. Ke wò la, ameka nènye hele ʋɔnu drɔ̃m hawòvi mahã?

Romatɔwo 2:5

Ke wò la, le wò dzi sesẽ, si metrɔ o la nu, nèƒo dziku nu ƒu ɖi na ɖokuiwò hena dziku ƒe ŋkeke kpakple Mawu ƒe ʋɔnudɔdrɔ̃ dzɔdzɔe ƒe ɖeɖefia la,

Romatɔwo 1:32

amesiwo nya Mawu ƒe nuɖoanyi dzɔdzɔe la kɔte bena, amesiwo wɔa nusiawo la, wodze ku; eye womewɔa nusiawo ɖeɖeko o, hafi boŋ wokpɔa dzidzɔ le amesiwo wɔne la hã ŋuti.

Yohanes 1:17

Elabena wona se la to Mose dzi; amenuveve kple nyateƒe va to Yesu Kristo dzi.

Yeremia 10:10

Ke Yehowa enye Mawu vava; eyae nye Mawu gbagbe kple fia mavɔ; anyigba ʋuʋu le eƒe dɔmedzoe nu, eye eƒe dziku menya le tsɔtsɔm na dukɔwo o.

Yesaya 32:2

Amesiame anɔ abe sitsoƒe tso ya nu, bebeƒe tso tsidzadza nu, tɔʋu le gbegbe kple agakpe gã nyadri ƒe vɔvɔli le kuɖiɖinyigba dzi ene.

Yesaya 30:18

Eyata Yehowa le lalam, be yeave mia nu, eyata wotso, be yeakpɔ nublanui na mi; elabena ʋɔnudɔdrɔ̃ ƒe Mawu enye Yehowa. Woayra amesiwo katã kpɔa esinu!

Nyagblɔla 3:14

Medze sii be, nusiwo kam Mawu wɔ la, anɔ anyi ɖaa, womatsɔ naneke akpee o, eye womaɖe naneke le eme o. Mawu ɖe wòwɔe, alea, be woavɔ̃ ye.

Psalmowo 146:6

eya, amesi wɔ dzi kple anyi, atsiaƒu kple nusiwo katã le eme, eya, amesi léa nuteƒewɔwɔ me ɖe asi tegbee;

Psalmowo 138:8

Yehowa awɔe aɖe goe nam. Yehowa, wò amenuveve li tegbee; megagblẽ wò asinudɔwɔwɔwo ɖi o.

Psalmowo 99:4

Eli ŋusẽ anyi na fia, si lɔ̃a nu dzɔdzɔe la, eye nedo nusi dzɔ la te; ena ʋɔnudɔdrɔ̃ kple dzɔdzɔenyenye dzi le Yakob.

Psalmowo 98:3

Eɖo ŋu eƒe amenuveve kple nuteƒewɔwɔ na Israel ƒe aƒe la Anyigba ƒe mlɔenuwo katã kpɔ mía Mawu, ƒe xɔname.

Psalmowo 31:5

Àɖem le ɖɔ, si woɖo nam la me, elabena wòe nye nye sitsoƒe!

Psalmowo 19:7

Edzena ɖe dziƒo ƒe mlɔenu, eye wòtrɔna va eƒe mlɔenu, naneke meɣlana ɖe eƒe dzoxɔxɔ o.

Psalmowo 18:46

Nu te du bubu me viwo ŋu, eye wodzo nyanyanya hedo le wote mawo me.

Psalmowo 9:16

Dukɔwo ge dze ɖo, si woawo ŋutɔ woɖe la me, eye ɖɔ, si woɖo di la, ɖe woƒe afɔ.

Hiob ƒe Agbalẽ 35:14

Azɔ nèle gbɔgblɔm hã be, yemele ekpɔm o. Nya la le eŋku me, dzɔ esi nu ko!

2 Samuel 23:3

Israel ƒe Mawu la ƒo nu, Israel ƒe agakpe la gblɔ nam bena: Amesi ɖu amegbetɔwo dzi dzɔdzɔe kple amesi ɖu dzi le mawuvɔvɔ̃ me la,

2 Samuel 22:47

Yehowa le agbe; woakafu nye agakpe, eye wòado Mawu, nye xoxo ƒe agakpe la, ɖe dzi.

1 Samuel 2:2

Amea ɖeke mele kɔkɔe abe Yehowa ene o, ɖeke mekpe ɖe ŋuwò o, eye agakpea ɖeke meli abe mía Mawu la ene o!

5 Mose 10:18

amesi tsoa afia na tsyɔ̃eviwo kple ahosiwo, eye wolɔa amedzro hena abolo kple avɔtatae.

5 Mose 7:9

Eyata nyae bena, Yehowa, wò Mawu la, Mawu vavã kple Mawu anukwaretɔ wònye, amesi wɔa eƒe nubabla kple nublanuikpɔkpɔ dzi na amesiwo lɔ̃nɛ, eye wowɔa eƒe se dzi la, vaseɖe dzidzime akpe dzi;

2 Mose 34:6

Eye Yehowa va to eŋuti yi heɖe gbe ƒã bena: Yehowa, Yehowa, nublanuikpɔla kple amenuve Mawu, amesi gbɔa dzi blewu, eye eƒe amenuveve kple nuteƒewɔwɔ sɔ gbɔ,

1 Mose 1:31

Eye Mawu kpo nusiwo katã wòwɔ la, eye kpɔ ɖa, wonye ŋutɔ. Ale zã do, eye ŋu ke, eya nye ŋkeke adelia.

2 Kronika 19:7

Eyata Yehowa ƒe ŋɔdzi nelé mi, eye mikpɔ nyuie le miaƒe nuwɔwɔwo me, elabena le Yehowa, mia Mawu gbɔ la, nu madzɔmadzɔ wɔwɔa ɖeke, amedzidedea ɖeke alo zãnuxɔxɔa ɖeke meli o!

Hiob ƒe Agbalẽ 8:3

Ɖe Mawu atrɔ gbo nya dzɔdzɔea? Eye ɖe ŋusẽkatãtɔ atrɔ gbo dzɔdzɔenyenyea?

Hiob ƒe Agbalẽ 36:23

Ameka ɖo eƒe mɔwo nɛ, eye ameka kpɔ mɔ agblɔ nɛ be: Ewɔ nu manyomanyo?

Psalmowo 78:35

woɖoa ŋku edzi be, Mawue nye yewoƒe agakpe, eye Mawu, dziƒoʋitɔ la, enye yewoƒe xɔnametɔ.

Psalmowo 90:16

Na wo dɔwɔwɔ nadze na wò dɔlawo, eye wò atsyɔ̃ nanɔ viwòwo ŋu!

Yesaya 17:10

Elabena èŋlɔ wò xɔxɔ ƒe Mawu la be, eye meɖo ŋu wò sitsoƒe ƒe agakpe la o; eyata nede agble nyowo, eye nèdo du bubu me tɔwo ƒe weinka ɖe wo me.

Habakuk 1:12

Yehowa, nye Mawu, nye kɔkɔetɔ, ɖe menye wòe li tso blema ke oa? Míele kuku ge o. Yehowa, wòe ɖoe na ʋɔnudɔdrɔ̃, wò agakpe, wòe ɖoe na tohehe.

Zefania 3:5

Yehowa enye dzɔdzɔetɔ le wo ɖome, eye mewɔa nu gbegblẽa ɖeke o; eɖea eƒe ʋɔnudɔdrɔ̃ doa goe ŋdi sia ŋɖl, eye medzudzɔnɛ o; ke ame vɔ̃ɖi menya nuka nye ŋukpe o.

Nehemia 9:8

Eye esi nèkpɔ be, eƒe dzi ɖi anukware le ŋkuwò me la, èbla nu kplii, be yeatsɔ Kanaanitɔwo, Xititɔwo, Amoritɔwo, Perizitɔwo, Yebusitɔwo kple Girgasitɔwo ƒe anyigba ana eƒe dzidzimeviwo, eye nèwɔ wò nya dzi, elabena dzɔdzɔetɔ nènye.

Psalmowo 33:4

Elabena Yehowa ƒe nya toa mɔ ɖeka, eye eƒe nuwɔwɔwo katã le eteƒe.

Psalmowo 145:17

Yehowa enye dzɔdzɔetɔ le eƒe mɔwo katã me, kple amenuvetɔ le eƒe nuwɔwɔwo katã me.

Daniel 4:34

Eyata nye Nehukadnezar makafu dziƒo fia la, made bubu eŋu, eye mada akpe nɛ; elabena eƒe nuwɔwɔwo katã le eteƒe, eƒe mɔwo dza, eye wòbɔbɔa dadalawo ɖe anyi.