5 Mose 10:22 - Biblia alo Ŋɔŋlɔ Kɔkɔe La Le Eʋegbe Me 1913

²² Fofowòwo le ame blaadre hafi va Egipte, ke azɔ la Yehowa, wò Mawu, na mèsɔ gbɔ abe dziƒoɣletiviwo ene.

Agbenya La

²² Mia fofowo dometɔ ame blaadre koe yi Egipte, gake azɔ la, Yehowa, miaƒe Mawu la wɔ mi miedzi sɔ gbɔ abe ɣletiviwo le dziŋgɔli me ene!”

5 Mose 10:22 Referans Kwoze

1 Mose 46:27

Ŋutsuvi, siwo wodzi na Yosef le Egipte la, wole ame eve. Yakob vi, siwo katã va Egipte la, wole ame blaadre.

2 Mose 1:5

Yakob ƒe dzidzimeviwo katã le ame blaadre: ke Yosef ya tre Egipte vava.

1 Mose 15:5

Eye wòkplɔe yi ɖe xexe gblɔ nɛ bena: Kpɔ dziƒo ɖa, eye naxlẽ ɣletiviwo, ne ate ŋu axlẽ wo la. Eye wògblɔ nɛ bena: Nenema wò ƒome anɔ.

5 Mose 1:10

Yehowa, mia Mawu, na, miedzi ɖe dzi, eye azɔ miesɔ gbɔ abe dziƒoɣletiviwo ene.

Nehemia 9:23

Ena wo viwo sɔ gbɔ abe dziƒo ɣletiviwo ene, eye nèkplɔ wo va anyigba, si ŋu nègblɔ le na wo fofowo be, woayi adaxɔe wòanye wo lɔ la dzi.

5 Mose 28:62

Eye miatrɔ zu ʋee, ɖe esi miasa gbɔ abe dziƒoɣletiviwo ene la teƒe, elabena meɖo to Yehowa, wò Mawu ƒe gbe o.

Dɔwɔwɔwo 7:14

Eye Yosef do woɖayɔ fofoa Yakob kple eƒome la katã, wole luʋɔ blaadre vɔ atɔ̃ la, vɛ ne.

4 Mose 26:51

Amesiwo wotia xlẽ le Israel-viwo me la, le ame akpe alafa ade kple ɖeka alafa adre blaetɔ̃.

Hebritɔwo 11:12

Eyata tso ame ɖeka, si ƒe vidzidɔ ku la me, dzidzime va dzɔ sɔ gbɔ abe dziƒoɣletiviwo ƒe agbɔsɔsɔ ene, eye abe ƒutake, si womate ŋu axlẽ o la ene.

4 Mose 26:62

Eye wotia ŋutsu, siwo xɔ dzinu ɖeka alo wu nenema la xlẽ, wole ame akpe blave vɔ etɔ̃. Ke wometia wo xlẽ ɖe Israel-viwo dome o, elabena womèna domenyinua ɖeke wo le Israel-viwo dome o.

1 Mose 22:17

eyata mayra wò geɖe ŋutɔ, eye viwòwo asɔ gbɔ fũ abe dziƒoɣletiviwo kple ƒutake ene, eye wò dzidzimeviwo atsɔ woƒe futɔwo ƒe duwo anyi domee.

5 Mose 26:5

Eye nagblɔ le Yehowa, wò Mawu ŋku me bena: Fofonye enye Aramtɔa ɖe, si de tsɔtsrɔ ge, eye wòʋu va Egipte; ame ʋeea ɖewo ko wonye henye amedzrowo le afima, ke wodzi ɖe dzi, eye wotrɔ zu dukɔ gã sẽŋua ɖe.

1 Mose 46:26

Yakob vi, siwo katã nu kplii yi Egipte, ne woɖe viaŋutsuwo srɔ̃wo le eme la, wole ame blaade vɔ ade.

5 Mose 1:11

Yehowa, mia fofowo ƒe Mawu, ana miasɔ gbɔ ɖe dzi zi akpe, eye wòayra mi, abe alesi wòdo ŋugbe na mi ene.