3 Mose 24:11 - Biblia alo Ŋɔŋlɔ Kɔkɔe La Le Eʋegbe Me 1913

¹¹ Eye Israel-nyɔnu la ƒe viŋutsu la ƒo ti de ŋkɔ kɔkɔe la, eye wòdo ɖiŋu nɛ; tete wokplɔe va Mose gbɔe. Dada ŋkɔ nye Selomit, amesi nye Dibri vinyɔnu, tso Dan-to la me.

Agbenya La

¹¹ Le avu sia wɔwɔ me la, Israel nyɔnu la ƒe vi gblɔ busunya ɖe Mawu ŋu, eye wohee va Mose gbɔ be wòadrɔ̃ ʋɔnui. (Dadaa ŋkɔe nye Selomit, Dibri ƒe vinyɔnu, tso Dan ƒe to la me.)

3 Mose 24:11 Referans Kwoze

Yesaya 8:21

Woanɔ tsa glãla tsam, woate wo ɖe anyi, eye do awu wo, eye ne do le wo wum la, wòado dziku ahaƒo fi ade woƒe fia kple woƒe Mawu. Eye ne wofa ko dzi

Hiob ƒe Agbalẽ 2:5

Ke ɖo wò abɔ ɖa, ne nade asi eƒe ʋu kple eƒe ŋutilã ŋu kpoa, be magbe wo nya me ŋkuwo me keŋ ene oa?

2 Mose 20:7

Megayɔ Yehowa, wo Mawu, ƒe ŋkɔ yakayaka o, elabena Yehowa magbe tohehe na amesi yɔa eƒe ŋkɔ dzodzro la o.

2 Mose 18:26

Eye wodrɔ̃a ʋɔnu na dukɔ la ɣesiaɣi, negbe nya veviwo ko wotsɔna vaa Mose gbɔe, ke nya kpotokpotoewo katã la woawo ŋutɔ drɔ̃nɛ.

2 Mose 18:22

bena woadrɔ̃ ʋɔnu na dukɔ la ɣesiaɣi, negbe nya veviwo ko woatso va gbɔwò; ke nya kpotokpotoewo la woa ŋutɔwo nadrɔ̃e. Ale naɖe agba le ɖokuiwò dzi, eye woaxɔ na wò.

2 Mose 3:15

esia nye nye ŋkɔ tegbee, eye nye ŋkɔ sia dzidzimewo katã woayɔ.

Nyaɖeɖefia 16:21

Eye tsikpe gã, siwo ƒe kpekpeme anɔ talento ɖeka la, dza tso dziƒo hlẽ ɖe amewo dzi, eye amewo do busu Mawu le tsikpeawo ƒe fuwɔame la ŋuti; elabena woƒe fuwɔame la nu sẽ ŋuta.

Nyaɖeɖefia 16:11

eye wodo busu dziƒo Mawu la le woƒe fukpekpe kple woƒe ƒoƒoeawo ta, eye wometrɔ tso woƒe nuwɔnawo me o.

1 Timoteo 1:13

nye amesi nye busunyagblɔla kple yometila kpakple vlodola tsã; ke wokpɔ nublanui nam, elabena mewɔe le numanyamanya me, le dzimaxɔse me.

Romatɔwo 2:24

Elabena le miawo ŋuti la wogblɔa busunya ɖe Mawu ƒe ŋkɔ ŋuti le trɔ̃subɔlawo dome, abe alesi woŋlɔ ɖi ene.

Mateo 26:65

Tete nunɔlagã la dze eƒe awuwo gblɔ bena: Egblɔ busunya! Ɖaseɖila kawo gahiã mí? Kpɔ ɖa, azɔ miese busunya la;

Psalmowo 74:22

Mawu, tso, nawɔ wò aʋa! Ɖo ŋu alɔme, si bometsilawo le ɖeɖem le ŋuwò atraɖi la!

Psalmowo 74:18

Yehowa, do ŋui be, wòe futɔ la do vloe, eye wò ŋkɔ ŋu dukɔ bometsila la ɖe alɔme le!

Hiob ƒe Agbalẽ 1:22

Le nusiawo katã me la Hiob mewɔ nuvɔ̃ o, eye mebu vɔ̃a ɖeke ɖe Mawu ŋu o.

Hiob ƒe Agbalẽ 1:11

Ke do asi da, ne nade asi nusiwo katã le esi la ŋu kpɔ, be magbe wò nya ɖe ŋkuwo me keŋ oa?

Hiob ƒe Agbalẽ 1:5

Eye ne aglotuɣiawo trɔ va kpe la, Hiob dɔa ame da woɖakɔa wo ŋu. Efɔna ŋdi kanya, eye wòsa numevɔ ɖe wo katã ƒe xexlẽme nu; elabena Hiob gblɔ be: Misela vinyewo wɔ nuvɔ̃, eye wofe Mawu ɖe aga le woƒe dziwo me hĩ. Alea Hiob wona ɣesiaɣi.

2 Fiawo 19:22

Ameka nedo vloe, eye ameka ŋu neɖu fewu le, ameka ta nèɖo ɣli ɖo, eve ameka ŋu nèfɔ mo dzi ɖo? Israel ƒe kɔkɔetɔ lae loo!

2 Fiawo 19:10

Ale miagblɔ na Xizkiya enye si: Megana wò Mawu, si ŋu nèle dzi ɖom ɖo la, naɖu wò nagblɔ be: womatsɔ Yerusalem ade asi na Asur-fia o.

2 Fiawo 19:6

Tete Yesaya gblɔ na wo bena: Ale miagblɔ na miaƒe aƒetɔ enye si: Yehowa ƒe gbe enye si: Megavɔ̃ nya, siwo Asur-fia ƒe ɖekakpuiwo tso ɖe alɔme le ŋunye nèse la o!

2 Fiawo 18:37

Eye Elyakim, Xilkiya vi, amesi le aƒea nu, kple Sebna, agbalẽŋlɔla, kpakple Yoax, Asaf vi, fia ƒe tsiami, wole awu vuvuwo me va Xizkiya gbɔ, eye woto Rabsake ƒe nyawo nɛ.

2 Fiawo 18:35

Ɖe anyigbawo ƒe mawuwo katã dometɔa ɖe ɖe eƒe anyigba tso asinye me, ne Yehowa naɖe Yerusalem atso asinye mea?

2 Fiawo 18:30

Eye migana Xizkiya natsɔ Yehowa ade dzi ƒo na mi agblɔ be: Yehowa aɖe mi, eye womatsɔ du sia ade asi na Asur-fia o.

1 Fiawo 21:13

Emegbe yakame eve wova nɔ ekasa, eye yakameawo le ɖase ɖim le Nabot ŋu le dukɔ la ŋku me le gbɔgblɔm bena: Nabot do ɖiŋu na Mawu kple fia la! Eye wokplɔe do go yi dua godo ɖaƒu kpee wòku.

1 Fiawo 21:10

Eye mitsɔ yakame eve ɖo ekasa, amesiwo anɔ ɖase ɖim le eŋu anɔ gbɔgblɔm bena: Edo ɖiŋu na Mawu kple fia la! Emegbe miakplɔe ado goe aɖaƒu kpee wòaku.

2 Samuel 12:14

Ke esi newɔ nusia, eye nena Yehowa ƒe futɔwo kpɔ fewuɖunu la, eyata ŋutsuvi, si wodzi na wò la, aku.

2 Mose 22:28

Megamiã asi ɖe wò agblemenu ʋaʋãwo kple wò ami dzi o, eye natsɔ wò ŋgɔgbeviŋutsuwo nam.

3 Mose 24:10

Eye Israel-nyɔnua ɖe ƒe viŋutsua, amesi nye Egipte-ŋutsua ɖe ƒe yi la, yi Israel-viwo dome; tete Israel-nyɔnu la ƒe viŋutsu kple Israel-ŋutsua ɖe wowɔ dzre le asaɖa la me.