4 Mose 13:26 - Biblia alo Ŋɔŋlɔ Kɔkɔe La Le Eʋegbe Me 1913

²⁶ Eye wogbɔ va Mose kple Aron kpakple Israel-viwo ƒe ha blibo la gbɔ, le Kades le Paran-gbedzi, hegblɔ dɔgbedenyawo na woa kple ha blibo la, eye wotia anyigba dzi kutsetseawo hã wo.

Agbenya La

²⁶ Wogblɔ nu si wokpɔ la na Mose, Aron kple Israelviwo katã le Paran gbedzi le Kades, eye wotsɔ kutsetse siwo wotsɔ vɛ la fia wo.

4 Mose 13:26 Referans Kwoze

4 Mose 32:8

Alea pɛ mia fofowo wɔ, esi medo wo tso Kades-Barnea, bena woaɖakpɔ anyigba la ɖa.

4 Mose 20:1

Le ɣleti gbãtɔ me la Israel-viwo ƒe ha blibo la va Zin-gbedzi, eye dukɔ la ƒu asaɖa anyi ɖe Kades. Miryam ku le afima, eye woɖii ɖe afima.

5 Mose 1:19

Tete míeho tso Xoreb heto gbegbe gã dziŋɔ ma, si mia ŋutɔwo miekpɔ la, heɖo ta Amoritɔwo ƒe towo gbɔ, abe alesi Yehowa, mia Mawu, de se na mí ene: eye mieva ɖo Kades-Barnea.

4 Mose 33:36

Woho tso Ezeon-Geber heva ƒu asaɖa anyi ɖe Kades le Sin-gbedzi,

4 Mose 20:16

Eye mieɖo ɣli na Yehowa, eye wose míaƒe gbe hedɔ mawudɔlaa ɖe ɖa wòkplɔ mi tso Egipte; azɔ miele Kades, du, si le wò liƒo ŋu la me.

Yosua 14:6

Tete Yuda-viwo va Yosua gbɔ le Gilgal, eye Kaleb, Yefune vi, si nye Kenizitɔ la, gblɔ nɛ bena: Enya nya, si Yehowa gblɔ na Mose, Mawu ƒe ame la, le mía kpli wo ŋuti le Kades-Barnea.

1 Mose 14:7

Emegbe wòtrɔ va En-Mispat, si enye Kades, eye wòsi Amalekitɔwo katã kple Amoritɔ, siwo nɔ Xazazon-Tamar la hã.

4 Mose 13:25

Esi wotsa ŋku le anyigba la dzi vɔ la, wòtrɔ gbɔ le ŋkeke blane megbe.

4 Mose 20:14

Eye Mose dɔ dɔlawo le Kades ɖo ɖe Edom-fia gbã bena: Ale nɔviwò Israel gblɔ esi: Wò ŋutɔ ènya fu, siwo katã dzo ɖe mia dzi.

5 Mose 1:2

ŋkeke wuiɖekɛ ƒe azɔli tso Xoreb ɖo ta Seir-towo gbɔ vaseɖe Kades-Barnea.

Psalmowo 29:8

Yehowa ƒe gbe na gbedzi ʋuʋu, Yehowa na Kades-gbedzi ʋuʋu.

4 Mose 13:3

Eye Mose ɖɔ wo ɖa tso Paran-gbedzi le Yehowa ƒe se la nu; ŋutsuawo, katã nye ame ŋkutawo le Israel-viwo dome.

4 Mose 32:9

Wova Eskol-tɔʋu la nu hekpɔ anyigba la ɖa, eye woɖe dzi le Israel-viwo ƒo, ale bena wobe, yewomegale anyigba, si Yehowa na wo la, dzi yi ge o.

Yosua 14:7

Mexɔ ƒe blane, esime Yehowa ƒe dɔla Mose dɔm tso Kades-Barnea, be mayi ɖatsa ŋku le anyigba dzi, eye meva gblɔ, alesi mekpɔ la nɛ.