4 Mose 6:14 - Biblia alo Ŋɔŋlɔ Kɔkɔe La Le Eʋegbe Me 1913

¹⁴ Eye wòatsɔ nusiawo asa vɔe na Yehowa, alẽvi, si xɔ ƒe ɖeka, eye naneke mewɔ afia ɖeke nɛ o, woawɔ numevɔsae, alẽnɔ, si xɔ ƒe ɖeka, eye naneke mewɔ afia ɖeke nɛ o, woawɔ nuvɔ̃vɔsae, kple agbo, si naneke mewɔ aba ɖeke nɛ o, woawɔ akpedavɔsae

Agbenya La

¹⁴ eye wòasa numevɔ na Yehowa kple alẽ si xɔ ƒe ɖeka, eye wòde blibo. Ele be wòagana alẽnɔ si xɔ ƒe ɖeka, eye wòde blibo hena nu vɔ̃ ŋuti vɔsa kple agbo ɖeka si de blibo la na ŋutifafavɔsa.

4 Mose 6:14 Referans Kwoze

3 Mose 4:32

Nenye alẽvi wòbe, yeatsɔ asa nuvɔ̃ŋutivɔe la, ekema wòanye nɔe, si sɔ blibo,

3 Mose 3:6

Nenye alẽ wòbe, yeatsɔ asa akpedavɔ na Yehowa la, ekema wòatsɔ esi sɔ blibo, eɖanye atsu alo nɔ o, asa vɔ lae.

1 Petro 1:19

ke boŋ kple Kristo ƒe ʋu xɔasi la abe alẽvi, si ŋu mokaka kple kpɔtsotso mele o la, ƒe ʋu ene,

1 Kronika 15:26

Eye esi Mawu kpe ɖe Lewi-vi, siwo tsɔ Yehowa ƒe nubablaɖaka ŋuti la, wotsɔ nyitsu adre kple agbo adre sa vɔe.

4 Mose 15:27

Ke nenye ame ɖeka koe ɖe ŋu ɖi da ƒu la, ekema wòana gbɔ̃nɔ, si xɔ ƒe ɖeka, woawɔ nuvɔ̃vɔsae.

3 Mose 14:10

Le ŋkeke enyiagbe woatso alẽvi eve, siwo so blibo, kple alẽnɔ, si xɔ ƒe ɖeka, eye wosa blibo la, akpe ɖe wɔ memee tre etɔ̃, si wodzaba kple ami ŋu awɔ nuɖuvɔsae, hekpe ɖe ami trevi ɖeka ŋu.

3 Mose 4:27

Ne dukɔ la dometɔa ɖe ɖe ŋu ɖi da Yehowa ƒe seawo dometɔ ɖeka dzi, eye woɖi fɔ,

Psalmowo 66:15

Matsɔ alẽ damiwo asa numevɔ na wò akpe ɖe agbowo ƒe dzudzɔ lilili ŋu, matsɔ nyiwo kple gbɔ̃tsuwo asa vɔ na wò. Sela.