4 Mose 28:4 - Biblia alo Ŋɔŋlɔ Kɔkɔe La Le Eʋegbe Me 1913

⁴ Nawu alẽvi ɖeka le ŋdi, eye nawu alẽvi evelia le fiẽ.

Agbenya La

⁴ Woatsɔ alẽvi ɖeka asa vɔe le ŋdi me, eye woatsɔ evelia asae le fiẽ me.

4 Mose 28:4 Referans Kwoze

Daniel 9:21

esi megale gbe dom ɖa la, ŋutsu Gabriel, si mekpɔ le ŋutega me tsã la, dzo va gbɔnye le flẽvɔsaɣi.

1 Fiawo 18:36

Esime nuɖuvɔsaɣi ɖo la, nyagblɔɖila Eliya te va hegblɔ bena: Yehowa, Abraham kple Isak kpakple Israel ƒe Mawu, egbe nana woanyae be, wòe nye Mawu le Israel, eye menye wò dɔla, eye be mewo nusiawo katã le wò nya nu.

1 Fiawo 18:29

Eye esi ɣetrɔ ɖo la, wode asi nugbenugbee wɔwɔ me vaseɖe ɣeyiɣi, si wosaa nuɖuvɔ; ke gbea ɖeke meɖi o, amea ɖeke metɔ o, eye amea ɖeke meɖo to o.

4 Mose 9:3

Miaɖui ɖe eƒe ɣeyiɣi dzi le ɣleti sia ƒe ŋkeke wuienelia dzi le fiẽ ɖe ɖoɖo kple se, siwo katã le eŋu la nu.

2 Mose 12:6

Eye miadzrae ɖo vaseɖe ɣleti sia ƒe ŋkeke wuienelia dzi, eye Israel-viwo ƒe ha blibo la nawui le fiẽ me.

Psalmowo 141:2

Nye gbedodoɖa nenɔ ŋkuwò me abe dzudzɔ ʋeʋẽe ene, eye nye asiwo wuwu dzi nenɔ abe fiẽnuɖuvɔsa ene.

3 Mose 3:7

Nenye alẽvi wotsɔ be, yeasa vɔ lae la, ekema wòakplɔe ava Yehowa ŋku me,

4 Mose 28:3

Gblɔ na wo bena: Dzovɔ, si miasa na Yehowa la, enye si: Miatsɔ alẽvi eve, siwo sɔ blibo, eye woxɔ ƒe ɖekaɖeka la, asa numevɔe gbesiagbe.

4 Mose 28:5

Eye natsɔ wo memee efa ƒe ewoliawo ɖeka, si wodzaba kple dzomi hin eneliawo ɖeka la, awɔ nuɖuvɔsae.

1 Kronika 16:40

ne woasa numevɔ na Yehowa le numevɔsamlekpui la dzi ɖaa, ŋdi kple fiẽ, abe alesi woŋlɔ ɖe Yehowa ƒe se la me na Israel ene;

Yoel 1:13

Mi nunɔlawo, mibla ali dzi, ne miafa konyi! Mi vɔsamlekpui la subɔlawo, mifa avi! Miva miatsi akpanya me adɔ, mi, nye Mawu subɔlawo; elabena nuɖuvɔsa kple nunovɔsa nu tso le mia Mawu ƒe me.