3 Mose 26:20 - Biblia alo Ŋɔŋlɔ Kɔkɔe La Le Eʋegbe Me 1913

²⁰ Yakatsyɔ miawo do, ŋusẽ nava le mia ŋu, elabena anyigba mawɔ nu o, eye agblemetiwo matse ku o.

Agbenya La

²⁰ Miadagba dzodzro, elabena miaƒe anyigba mana miaƒe nukuwo naʋã o, eye miaƒe kutsetsetiwo matse ku o.

3 Mose 26:20 Referans Kwoze

Yesaya 49:4

Ke megblɔ be: Medze agbagba yakatsyɔ, eye megblẽ nye ŋusẽ ɖe ya me dzodzro; ke Yehowa si me nye nya le, eye nye fetu le nye Mawu gbɔ.

Psalmowo 127:1

Salomo ƒe mɔzɔha. Ne Yehowa metu xɔ o la, dzodzroa etulawo le agbagba dzem le eŋu; ne Yehowa medzɔ dua ŋu o la, dzodzroe dzɔla le ŋudzɔ.

5 Mose 11:17

ne Yehowa magado dɔmedzoe ɖe mia ŋu, eye woatu dziƒo nu, bena tsi magadza, eye anyigbadzĩnuwo nagbe wɔwɔ o, eye miatsrɔ̃ ava le anyigba, si Yehowa le mia na ge la dzi amloamlo o.

Habakuk 2:13

Kpɔ ɖa, ɖe menye Yehowa Zebaot gbɔ wòtso be, dukɔwo nadze agbagba bena dzo, eye anyigba dzi dukɔwo naku kutri yakatsyɔ oa?

3 Mose 26:4

ekema mana tsi nadza na mi le edzaɣi, anyigba awɔ nu, eye agblemetiwo atse ku.

Galatiatɔwo 4:11

Mele vɔvɔ̃m ɖe mia nu bena, misela medze agbagba dzodzro ɖe mia ta mahĩ?

1 Korintotɔwo 3:6

Nye la medo nu, eye Apolo de tsii, ke Mawue nana wotsina nyuie.

Hagai 2:16

Ɣemaɣi la wova lu bablakɔa ɖe, si anye nudotree blave la gbɔ, ke wo ame ewo ko wònɔ; wova weinfiãƒe, be woaku goe blaatɔ̃, gake wo ame blave ko wònɔ.

Yesaya 17:11

Gbesigbe nedoe la, ètɔ kpɔ ɖe eŋu, eye esi ŋu ke la, èna wò nukuawo ƒo se, ke nuŋeɣi la ʋu ya le takpegbe kple veve heliheli segbe.

Psalmowo 107:34

anyigba wɔnu zu dzeƒee le edzinɔlawo ƒe nu vɔ̃ɖi wɔwɔ ta.

Hiob ƒe Agbalẽ 31:40

ekema ŋu nemie ɖe lu teƒe, eye gbe vɔe nemie ɖe ƒo teƒe! Hiob gblɔ eƒe nya vɔ.

5 Mose 28:42

Adogowo aɖu wò atiwo kple wò agblemenuwo.

5 Mose 28:18

Aɖi wò dɔmevi kple wò agblemenukuwo kpakple wò nyinɔwo kple wò alẽnɔwo ŋu.

5 Mose 32:22

Elabena nye ŋɔti me lé dzo, eye wòle bibi ge aɖe tsiẽƒe ke, afiã anyigba kple nusiwo wɔna le edzi, eye wòafiã towo ƒe gɔmegɔmea.

Yesaya 17:10

Elabena èŋlɔ wò xɔxɔ ƒe Mawu la be, eye meɖo ŋu wò sitsoƒe ƒe agakpe la o; eyata nede agble nyowo, eye nèdo du bubu me tɔwo ƒe weinka ɖe wo me.

Yeremia 12:13

Woƒã lu, ke ŋu woaxa, woku kutri, ke viɖe manɔ eme na wo o; ale ŋu akpe mi ɖe miaƒe agblemenuwo ŋu le Yehowa ƒe dɔmedzoe heliheli la ta.

1 Mose 4:12

Ne eŋlɔ anyigba la, megale nu ʋẽ ge na wò o; tsatsala kple godzela nanye le anyigba dzi!

1 Fiawo 18:2

Tete Eliya yi ɖatsɔ eɖokui na Axab. Ke dɔwuame la nu sẽ le Samaria.

Hosea 2:11

Eyata ne azã ɖo edzi la, maɖe bli kple wein ɖa, eye maxɔ nye ɖeti kple nye anazi, si wòtsɔna xea eƒe amae la.